The Golden Blade
The Golden Blade (títol orichinal en anglés, en aragonés A espada dorada, enguerada en Aragón con o títol en castellano de La espada de Damasco, en aragonés La espada de Domás) ye una cinta de cine estausunidense de cine d'aventuras enguerada l'anyo 1953, dirichida por Nathan Juran seguntes un guión adaptau por William R. Cox (basau en una historia d'él mesmo), con una banda sonora orichinal d'Irving Gertz, Henry Mancini y Herman Stein, una dirección de fotografía de Maury Gertsman y una producción cinematografica de Leonard Goldstein y Richard Wilson ta la productora cinematografica Universal Pictures. Conta con un elenco d'o cual en fan parte, entre d'atros actors, Rock Hudson, Piper Laurie, Gene Evans, George Macready, Kathleen Hughes, Steven Geray, Edgar Barrier, Alice Kelley y Anita Ekberg.
As ciudaz de Basora y Bagdad son enemigas, y mientres una batalla en o desierto entre las dos ciudaz, muere Basran, qui antes de morir li comanda a su fillo Harun que remate con as muertes sin sentiu d'ixa guerra, en dando-le un medallón que .li ha podiu arrancar a qui l'ha matau. Harun, ta cumplir a zaguer voluntat de su pai, marcha enta Bagdad, a on troba a Barcus, un vendedero griego con qui plega en un alcuerdo: por diez dinars que pagará, podrá levar-se cualsiquier articlo d'a botiga. Baixo un d'una carracera de drapos viellos, troba una espada y decide que ixe ye l'articlo esleyiu, enara que Barcus protesta, decindo-le que ya una espada machica que li permite mesmo tallar o fierro. Simultaniament, a princesa Khairuzan, a filla rebel d'o califa de Bagdad, ha fuyiu de palacio y se troba perseguida por os soldaus, robando lo caballo de Harun ta fuyir disvrazada d'hombre. Lo motivo ye que ha conoixiu que lo visir ha proposau a lo califa la voda d'os suyos fillos, y a la princesa no li cuaca pas ixa voda. Perseguida por Hadi, lo fillo d'o visir, y por Harun, cuan finalment l'atrapan combaten entre éls, estando lo vencedor Harun y descubrindo en o proceso que ye invencible con a espada. Khairuzan afirma estar un nino esclavo y demana la protección de Harun, qui accepta, encara que bien luego tien sospeitas que lo presunto nino ye en realidat una choven. en plegar de tornada en Bagdad, Barcus afirma haber descifrau una inscripción en a espada que diz que qui la desenvaine, ixe estará qui obtiendrá la cadiera reyal. Capturaus por os soldaus y engarcholaus, se besan por primer vegada, encara que la princesa bien luego se carranya con él y crida a los guardias descubrindo estar en realidat a princesa reyal. Pero cuan se troba en presencia de su pai lo califa, li proposa un torneyo entre los pretendients a casar-se con ella, habendo descubierto que Harun ye invencible con a suya espada, y fa que lo liberen d'a garchola convertindo-lo en a suya escolta. Tanimientres o visir tamién ha descubierto lo secreto d'a espada y consigue dormir a Harun y substituyir-la por una atra, dando la espada machica a su fillo, qui vence en o torneyo. Cuan Harun descubre que li han cambiau la espada, sospeita de Khairuzan dica que Bakhamra, la doncella d'a princesa, li revela que ye ella mesma qui ha transmitiu la información a lo fillo d'o visir, y Harun marcha enta palacio chunto con a doncella, y descubren un plan ta matar a lo califa en culpando a Harun, cosa que finalment ordena lo visir, encara que la espada dimpués ha quedau atrapada en un muro de piedra. Barcus d'atra man ha descifrau una mica mas a inscripción, que diz que la verdadera recompensa d'o portador d'a espada se trobará en una tumba de piedra, y deciden dentrar en palacio una atra vegada ta liberar a espada d'o muro, a la vegada que la princesa explica la situación a los suyos partidarios en a ciudat, que marchan tamién enta palacio.
A cinta s'ambienta en un momento indeterminau d'a Baixa Edat Meya u d'a Edat Moderna en Bagdad, inspirando-se en os cuentos d'a obra As mil y una nueiz y parcialment en os relatos d'o Rei Arturo en a part relativa a la espada, y las suyas escenas se filmoron en os Universal Studios en Universal City en California.[2]
Elenco[3]
[editar | modificar o codigo]| Actor | Papel | Notas |
|---|---|---|
| [[]] | ' |
Se veiga tamién
[editar | modificar o codigo]Referencias
[editar | modificar o codigo]
- Cintas por títol
- Cintas de 1953
- Cintas ambientadas en Bagdad
- Cintas con banda sonora orichinal de Henry Mancini
- Cintas con banda sonora orichinal de Herman Stein
- Cintas con banda sonora orichinal d'Irving Gertz
- Cintas con dirección de fotografía de Maury Gertsman
- Cintas con guión de William R. Cox
- Cintas con montache de Ted J. Kent
- Cintas de cine d'aventuras
- Cintas d'Estaus Unius
- Cintas dirichidas por Nathan Juran
- Cintas en anglés
- Cintas en Technicolor
- Cintas interpretadas por Alice Kelley
- Cintas interpretadas por Anita Ekberg
- Cintas interpretadas por Edgar Barrier
- Cintas interpretadas por Gene Evans
- Cintas interpretadas por George Macready
- Cintas interpretadas por Kathleen Hughes
- Cintas interpretadas por Piper Laurie
- Cintas interpretadas por Rock Hudson
- Cintas interpretadas por Steven Geray
- Cintas producidas por Leonard Goldstein
- Cintas producidas por Richard Wilson
- Cintas rodadas en Universal City