Heves
| Heves | |
|
|
| Komitatssitz | Eger |
| Flächi | 3637,41 km² (16. Platz) |
| Ywohnerzahl | 316'874 Ywohner (, 14. Platz) |
| Bevölkerigsdichti | 87,1 Ywohner pro km² |
| Dialekt | Nordwestdialäkt (Palóc) |
| ISO-3166-2-Abchürzig | HU-HE |
Heves (IPA: [hɛvɛʃ], ungarndütsche Name: Hewesch) isch e Komitat vo Ungarn. S litt im Nordoste vom Land und gränzt an d Komitat Nógrád (Weste), Borsod-Abaúj-Zemplén (Nordoste), Jász-Nagykun-Szolnok (Süde) und Pest (Weste). De Komitatssitz isch Eger.
Geografy
[ändere | Quälltäxt bearbeite]S Komitat setzt sich us zwei wesentlige Deil zämme, nämlig uss em Nördlige Ungarische Mittelgebirge im nördlige Gebiet und de Große Ungarische Diefebeni im südlige.
Topografischi Eigeschafte
[ändere | Quälltäxt bearbeite]S Komitat bstoht uss re ussergwöhnlige Landschaft. Im Norde bilde de Mátra und de Bükk e hügeligi Landschaft; im Süde isch di flachi Landschaft vo de Große Ungarische Diefebeni. Uff em Mátra isch au de höchst Punkt vo ganz Ungarn, de sognännte Kékes tető (1014 Meter).
De diefst Punkt vom Komitat isch uff 86 Meter, in de Stadt Kisköre im Süde vo Heves.
Chlima
[ändere | Quälltäxt bearbeite]Di jöhrligi Durchschnittstemperatur litt zwüsche 8 und 10 Grad, je nochdem, ob's de Norde oder de Süde vo Heves betrifft.
Underdeilig in Chleigebiete
[ändere | Quälltäxt bearbeite]| Chleigebiet | Hauptort | Flächi (km²) | Ywohnerzahl | Azahl Gmeinde |
|---|---|---|---|---|
| Bélapátfalvai | Bélapátfalva | 260,06 | 13'287 | 13 |
| Egri | Eger | 522,91 | 85 328 | 17 |
| Füzesabonyi | Füzesabony | 578,58 | 32'133 | 16 |
| Gyöngyösi | Gyöngyös | 750,78 | 77'093 | 25 |
| Hatvani | Hatvan | 352,13 | 53'311 | 13 |
| Hevesi | Heves | 697,67 | 35'910 | 17 |
| Pétervásárai | Pétervására | 475,07 | 22'398 | 20 |
Wirtschaft
[ändere | Quälltäxt bearbeite]Im Flachland vo Heves cha Wy abaut werre; er isch di wichtigsti Exportwar vom Komitat. Bsunderi Bedütig hän in derre Branche d Umgebige vo Eger, Gyöngyös und Nagyréde. Di wichtigste Wysorte sin de Egri Bikavér, de Egri Leányka, de Egerszóláti Olaszrizling und de Debrői Hárslevelű. Dezüe chunnt in de Große Ungarische Diefebeni d Kultivierig vo Wassermelone.
Z Heves findet mer relativ wenigi Industrybetrieb. Am meiste produziert werre
- Maschine
- Verpackigsgräte
- Nahrigsmittel
- Zemänt
- Zygelstei
- Elektrizität
Tourismus
[ändere | Quälltäxt bearbeite]D'Stadt Eger wird oft als eini vo de schönste barocke Städt bezeichnet; näbe de Dänkmöler vo dört sin au de Wy, d'Heilbäder vo de Region und de Theiß-See bekannti Touristezyl. Z Mátra und z Bükk git's usserdem Touristestroße, wo zu Toure ylade.
Heilbäder
[ändere | Quälltäxt bearbeite]- S Markhot Ferenc Kórház Törökfürdő z Eger wird 1448 zum erschte Mol i'me Dokumänt erwähnt; es hät sällemols no karthausi fürdő (Karthauser Bad) gheiße. Di hüttigi Alag isch vo 1610 bis 1617 vo de Türke baut worre und wird sither au als Heilbad brucht. Es isch s einzig Bad vo Ungarn, wo Radon im Wasser enthalte isch. S Bad wird vor allem für d'Behandlig vo Glänkchrankhete benutzt.
- S Mátraderecskei Széndioxid Gyógygázfürdő z Mátraderecske isch 1992 baut worre. Sy gashaltigs Wasser chunnt vo 1000 Meter under de Erdoberflächi. Es wird für d'Heilig vo Mänsche mit Blüetgfäßchrankhete und deilwis au gege Rheuma brucht.
Ungarndütschi Ortsnämme
[ändere | Quälltäxt bearbeite]Ungarndütschi Ortsnämme im Komitat Heves
- Aldebrő - (Unter-)Debrö
- Kápolna - Kapolna
- Kompolt - Kompolt
Weblink
[ändere | Quälltäxt bearbeite]
Commons: Komitat Heves – Sammlig vo Multimediadateie- Heves megye (Internetufftritt)
- Ungarndütschi, mit ere Lischt vo dütsche Ortsnämme
|
Dä Artikel basiert uff ere fräie Übersetzig vum Artikel „Heves_megye“ vu de ungarische Wikipedia. E Liste vu de Autore un Versione isch do z finde. |