Victoriadag
![](http://upload.wikimedia.org/wikipedia/commons/thumb/7/7c/Victoria_%C3%A9difice_f%C3%A9d%C3%A9ral_canada.jpg/220px-Victoria_%C3%A9difice_f%C3%A9d%C3%A9ral_canada.jpg)
![](http://upload.wikimedia.org/wikipedia/commons/thumb/a/aa/230505_fireworks4.jpg/220px-230505_fireworks4.jpg)
Victoriadag (Engels: Victoria Day, Frans: Fête de la Reine) is 'n Kanadese openbare vakansiedag wat op die Maandag op of voor 24 Mei gevier word, ter ere van beide die verjaarsdag van koningin Victoria en dié van die huidige heersende Kanadese monarg.
Dié dag word ook gevier in dele van Skotland, veral in Edinburg en Dundee, waar dit ook 'n openbare vakansiedag is.
Geskiedenis
[wysig | wysig bron]Sedert 1901 is 24 Mei as datum dwarsdeur die Britse Ryk gevier as Ryksdag. In 1958 is die dag herbenoem na Gemenebesdag en in 1977 is die dag verskuif na die tweede Maandag in Maart, maar die Kanadese het aangehou om Victoriadag in Mei te vier.
Die heersende Kanadese monarg was tot dusver twee keer tevore in Kanada vir die viering van hulle amptelike geboortedag: die eerste keer op 20 Mei 1939, toe koning George VI op 'n Kanada-wye toer in die land was, en die tweede keer toe koningin Elizabeth II in Kanada was van 17 tot 25 Mei 2005, om die eeufeesvieringe van Saskatchewan en Alberta se intrede tot die Konfederasie van Kanada te gedenk.
Feesvierings
[wysig | wysig bron]Dié dag is een van 'n paar wat in Kanada met vuurwerke gevier mag word. Dit word beskou as die nie-amptelike begin van die somerseisoen in Kanada, en daarom maak die meeste parke en ander besighede wat gedurende die warmer somermaande bedryf word oop op hierdie naweek. Soortgelyk beteken dié langnaweek vir die tuinier in Kanada dat die lente behoorlik daar is, en daar waarskynlik nie weer ryp sal wees voor die volgende winter nie.
Notas
[wysig | wysig bron]- Die artikel is 'n gedeeltelike vertaling van die Engelse Wikipedia artikel Victoria day.
Eksterne skakels
[wysig | wysig bron]Wikimedia Commons het meer media in die kategorie Victoriadag.
- (en) Amptelike webwerf Geargiveer 14 Mei 2009 op Wayback Machine
- (en) Die Kanadese regeringsbladsy oor Victoriadag Geargiveer 17 Junie 2016 op Wayback Machine