Auto AG Uri
| Auto AG Uri | |
|---|---|
| |
| Basisinformatione | |
| Sitz vom Undernähme | Schattdorf, Schweiz |
| Webpräsenz | www.aagu.ch |
| Bezugsjohr | 2020 |
| Eigedümer |
|
| Ufsichtsroot | Urs Traxel (Präsident) |
| Beschäftigti | 94 |
| Umsatz | 14,17 Mio. Fr. |
| Linie | |
| Bus |
|
| Bus | 30 |
| Statistik | |
| Fahrgest | 2,21 Mio. pro Jahr |
| Lengi vom Linienetz | |
| Buslinie |
|
| Sustigi Bedriibsiirichtige | |
| Depots | Ried 1, Schattdorf |
Die Auto AG Üri (Eigenschreibweise: AUTO AG ÜRI), churz AAGU, isch es konzessionierts Busunernähme im Kanton Üfi, Schwiz. Es betreibt de regional Busvercher im Ürner Reusstal. Dezue fungiert d AUTO AG ÜRI als Transportbeuftrage für de Postauto-Vercher ins Isenthal, ins Schächental über de Klausenpass uf Linthal (saisonal) sowie als Schnällbusverbindig (Winkelriedbus) uf Stans. Der Tellbus (Schnällbusverbindig Altdorf - Luzern) wird äbefalls vo der AAGU betribe. Druber us betätigt sich d Firma im Bahnersatz- und Reisebusvercher.
Gschicht
[ändere | Quälltäxt bearbeite]Tram
[ändere | Quälltäxt bearbeite]Zwüsche 1906 und 1951 isch es Tram vom Telldenkmal ds Altdorf bis zum Bahnhof Flüelen gfahre.
Afäng vom Busbetrib
[ändere | Quälltäxt bearbeite]Im Mai 1951 isch d Linie Altdorf–Flüelen uf Busbetrib umgstellt und ds Netz uf d Gmeinde Bürglen und Schattdorf usgwitet worde. Der Isatz vo Gyro- und Trolleybusse isch prüft worde, schlussendlich sind aber Autobüs für de Betrib usgählt worde. D hohe Nahfrage füehre zu einige Neubeschaffige. Im Zug vo der Umstellig uf de Busbetrib isch d Strassenbahn Altdorf-Flüelen AG in d neu Auto AG Üri umgwandlet worde.
Uflösigsatrag
[ändere | Quälltäxt bearbeite]Ab Mitti vo de Sächzgerjahr stagniert d Nahfrag. Ufgrund vo z hohe Betribschöschte stellt der Verwaltigsrat a der Generalversammlig 1970 e Atrag zur Uflösig vo der AAGU. D Generalversammlig lähnt de Atrag ab und veranlasst en Überfüehrig vo der Aktiemehrheit zum Kanton Üri und de Gmeinde, um d Finanzierig z sichre.
Netzusbaute
[ändere | Quälltäxt bearbeite]Nah der Übernahm durch d öffentlich Hand isch ds Netz schrittwis usbaut worde. 1974 isch d Linie Altdorf–Attighuse eröffnet worde. 1975 isch d Linie uf Flüelen bis zum Gruonbach verlängret worde. Im druffolgende Jahr het d AAGU mit der Linie Flüelen–Linthal d erscht Postauto-Strecki übernoh. 1978 isch Seedorf, 1979 Bauen erschlosse worde. 1981 isch d Postauto-Linie uf Stans eröffnet worde. 1987 wird d Linie uf Flüelen–Schattdorf bis Amsteg verlängret. 1994 stellte d Schweizerischen Bundesbahnen de Regionalvercher uf der Gotthardstrecki ii. D AAGU het di Ufgab übernoh, dadurch isch d Haiptlinie bis Göschene verlängret worde. 1998 isch ds Dorf Gurtnellen mit Gurtnellen Wiler verbunde worde, wo Aschluss an d Linie Flüelen–Göschenen bstait. 1999 wird der Rufbus igfüehrt. D Postauto-Kürs uf Baue und Stans het d AAGU zwüschezitlich a anderi Undernähme abträtte, derfer 2001 d Postauto-Linie Altdorf–Isenthal übernoh.
Nacht- und Tellbus
[ändere | Quälltäxt bearbeite]2004 isch der Nachtbus Üri zwüsche Flüele und Göschene sowie, uf Nahfrag, vo Altdorf uf Unterschächen igfüehrt worde. Daruf folgt 2006 der Start vom Tellbus als Schnällbus zwüsche Altdorf und Luzern, zerst nur werchtags im Morge- und Abevercher. Ds Agebot vom Tellbus wird ufgrund vo de sehr hohe Nahfrag bis hüt laufend erwitert, im Gägesatz zum Nachtbus ins Schächental, wo wäge fählender Nahfrag mittlerwile wider istellt worde isch.
