Rechna

A Rechna oda Computer (vo lat.: computare, zammrechna) is a Apparat, dea Datn mid Huif vo Rechnvoaschriftn (Programme) vaoabatn ko. Uaspringli woan Computer schlicht und oafoch Rechnmaschiina, hom owa im Laff vo da Zeid imma meah ondare Funkziona iwanumma. A gengige Bezeichnung fia an Rechna is aa de Obkiazung: PC, wos fia Personal-Computer stähd.

Zuse 3 (Z3) da easchde Rechna dea a wiakli funkzioniad hod

Zu am Rechna ghead a Buidschiam oda sunst irgand a Ausgobgerät (in da Fochsproch nennd ma des: "Peripheriegerät"), wos oam de Eagebnis vo de Berechnunga, de im Kistl g'mochd worn san, ozoang duad. Um de Rechnunga ins Kistl eihz'bringa, is a Eihgobgerät notwendig. Heitigndogs is des im Reglfoi a Maus und a Tastatua.

Gschicht vo de Rechna

De Leit, de mid an Haffa Rechnen z'doa ghod hom, hom scho ollewei iwalegd, wia sa se de Oabat leichda mocha kannt'n. Dobei homs sa se aa scho recht boid Huifsmiddl g'numma, wia d'Finga, Stoana oda Stecka'n. Oans vo de om längsdn bnutzdn Rechnmaschiina is da Abakus, dens scho seit mindestns 1100 voa Jessas' Gebuat gem hod.

Ollahond raffiniade Maschiina gibd's, de ma drahn ko, um zamzehjn z'kenna, indem ma on na Kurwe drahd, doch des is vo om heiting Computer weid weg.

Den easchtn, dea a wiakli funkzioniad hod, hod da Konrad Zuse baud. De Maschiin woa no gonz und goa mechanisch afbaud und hod domois, anno 1938, weng da manglndn Gnauigkeit leida no ned so recht goabad. Spaada, noch'm Kriag, wo de Z1 afg'oabad woan is vo de Bombn, hod mas' nomoi baud und festgstejd, doss aa gonga is.

Oana vo de easchtn Rechna, dea wos nua mid de heit genging Transistoan, oiso nix mid Reahn und so, goabad hod, woa as Mailüfterl. Den hod a Östareicha baud, und zwoar da Heinz Zemanek. Des woa Ofong vo de 1950a Joar.

Drucksochn

• Konrad Zuse: Der Computer – Mein Lebenswerk, Springer: Berlin, 1993, ISBN 3-540-56292-3
• Ron White: So funktionieren Computer. Ein visueller Streifzug durch den Computer & alles, was dazu gehört, Markt+Technik: München, 2004, ISBN 3-8272-6714-5
• M. Budde: Computer-Allgemeinwissen, Kostenloses Computerbuch für absolute Anfänger, PDF-Datei

Im Netz

 Commons: Computer – Sammlung vo Buidl, Videos und Audiodateien

• Wikibook Computergschicht
• Vazeichnis vo nahezu oin je bautn Computertypn
• Listn vo de 500 leistungsstärksen Computer (englisch)
• Computer-Gschicht
• Varein zum Erhoit vo klassischn Computer
• Deitsche EDV-Gschicht 1940er-1960er – SUSAS Netzwerk fia Wissnsweitergab
• Rechna-Sicherheit
• Gschicht vo da Datnibatrogung
• De Entwicklung vum Computer
• Der Computer – Computer: Entstehung und Gschicht

Rechna-Museen

• 8Bit-Museum.de
• virtuejs Rechnamuseum
• technikum29: Museum Rechnatechnik
• Reich Rechnamuseum (engl.)