Vikipediya:Bilirsinizmi/mart 2016

Memar Nikolay fon der Nonnenin layihəsi əsasında inşa edilmiş De Burun sarayında hazırda Azərbaycan Milli İncəsənət Muzeyinin I korpusu yerləşir.
Soyuq müharibə dövründə SSRİ-də Tupolev zavodu tərəfindən istehsal edilmiş bombardmançı və raket daşıyıcı Tupolev Tu-95 təyyarəsi bütün zamanların ən sürətli və güclü təyyarələrindən biri hesab olunur.
Malayziyanın Kuala-Trenqanu şəhərində yerləşən Büllur məscid (şəkildə) informasiya texnologiyaları infrastrukturunun yaradılması və Wi-Fi əlaqəsinin quraşdırılmasına görə ölkənin birinci "intellektual" məscidi adlanır.
Mexaniki emal üsulu olan yayma üsulunun tətbiqinin əsas məqsədləri həm pəstahın profilini dəyişmək, həm də səthin dəqiqliyini, təmizliyini və bərkliyini artırmaqdır.
SSRİ tərəfindən Qara dənizdə istifadə edilən Ş-213 sualtı qayığı 1942-ci ildə dəniz minası ilə toqquşaraq bütün heyəti ilə batmışdır.
Yaponiyanın Hiroşima prefekturasında, İtsukuşima adasında yerləşən şintoist İtsukuşima məbədinin ritual qapıları toriilər ölkənin ən məşhur görməli yerlərindən biri hesab edilir.

Vikipediya məqalələrindən

Mirzə Fətəli Axundzadənin 1850-ci ildə yazdığı "Sərgüzəşti-vəziri-xani-Lənkəran" komediyası Azərbaycan teatrı səhnəsində qoyulmuş ilk dramatik əsərdir.
Yuan sülaləsinin əsasını qoymuş Xubilay xan 1260-cı ilin avqustunda "çao" adlanan ilk vahid kağız pulu yaradıb.
İslandca danışmaq mənasını verən "seqja" sözündən törəyən saqa sözünün lüğəvi mənası deyilən, söylənmiş deməkdir.
Sankt-Peterburqun mərkəzində yerləşən Rostral sütun (şəkildə) XIX əsrdə Rusiyanın şimal paytaxtının liman mayakı kimi istifadə olunmuşdur.
Vatikandakı Müqəddəs Pyotr bazilikasında saxlanılan məşhur "Pyeta" heykəli Romada təmsilçi olan Fransız kardinal Jan Bilyer de Laqraulasın himayəsi ilə Mikelancelo Buonarotti tərəfindən hazırlanmışdır.
Cənubi Amerika ərazisində yerləşən Uruqvay çayının adı Quarani dilindən tərcümədə "rəngli quşların çayı" mənasını verir.

Vikipediya məqalələrindən

Saciçi (şəkildə) süfrəyə verilərkən sac süfrəyə "sac ayağı" deyilən 3 dayaqlı altlığın üzərində qoyulur.
ABŞ-da "Qara cümə" günü məşhur şirkətlər öz məhsullarını 80% güzəştlə satırlar.
Kaliforniya Universiteti sistemindəki ən qədim və ən nüfuzlu ali məktəb 1868-ci ildə təsis edilmiş Berkli Kaliforniya Universitetidir.
Lümyer qardaşlarından böyüyü - Ogüst daha çox təşkilatçı kimi, kiçiyi - Lui isə daha çox ixtiraçı kimi tanınıblar.
Hindi soyqırımları beş əsr davam etmişdir.

Vikipediya məqalələrindən

Bakıda tarixi memarlıq abidələri ilə zəngin Sovetski (şəkildə) adlı məhəllə var.
1995-ci il Bakı metrosu yanğını "Ginnesin Rekordlar Kitabı"na ən dəhşətli metro qəzası kimi düşüb.
Kral tiraniyasının rəmzi kimi tanınan Bastiliyanın alınması günü indi Fransada milli bayram kimi qeyd olunur.

Naviqasiya menyusu