Gaan na inhoud

Potchefstroom

Koördinate: 26°42′S 27°05′O / 26.700°S 27.083°O / -26.700; 27.083
in Wikipedia, die vrye ensiklopedie
(Aangestuur vanaf Promosa)
Potchefstroom
Stad
Potchefstroom se stadsaal
Potchefstroom se stadsaal
Vlag van Potchefstroom
Vlag
Byname: 
Potch
Leuse(s): 
Stad van Deskundigheid
Motswe Wa Boitseanape
City of Expertise
Potchefstroom is in Noordwes (Suid-Afrikaanse provinsie)
Potchefstroom
Potchefstroom
 Potchefstroom se ligging in Noordwes
Koördinate: 26°42′S 27°05′O / 26.700°S 27.083°O / -26.700; 27.083
LandVlag van Suid-Afrika Suid-Afrika
ProvinsieNoordwes
DistrikDr. Kenneth Kaunda
MunisipaliteitJB Marks
Stigting1838
Regering
 • Gestig deurHendrik Potgieter
Oppervlak
 • Totaal185,4 km2 (71,6 vk. myl)
Hoogte
1 350 m (4 430 ft)
Bevolking
 (2011)[1]
 • Totaal149 230
 • Digtheid805/km2 (2 080/vk. myl)
Rasverdeling (2011)
 • Wit mense20,7%
 • Indiërs/Asiërs1,0%
 • Bruin mense7,1%
 • Swart mense70,7%
 • Ander0,4%
Taal (2011)
 • Tswana41,1%
 • Afrikaans27,9%
 • Suid-Sotho10,9%
 • Xhosa9,5%
 • Ander10,6%
Poskode (strate)
2520
Poskode (posbusse)
2520
Skakelkode018
Webwerfhttp://www.potch.co.za/

Potchefstroom is 'n stad in die Noordwesprovinsie van Suid-Afrika. Dit was die tweede oudste dorp in die ou Transvaalprovinsie naas die naburige Klerksdorp. Dit is in November 1838 deur Voortrekkerleier Hendrik Potgieter aan die oewers van die Mooirivier gestig. Die stad staan ook as die "Stad van Deskundigheid" bekend. Dit beslaan 2 573 km² en het 162 762 inwoners (munisipaliteit 2011).[2] Dit is 'n handel- en nywerheidsentrum vir die omliggende land- en mynboustreek. Potchefstroom is 120 km wes-suidwes van Johannesburg.

'n Straat omsoom met eikebome in Potchefstroom

Naamsverandering

[wysig | wysig bron]

Daar was 'n poging deur die ANC-beheerde munisipale owerheid om die dorp se naam na Tlokwe te verander, maar baie inwoners het in opstand gekom teen die besluit – hierdie opstand is deur die organisasie Aksie Potchefstroom gelei. Die stadsraad staan tans bekend as JB Marks Plaaslike Munisipaliteit, nadat dit in 2016 met Ventersdorp saamgesmelt het.

Universiteit

[wysig | wysig bron]
Hoofgebou van Potchefstroomkampus

Potchefstroom is 'n groot akademiese dorp. Die Teologiese Skool van die Gereformeerde Kerke in Suid-Afrika, wat in 1869 op Burgersdorp gestig is, is in 1905 na Potchefstroom verskuif. In 1919 het "Het Potchefstroom Universiteitskollege voor Christelike Hooger Onderwijs" ontstaan uit die Literariese Departement van die Teologiese Skool. In 1951 is die PUK erken as 'n selfstandige universiteit wat bekend sou staan as die Potchefstroomse Universiteit vir Christelike Hoër Onderwys (PU vir CHO).

Die PU vir CHO het in 2004 met die University of the Northwest in Mahikeng saamgesmelt om die Noordwes-Universiteit te word en sou voortaan bekend staan as die Potchefstroomkampus van die Noordwes-Universiteit. Hierdie multikampus en multidiverse universiteit het tot stand gekom nadat die regering verreikende veranderings in tersiëre onderwys aangebring het en wetgewing deurgevoer het wat die aantal tersiêre inrigtings in die land verminder het.

Die Potchefstroomkampus het 33 000 studente.

Die universititeit met sy groot aantal studente speel 'n belangrike rol in die dorp se bestaan en gee aan Potchefstroom sy universiteitsdorp-karakter.

Woonbuurte

[wysig | wysig bron]

Potchefstroom se woonbuurte sluit die volgende in:

  • Grimbeeckpark – langs die gholfbaan, tussen die Paryspad (R53) en die Mooirivier.
  • Oewersig – langs die Mooirivier, langs die Universiteit se sportterrein en die R501.
  • Dam Omgewing – langs die Potchefstroom Dam
  • Mooivalleipark – langs die R501
  • Van der Hoffpark – tussen die N12 en die PUK sportterrein.
  • Die Bult – langs die PUK.
  • Bailiepark – tussen die N12 en R53
  • Miederpark – suid van die N12, en wes van die Mooirivier.
  • Kannonierspark – Tussen die R53 en die spoorlyn, suid van die Mediclinic Hospitaal.
  • Bult-Wes
  • Bult-Oos
  • Dassierand – (aan die westekant van Potchefstroom) wes van die R53 na Ventersdorp

Jool

[wysig | wysig bron]

Dit is 'n jaarlikse optog ten bate van liefdadigheid waar al die eerstejaars van die Potchefstroomkampus van die Noordwes-Universiteit, in hul koshuisverband, deur die strate van die dorp loop met vlotte wat hulle self gebou en versier het.

Aardklop

[wysig | wysig bron]

Die Aardklop Nasionale Kunstefees word jaarliks aan die einde van September in Potchefstroom aangebied.

Trivia

[wysig | wysig bron]
  • Die N12 nasionale pad gaan deur Potchefstroom.
  • 'n Hoenderras, die Potchefstroom Koekoek, is vernoem na die stad.
  • Potchefstroom is die oudste distrik in die "trans-vaal", die gebied noord van die Vaalrivier.
  • Tydens die Krieketwêreldbeker 2003 is Potchefstroom se Senwespark vir drie wedstryde ingespan.
  • Die stad het verskeie museums, insluitend die Andries Bisschiff Geologiemuseum, die Mildred van der Merwe-Radloff-museum (albei op die universiteitskampus), die Potchefstroom-museum, die Goetz-Fleischack-museum, die Andries Pretorius-museum en die Totius-huismuseum.
  • Die eikelaan met meer as 700 bome en wat meer as 7 km lank is (dit strek van Potchefstroomdam in die noorde van die stad tot by die Landboukollege in die suide van die stad), is ’n nasionale erfenis.
  • Die stad huisves die O.P.M. Prozesky-voëlreservaat wat oor 70 hektaar strek.[3]

Sien ook

[wysig | wysig bron]
President Marthinus Wessel Pretorius se graf in Potchefstroom.

Verwysings

[wysig | wysig bron]
  1. ↑ 1,0 1,1 1,2 1,3 Som van die hoofplekke Mooivallei Park, Potchefstroom, Ikageng, Promosa en Mohadin tydens die 2011-sensus.
  2. ↑ Sensus 2011, Statistiek Suid-Afrika p.11 NW402: Tlokwe City Council[dooie skakel]
  3. ↑ SA-Venues en Pathfinda Geargiveer 7 Oktober 2019 op Wayback Machine

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Potchefstroom&oldid=2485564"