Taktverdichtig und Linie 4
[ändere | Quälltäxt bearbeite]Im Dezember 2014 isch der Takt uf der Linie 3 (Seedorf–Bürgle) vo Stunde- uf Halbstundetakt erwitert worde. Glichzitig isch d Linie 4 igfüehrt worde, wo werchtags Seedorf via Bahnhof Altdorf und Attighuse mitem Industrie- und Gwärbegebiet Rynächt verbindt. Uf der neu Linie isch während drei Monät äbefalls en batteriebetribene Bus vo SOR Libchavy testet worde.
Schnällbüs uf Stans
[ändere | Quälltäxt bearbeite]Im Dezember 2015 isch der werchtags vercherend Winkelriedbus igfüehrt worde, warum d Kürs Flüele–Stans sither nur no an Wuchenend verchere. Der neu Winkelriedbus fährt als Schnällbus am morge und am abe zwüsche Altdorf und Stans.[1] Es Jahr später, im Dezember 2016, isch d Wuchenendverbindig vo Flüelen uf Stans ersetzt worde. Der neu Gotthard Riviera Express het diräkte Aschluss an d Züg ins und vom Tessin, demit d Bewohner vo Nidwalden und Engelberg äbefalls vom neue Gotthard-Basistunnel profitiere chöne. Er verchert nur zwüsche Stans Bahnhof, Buochs Post und Flüele Bahnhof.[2] Sit der Ifüehrig vo dene Verbindige, wo beidi als Linie 310 verchere, fungiert d AAGU wider als Transportbeuftragte für de Postauto-Vercher uf Nidwalde.
Kantonsbahnhof Altdorf
[ändere | Quälltäxt bearbeite]Mitem Usbau vom Bahnhof Altdorf zum Chnotebahnhof isch ds Linienetz im Undere Reusstal abem 12. Dezember 2021 neu gordnet worde. So isch d Linie 402 vo Altdorf Telldenkmal witer bis uf Bürglen Brügg verlängret worde und es sind d neue Linie 412 Amsteg Post−Altdorf Bahnhof sowie 413 Flüele Gruonbach−Altdorf Bahnhof worde. Äbefalls verchert d Linie 404 nümme via Attinghuse, sondern direkt zwüsche Altdorf, Ruberst/Neuland und Schattdorf, Rossgiessen.[3]
Sowohl Tell- wie au Winkelriedbus verchere neu vom Bahnhof Altdorf us, wobi d beide underschidliche Agebot uf Stans (Winkelriedbus und Gotthard Riviera Express) unerem Namen Winkelriedbus vereint worde sind.[3]
En witeri Apassig vom Busnetz ab Dezember 2021 isch d Istellig vo der Linie 406 Gurtnelle Wiler−Gurtnelle Dorf gsi, wo vom Kanton wäge mangelnde Frequenze nümme bstellt worde isch.[4] Äbefalls isch der Nachtzueschlag vo bis jetz 7 Franke abgschafft worde, da d Nachtkürs neu vom Kanton bestellt wärde.[5] Da ds Gebiet rund um de Altdorfer Bahnhof durch d neue Busverbindige besser erschlosse wärde, isch der Citybus Altdorf, wo bis jetz am samstag im 30-Minute-Takt durch Altdorf verchert isch, igstellt worde.
Linie
[ändere | Quälltäxt bearbeite]D Auto AG Üri betreibt 6 konzessionierti Regionalbuslinie sowie der Tellbus. Des Witere isch si für 3 Linie als Transportbeuftragte für Postauto tätig. Usserdem betribt d AAGU im Winter de Schnellbus Andermatt.
Buslinie
[ändere | Quälltäxt bearbeite]- 401 Flüelen, Gruonbach – Altdorf, Telldenkmal – Schattdorf, Rossgiessen – Erstfeld, Bahnhof (– Amsteg, Post – Göschene, Bahnhof)
- 402 Attinghausen, Seilbahn – Altdorf, Bahnhof Ost – Altdorf, Telldenkmal – Bürglen, Brügg
- 403 Seedorf, Schloss A Pro – Altdorf, Bahnhof Ost – Altdorf, Telldenkmal – Bürglen, Brügg
- 404 Schattdorf, Rossgiessen – Altdorf, Bahnhof Ost – Seedorf, Schloss A Pro
- 412 Altdorf, Bahnhof Ost – Altdorf, Telldenkmal – Schattdorf, Rossgiessen – Erstfeld, Bahnhof – Amsteg, Post
- 413 Flüele, Gruonbach – Altdorf, Bahnhof Ost
D Linie 404, 412 und 413 verchere nur vo Mäntig bis Fritig. Äbefalls wärde d Linie 402 und 403 am abe und am Wuchenend zämmegleit, sodass e Rundkurs Bürglen−Altdorf−Seedorf−Attinghuse−Altdorf−Bürgle entsteit.
