Danza
Apariencia
Danza | |
---|---|
xéneru d'artes escéniques | |
artes escéniques, actividá física y obra creativa | |
![]() | |
![]() |
![](http://upload.wikimedia.org/wikipedia/commons/thumb/2/27/Festival_mundial_de_Tango_en_Buenos_Aires%2C_Argentina.jpg/300px-Festival_mundial_de_Tango_en_Buenos_Aires%2C_Argentina.jpg)
La Danza[1] o baille ye'l arte d'espresase con movimientos del cuerpu de mena estética y a traviés d'un ritmu, con o ensin son, esto ye que dalgunes dances nun necesiten música.
![](http://upload.wikimedia.org/wikipedia/commons/thumb/1/18/Tranditional_asturian_dancers.jpg/300px-Tranditional_asturian_dancers.jpg)
La danza ye parte de la Historia de la humanidá dende'l escomencipio de los tiempos.
Los primeros antecedentes alcuentrense enes pintures rupestres. La historia de la danza reflexa los camudamientos enes rellaciones del pueblu respeutu al su conocimientu del mundiu,amás rellaciona los sus cuerpos y esperiencies colos ciclos de la vida.
La Danza n'Antigüedá
[editar | editar la fonte]- Nel Antiguu Exiptu, les dances ceremoniales instituyéronles los faraones. Estes dances, finaben en ceremonies representando la muerte y la reencarnación del dios Osiris, col tiempu ficiéronse más complexes de mena que namás podíen ser executaes por profesionales altamente cualificaos.
- Alredor de Nisio, el dios griegu del vinu y les orxies (nomau tamén Baco), grupos de muyeres, nomaes ménades, diben de nuechi a los montes onde, pimplaes, celebraben les sus orxies con dances extásiques. Estes dances , de dalgunes vegaes, incluyien música y distintes figures de la mitoloxía clásica que yeren representaes por actores y baillarines entrenaos. Finandu'l sieglu V enantes de Cristu estes dances escomencipiaron a formar parte de la escena social y política de la antigua Grecia.
- Ente los romanos, l'aceptación de la danza por parte de los poderes públicos foy cayendu. La cristianización del Imperiu Romanu introduxo una nueva era ena que'l cuerpu, la sexualidá y la danza resultaron uníes y fueron oxetu de controversia y conflictos.
La Danza na Edá Media
[editar | editar la fonte]- La actitú de la Ilesia Cristiana pa cola danza, a partir del sieglu IV y durante tola Edá Media foy variable.
- Por un llau alcontramos el rechazu de la danza comu instrumentu de permisividá sexual, llascivia y éxtasis por líderes de la Ilesia comu San Agustín (354-430), influyendo pa tola Edá Media. Por otru llau, antiguos Padres de la Ilesia intentaron incorporar les dances propies de les tribus del norte, Celtes, Anglosaxones, Galos.. enos cultos cristianos.
El Reñacimientu y el ñacimientu del Ballet
[editar | editar la fonte]- El Renacimientu traxo una nueva actitú hacia'l cuerpu, les artes y la danza. Les cortes d'Italia y Francia convirtiéronse nel centru de nuevos desarrollos na danza gracies a los mecenes a los mayestros de la danza y a los músicos que crearon grandes dances a escala social que ficieron que xurdieren munches celebraciones y fiestes. Al tiempu la danza convirtióse n'oxetu d'estudios serios y un grupu d'inteleutuales autodenominaos la Pléyade trabayaron pa recuperar el teatru de los antiguos griegos, combinando la música, el soníu y la danza.
- Nel sieglu XIX, la era del balé románticu reflexa el cultu de la baillarina y la llucha ente'l mundiu terrenal y el mundiu espiritual que tresciende la tierra, valga d'exemplu obres comu: Giselle (1841), El llagu de los cisnes (1895), El cascañueces (1892).
La Danza nel sieglu XX
[editar | editar la fonte]- Depués de la Primer Guerra Mundial, les artes en xeneral cuestionen los valores establecios y busquen nueves formes de reflexar la expresión individual y un camin de la vida más dinámicu. En Rusia xurde un reñacimientu del ballet propiciau polos más brillantes coreógrafos, compositores, artistes visuales y diseñadores. Nesta empresa collaboraren autores comu: Ana Pavlova ena interpretación, Claude Debussy e Igor Stravinsky con música pa ballets y Pablo Picasso... ena ellaboración de decoraos y tramoyes.
![](http://upload.wikimedia.org/wikipedia/commons/thumb/9/92/Rocknroll-dancing-somersault-worldgames2005.jpg/225px-Rocknroll-dancing-somersault-worldgames2005.jpg)
- Al tiempu de la revolución del Ballet xurden les primeres manifestaciones de les dances modernes. Comu reación a los estilizaos movimientos del ballet y al progresivu emancipamientu de la muyer xurdió una nueva forma de baillar que potenciaba la llibre expresión. Una de les pioneres d'esti movimientu foy Isadora Duncan. A midia que la danza foy ganando terrén, foy frayando toles regles.
- Dende los años 1920 hasta aguañu nueves llibertaes nel movimientu del cuerpu foron los detonantes del cambiu de les actitudes hacia'l cuerpu. La música con influencies llatines, africanes y caribeñes inspiraron la proliferación de las sales de baille y de les dances comu la rumba, la samba, el tangu ó el cha cha cha. El renacer del Harlem fizo que xurdieren otres dances como'l lindy-hop ó el jitterbug. A partir de la década de los 1950 tomaron el relevu otres dances más individualistes como'l rock and roll, el twist y el nomau free-style; llueu apaeció'l disco dancing, el breakdancing...
Referencies
[editar | editar la fonte]- ↑ Esti términu apaez nel Diccionariu de l'Academia de la Llingua Asturiana. Ver: Danza
Enllaces esternos
[editar | editar la fonte]- Webs n'asturianu rellacionaes cola danza Archiváu 2004-10-19 en Wayback Machine
- Festival internacional de música y danza de Granada(castellán)
Wikimedia Commons tien conteníu multimedia tocante a Dances.