Edmund Hillary
Esti artículu necesita wikificase. |
Sir Edmund Hillary (20 de xunetu de 1919, Auckland – 11 de xineru de 2008, Auckland City (en) ) foi un alpinista y esplorador neozelandés. Apicultor d'oficiu, pero con gran esperiencia comu escalador y montañeru, en 1953 foi escoyíu pol coronel C. John Hunt pa completar la so espedición al Everest. En mayu, el grupu d'alpinistes, compuestu por médicos, científicos y téunicos, algamó una altitú cuasi que de 6.500 metros, pero nun pudieron conquistar la cima pese a realizar diversos intentos. Entóncenes Hillary, acompañáu del sherpa Tenzing Norgay, intentó algamar la cume'l 29 de mayu, y pisaron por primer vegada'l techu'l mundiu, de 8.848 metros, a les 11.30 hores, deteniéndose nella apenes un cuartu d'hora.
La noticia llegó a Londres al tiempu na que se celebraba la coronación de la reina Sabela II, el 2 de xunu; En volviendo a Inglaterra, el veteranu Hillary, de trenta y cuatro años, foi nomáu Caballeru pola reina. Postreramente, participó en delles espediciones de caráuter científicu, ente elles na que algamó la xesta d'atravesar el continente Antárticu fasta'l polu Sur, la cuala fízola en compañía del doctor Fuchs, que yera cabezaleru de la expedición Commonwealth Trans-Antarctic Expedition (1957- 1958); tamién ascendió por primer vegada al Herschel. Nomáronlu presidente honorariu del New York's Explorers Club, y demientres la década de 1970 regresó al Everest, pero nesta ocasión non pa escalalu, sinón p'aidar al pueblu nepalés a construyir escueles y hospitales, persuadiendo al gobiernu de Nueva Zelanda pa qu'unviare l'aida necesaria, tanto económica comu teunolóxica. D'esti mou algamó a fundar el Parque Nacional del Everest, pa la conservación de la rexón y el so mediu ambiente. Hillary desempeñó demientres munchos años el cargu d'Altu Comisionau de Nueva Zelanda na India.
Referencies
[editar | editar la fonte]- ↑ Afirmao en: Gran Enciclopedia Soviética (1969–1978). Sección, versículu o párrafu: Хиллари Эдмунд. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://www.nytimes.com/2008/01/11/world/asia/11hillary.html?pagewanted=all.
- ↑ URL de la referencia: http://articles.latimes.com/2008/jan/11/local/me-hillary11.
- ↑ URL de la referencia: http://www.nytimes.com/2008/01/11/world/asia/11hillary.html.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Afirmao en: Gold Medal Recipients. Autor: Royal Geographical Society. Editorial: Royal Geographical Society. Llingua de la obra o nome: inglés. Data d'espublización: 2022.
- ↑ URL de la referencia: https://www.waikato.ac.nz/about/hillary/edmund.