Ide Nächt vo Fritig uf Samschtig sowie Samschtig uf Sunntig verchere uf de Buslinie 401 Nachtkürs. Der letzte Kurs verchert nach Bedarf über Göschene druber us bis zum Bahnhof Andermatt.[6]
Postauto-Linie
[ändere | Quälltäxt bearbeite]- 310 Altdorf, Bahnhof West – Beckenried, Post – Ennetbürgen, Dorf – Stans, Bahnhof (Winkelriedbus)
- 405 Altdorf, Post – Altdorf, Bahnhof Ost – Seedorf, Schloss A Pro – Isenthal, Seilbahn St. Jakob
- 408 Altdorf, Bahnhof Ost – Altdorf, Telldenkmal – Bürglen, Brügg – Unterschächen, Post – Urigen ( – Klausen Passhöhe – Linthal, Bahnhof)
D Linie 408 vercher nur saisonal im Summer uber de Klausenpass bis Linthal.
Es isch plant, dass d Auto AG Üri d Linie Altdorf−Isenthal, Altdorf−Urigen−Linthal, Amsteg−Bristen sowie Göschene−Göscheneralp ab Dezember 2022 vo Postauto übernimmt und mit eigener Konzession betribt. Das soll d Koordination mit de Buslinie vereifache. Für d Linie Amsteg–Bristen sowie Göschene–Göscheneralp soll debi wie bis jetz d Mattli AG als Transportbeuftragte fungiere.[7]
Tellbus
[ändere | Quälltäxt bearbeite]D AAGU betribt de Tellbus in Kooperation mit de Verkehrsbetriebe Luzärn.[8]
- 493 Altdorf, Bahnhof West – Luzern, Eichhof – Luzern, Bahnhof (Tellbus)
Schnällbus Andermatt
[ändere | Quälltäxt bearbeite]Im Winter betribt d Auto AG Üri an usgwählte Täg, primär an Wuchenend und während de Schuelferie, en Schnällbus zwüsche Flüelen und Andermatt. Der Bus dient haiptsächlich Skifahrer, darum fahrt er am morge uf Andermatt und am abe wider zrüg ins Underland.[9][10]
- 410 Altdorf, Bahnhof Ost – Altdorf, Telldenkmal – Altdorf, Kollegium – Schattdorf, Dorf – Andermatt, Bahnhof – Andermatt, Gemsstockbahn 2
Tarife
[ändere | Quälltäxt bearbeite]Der Kanton Üri bsitzt, im Gägesatz zu de meischte andere Kantön vo der Schwiz keis grossflächigs Zonesystem. D Tarif richte sich darum nachem System Schwizerische Diräkte Vercher (DV). D Strecki Flüelen–Göschenen gilt als Gmeinschaftsstrecki vo der AAGU und der SBB und d Billett gälte darum bi der Bahn und im Bus.[11]
Tagescharte
[ändere | Quälltäxt bearbeite]D Tagescharte Auto AG Üri isch es Spezialbillett, wo ame Tag zur Fahrt ufem Buslinienetz vo der AAGU (ohni Postauto und Tellbus) berächtigt.[12]
ÜriTicket
[ändere | Quälltäxt bearbeite]Ds ÜriTicket erlaubt de Fahrgäscht wärend eme Tag freji Fahrt uf usgwählte Strecke vom öffentliche Vercher innerhalb vom Kantons Üri.[13]
Tellpass
[ändere | Quälltäxt bearbeite]Da Streckenetz vo der AAGU ligt innerhalb vom Gältigsbereich vom Tellpass. Wo iner gsamt Zentralschwiz gültig Ticket mitere Gältigsdur vo mindestens zwei Täg wird primär vo Touriste brucht.[14]
Fahrzügflotte
[ändere | Quälltäxt bearbeite]AAGU
[ändere | Quälltäxt bearbeite]| AAGU | |||
|---|---|---|---|
| Nummer | Härsteller | Modell | Bemerkig |
| 1 | HESS | SwissDiesel Euro 5 | Vollwerbig Otto's |
| 2 | HESS | SwissDiesel Euro 5 | Vollwerbig Datwyler |
| 3 | HESS | SwissDiesel Euro 5 | Vollwerbig Urner Kantonalbank |
| 4 | HESS | N 320 SwissMidi | |
| 5 | HESS | N 320 SwissMidi | |
| 6 | HESS | SwissDiesel Euro 6* | |
| 7 | HESS | N 320 SwissMidi | |
| 8 | HESS | N 320 SwissMidi | |
| 9 | HESS | SwissDiesel Euro 6* | Vollwerbig Mythen Center Schwyz |
