Blicke
Blicke | ||||||||||
---|---|---|---|---|---|---|---|---|---|---|
Systematik | ||||||||||
| ||||||||||
Wüsseschaftlige Name | ||||||||||
Blicca bjoerkna | ||||||||||
Linnaeus, 1758 |
D Blicke oder de Schootel (Blicca bjoerkna; alemanischi Näme) isch e aapassigsfääige Süesswasserfisch, wo em Brachsme gliicht, aber chlinner isch.
Uussie
[ändere | Quälltäxt bearbeite]D Blicke isch e silbrige Fisch mit röötliche Buuchflosse. D Ruggeflosse isch spitzig. Si het groossi Auge und werd 15 bis 30 cm lang und wögt bis zomene Kilo.
Verbraitig
[ändere | Quälltäxt bearbeite]D Blicke chunnt i Mitteleuropa, z England und in Osteuropa vor, zum Tail au im süüdliche Skandinavie. I de Alpe stiigt si bis 600 müM. Si mag pflanzeriichi Flüüssgwässer mit eme sandige Grund und ere langsame Ströömig, aber au Kanääl und flachi Standgwässer. Si cha au i Brackwasser vorchoo.
Lebeswiis
[ändere | Quälltäxt bearbeite]D Blicke isch e nachtaktiive Schwarmfisch, wo am Bode lebt und sich vo Wirbeloose und Wasserpflanze ernäärt. D Laichzitt goot vom Mai bis in Juni, wenn d Wassertemperatur öber 15 Grad stiigt. S Wiibli lait em früene Morge abertuusigi Aier a flache starch biwachsne Uuferzoone. De Laich bliibt denn a Wasserpflanze und Bommwurzle, wo is Wasser lueget, chlebe. Blicke chönd 16 Joor alt were.
Büecher
[ändere | Quälltäxt bearbeite]- Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
Weblinks
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Blicke uf Fishbase.org (englisch)