Wolmaransstad

Wolmaransstad
Dorp
Die gebou van die NG gemeente Wolmaransstad, ontwerp deur Gerard Moerdijk.
Wolmaransstad  Wolmaransstad se ligging in Noordwes
Koördinate: 27°13′0″S 25°58′28″O
Land	Suid-Afrika
Provinsie	Noordwes
Distrik	Dr Kenneth Kaunda
Munisipaliteit	Maquassi Hills
Stigting	1891
Oppervlak
• Totaal	41,68 km2 (16,09 vk. myl)
Bevolking  (2011)
• Totaal	3 633
• Digtheid	87/km2 (230/vk. myl)
Rasverdeling (2011)
• Wit mense	57.4%
• Indiërs/Asiërs	2.8%
• Bruin mense	2.6%
• Swart mense	35.4%
• Ander	1.8%
Taal (2011)
• Afrikaans	71.6%
• Tswana	13.0%
• Engels	8.2%
• Sotho	2.5%
• Ander	4.7%
Poskode (strate)	2630
Poskode (posbusse)	2630
Skakelkode	018

Wolmaransstad is 'n dorp in die provinsie Noordwes van Suid-Afrika. Die gesamentlike bevolking in 2011 was 33 492, vergelyke met die sensussyfers van 10 661 in 1991 en 22 183 in 1996.

Geskiedenis

Die eerste aktiwiteit was toe die broers W en TS Leask 'n winkel hier geopen het in 1876. Die nedersetting in die vlak vallei van die Makwassiestroom is op 16 Februarie 1891 geproklameer en vernoem na J.M.A. Wolmarans, lid van die uitvoerende raad van die Zuid-Afrikaansche Republiek, aangesien die dorp op sy plase Rooderand en Vlakfontein aangelê is.

Die NG gemeente is reeds in 1886 gestig, nog voor die dorp geproklameer is en die kerkgebou baie dekades later ontwerp deur die argitek Gerard Moerdijk. Die omgewing was een van die vernaamste brandpunte tydens die Tweede Vryheidsoorlog.

Distrik

Die distrik is 4 900 km² groot. Wolmaransstad is beplan as 'n sentrum vir die landbougemeenskap, wat hoofsaaklik mielies produseer. Ander produkte is sorghum en grondbone. Delwers delf nog steeds vir diamante in die Bamboesspruit wes van die dorp.

Die N12 nasionale pad loop deur Wolmaransstad.

Sien ook

• Gereformeerde kerk Wolmaransstad
• Wolmaransstad (kiesafdeling)
• Lys van dorpe in Suid-Afrika

Bronne

• Bulpin, T.V., 2001. Discovering Southern Africa. Muizenberg: Discovering Southern Africa Productions cc.
• Olivier, ds. P.L., 1952. Ons gemeentelike feesalbum. Kaapstad en Pretoria: N.G. Kerk-uitgewers.
• Rosenthal, Eric, 1978. Encyclopaedia of Southern Africa. Cape Town, Wetton, Johannesburg: Juta and Company Limited.
• Op Pad in Suid-Afrika. B.P.J. Erasmus. 1995. ISBN 1-86842-026-4