| 10 | HESS | SwissDiesel Euro 6* | |
| 11 | HESS | SwissDiesel Euro 6* | |
| 12 | HESS | SwissDiesel Euro 6* | |
| 13 | Mercedes-Benz | C2 Ü Hybrid | |
| 14 | Mercedes-Benz | C2 Ü Hybrid | Vollwerbig UrnerTor |
| 15 | Mercedes-Benz | C2 Ü Hybrid | |
| 16 | Setra | 515 HD | |
| 17 | Setra | 531 DT | |
| 18 | Mercedes-Benz | C2 Hybrid | |
| 19 | Mercedes-Benz | C2 Hybrid | |
| 20 | Mercedes-Benz | Citaro Facelift | |
| 21 | Setra | 531 DT | |
| 22 | Mercedes-Benz | C2 Hybrid | Taufname: Wasse |
| 23 | Mercedes-Benz | C2 Hybrid | Taufname: Hospetal |
| 24 | Mercedes-Benz | C2 Hybrid | Taufname: Realp |
| 64 | Mercedes-Benz | Sprinter 316 CDI | CityBus Altdorf |
| 90 | Saurer | L4C 50 | Jahrgang 1952 |
- * Neui Designfront
PostAuto
[ändere | Quälltäxt bearbeite]| PostAuto | |||
|---|---|---|---|
| Nummer | Härsteller | Modell | Bemerkig |
| 59 | Setra | 412 UL | |
| 63 | HESS | K 320 UB SwissAlpin | |
| 66 | HESS | K 320 UB SwissAlpin | |
| 67 | HESS | K 320 UB SwissAlpin | |
| 68 | Mercedes-Benz | C2 LE Ü | |
| 69 | HESS | K 320 UB SwissAlpin | |
| 70 | HESS | K 320 UB SwissAlpin | |
Busdepot
[ändere | Quälltäxt bearbeite]Am 27. März 2009 het d Auto AG Üri ds Betribsgebäude aner Umfahrigsstrass ds Schattdorf bezoge. D integriert Bus- und Laschtwagewerchstatt isch an Scania Schweiz vermietet. Bis 2009 het sich ds Depot vo der AAGU im Gebäude vom ehemalige Tramdepot vo der Strassenbahn Altdorf–Flüelen an der Flüelerstrasse 6 ds Altdorf befune.[15][16]
Links
[ändere | Quälltäxt bearbeite]Fuessnote
[ändere | Quälltäxt bearbeite]- ↑ Zentralschweiz: Ohne Umsteigen von Stans nach Altdorf postauto.ch, 8. Dezember 2015, abgerufen am 12. Juni 2017.
- ↑ Zentralbahn – Gotthard-Riviera Express Abgerufen am 12. Juli 2017.
- ↑ 3,0 3,1 Markus Zwyssig: Augenschein am neuen Kantonsbahnhof – «Gearbeitet wurde immer unter relativ grossem Zeitdruck». In: Luzerner Zeitung. 11. Dezember 2021, abgruefen am 12. Dezember 2021.
- ↑ Mehr öffentlicher Verkehr durch Fahrplanwechsel am 12. Dezember 2022. Kanton Uri, 9. Dezember 2021, abgruefen am 13. Dezember 2021.
- ↑ Fahrplan 2022: «Ein Quantensprung für den Kanton Uri». In: Luzerner Zeitung. 11. Dezember 2021, abgruefen am 13. Dezember 2021.
- ↑ Nachtbus Uri. Auto AG Uri, abgruefen am 23. Dezember 2018.
- ↑ Die Planung der Buslinien soll ab Dezember 2022 vereinfacht werden. In: Luzerner Zeitung. 9. Dezember 2021, abgruefen am 13. Dezember 2021.
- ↑ Auto AG Uri erhält Tellbus-Konzession. In: Urner Wochenblatt. 4. Dezember 2017, abgruefen am 25. März 2019.
- ↑ Schnellbus Andermatt. Auto AG Uri, abgruefen am 23. Dezember 2018.
- ↑ Flüelen–Altdorf–Schattdorf–Andermatt. Linie 10, Schnellbus Andermatt. (PDF; 92 kB) Offizielles Kursbuch, abgruefen am 23. Dezember 2018.
- ↑ Auto AG Uri – Tarife/Shop (Memento vom 29. Dezämber 2017 im Internet Archive) Abgerufen am 9. Juli 2017.
- ↑ Auto AG Uri – Billette Abgerufen am 9. Juli 2017.
- ↑ uriticket.ch
- ↑ Tellpass – Was ist der Tellpass? Abgerufen am 9. Juli 2017.
- ↑ Markus Arnold: Neues Betriebsgebäude für Auto AG. In: Urner Wochenblatt. 16. Mai 2008, abgruefen am 23. November 2021.
- ↑ Auto AG Uri – Geschichte Abgerufen am 9. Juli 2017.