Ronald Reagan
Ronald Wilson Reagan | |
---|---|
![]() | |
40ste President van die Verenigde State | |
Ampstermyn | 20 Januarie 1981 - 20 Januarie 1989 |
Voorganger | Jimmy Carter |
Opvolger | George H.W. Bush |
Geboortedatum | 6 Februarie 1911 |
Geboorteplek | Tampico, Illinois |
Sterftedatum | 5 Junie 2004 (op 93) |
Sterfteplek | Los Angeles, Kalifornië |
Eerste Dame | Nancy Reagan |
Politieke party | Republikein |
Visepresident | George H.W. Bush |
Handtekening | ![]() |
![](http://upload.wikimedia.org/wikipedia/commons/thumb/f/f1/Coat_of_Arms_of_Ronald_Reagan.svg/160px-Coat_of_Arms_of_Ronald_Reagan.svg.png)
![](http://upload.wikimedia.org/wikipedia/commons/thumb/0/00/President_Reagan_and_Prime_Minister_Margaret_Thatcher_at_Camp_David_1986.jpg/180px-President_Reagan_and_Prime_Minister_Margaret_Thatcher_at_Camp_David_1986.jpg)
Ronald Wilson Reagan (6 Februarie 1911 – 5 Junie 2004) was die 40ste President van die Verenigde State van Amerika (1981–1989) en die 33ste Goewerneur van Kalifornië (1967–1975). Reagan is in Illinois gebore, waar hy grootgeword het voor hy in die 1930's na Kalifornië verhuis het. Daar het hy 'n akteur geword asook die president van die Screen Actors Guild en ook 'n woordvoerder van die Amerikaanse maatskappy, General Electric. Alhoewel hy aanvanklik die Demokratiese Party ondersteun het, het hy in 1962 'n lid van die Republikeinse Party geword. Ná sy bekende toespraak, "A Time for Choosing", was hy oorreed om deel te neem as 'n kandidaat vir die verkiesingveldtog vir Goewerneur van Kalifornië: 'n posisie wat hy in 1966 vir die eerste keer beklee het. Na hy twee termyne as goewerneur gedien het, het hy twee keer as kandidaat vir die President van die Verenigde State gestaan. Die eerste keer, in 1976, was hy onsuksesvol, maar hy het die verkiesing van 1980 gewen en is ingehuldig as president.
Presidentskap
[wysig | wysig bron]Reagan het sy presidentskap begin deur 'n ekonomiese beleid voor te stel wat later bekend gestaan het as "Reaganomics". Onder die beleid was belasting verlaag met die hoop om belegging aan te moedig en sodoende werkgeleenthede te skep en hoër winste en omsette te behaal. Na hy 'n sluipmoordpoging oorleef het in sy eerste termyn en die VSA 'n tydperk van ekonomiese groei ervaar het,[1] was hy herkies deur die oorgrote meerderheid van die bevolking in 1984. Sy administrasie het egter gou 'n aantal skandale beleef, waaronder die bekende Iran-Contra-affêre.
Reagan het ook sy beleid van peace through strength ("vrede deur sterkte") ingestel, tydens die Koue Oorlog teen die Sowjetunie. In plaas daarvan om 'n middeweg te soek het hy Reagan Kommunisme gekonfronteer deur die USSR as 'n "bose ryk" voor te stel en deur anti-Kommunistiese bewegings die wêreld oor te ondersteun.[2] Reagan het ook met die Sowjetpresident Michail Gorbatsjof onderhandel om beide lande se arsenale van kernwapens te verklein, om sodoende 'n vreedsame einde aan die Koue Oorlog te bring.[3]
Siekte en sterfte
[wysig | wysig bron]In 1994, vyf jaar na sy presidentskap, het Reagan aangekondig dat hy met die Alzheimersiekte gediagnoseer is. Hy het 10 jaar later in die ouderdom van 93 gesterf.
Verwysings
[wysig | wysig bron]- ↑ "Taxes and Long-Term Economic Growth" (in Engels). United States Congress. Februarie 1997. Geargiveer vanaf die oorspronklike op 3 November 1999. Besoek op 26 Junie 2007.
- ↑ Carpenter, Ted Galen (24 Junie 1986). "U.S. Aid to Anti-Communist Rebels: The 'Reagan Doctrine' and Its Pitfalls". Cato Institute. Besoek op 29 Maart 2007.
- ↑ Appleby, Joyce; Brinkley, Alan; McPherson, James M. (2003). The American Journey. Woodland Hills, California: Glencoe/McGraw-Hill. pp. 924–926. ISBN 0078241294.
Eksterne skakels
[wysig | wysig bron]Wikimedia Commons het meer media in die kategorie Ronald Reagan.