Gaan na inhoud

Koningin Camilla van die Verenigde Koninkryk

in Wikipedia, die vrye ensiklopedie
Camilla
Koningin van die Verenigde Koninkryk
en ander lede van die Statebond
Camilla in 2019.
Camilla in 2019.
Geboortenaam Camilla Rosemary Shand
Gebore 17 Julie 1947 (1947-07-17) (77 jaar oud)
Londen, Engeland
Eggenotes
Kinders
  • Tom Parker Bowles
  • Laura Lopes
Vader Bruce Shand
Moeder Rosalind Cubitt

Camilla (op 17 Julie 1947 gebore as Camilla Rosemary Shand en later bekend as Camilla Parker Bowles) is koningin van die Verenigde Koninkryk en 14 ander lande van die Statebond as die vrou van koning Charles III. Sy het op 8 September 2022 die koningin-gemalin geword toe haar man koning word ná die dood van sy moeder, koningin Elizabeth II.[1] Sy is op Charles se kroning op 6 Mei 2023 as koningin Camilla gekroon.

Camilla het in Oos-Sussex en Suid-Kensington in Engeland grootgeword en het haar opvoeding in Engeland, Switserland en Frankryk ontvang. Sy het in 1973 met die Britse weermagoffisier Andrew Parker Bowles getrou en hulle het twee kinders. Hulle is in 1995 geskei. Camilla was nou en dan romanties by prins Charles betrokke voor en tydens elk van hul eerste huwelike. Hulle verhouding het baie aandag in die internasionale pers ontvang. In 2005 is Camilla met prins Charles getroud in die Windsor Guildhall, en dit is gevolg deur 'n Anglikaanse kerkdiens in die St. George-kapel in Windsor-kasteel.

As die voormalige Hertogin van Cornwall het Camilla openbare verpligtinge nagekom, dikwels saam met haar man. Sy is ook die beskermpersoon, president of lid van verskeie welsyn- en ander organisasies. Sedert 1994 het Camilla 'n veldtog gevoer om mense bewus te maak van osteoporose, waarvoor sy verskeie toekennings ontvang het. Sy het ook bewustheid geskep vir sake soos verkragting, seksuele misbruik, geletterdheid, dierewelsyn en armoede.[2][3]

Vroeë lewe en opvoeding

Camilla Rosemary Shand is op 17 Julie 1947 in Londen gebore.[4] Haar gesin het hulle tyd verdeel tussen hulle plattelandse huis in Plumpton, Oos-Sussex,[5] en hulle stadshuis in South Kensington.[6] Haar pa, majoor Bruce Shand van die Britse weermag, het later 'n sakeman geword. Haar ma was Rosalind Shand, dogter van Roland Cubitt, 3de baron Ashcombe. Een van haar oumagrootjies, Alice Keppel, was van 1898 tot 1910 'n minnares van koning Edward VII.[7]

Shand het in haar kinderjare 'n geesdriftige leser geword danksy die invloed van haar vader, wat dikwels vir haar voorgelees het.[8] Sy het met honde en katte grootgeword[9] en het op 'n jong ouderdom leer perdry.[10][6] Volgens haar was haar kinderjare "in elke opsig volmaak".[5]

Toe sy vyf jaar oud was, is Shand na die skool Dumbrells op die dorp Ditchling gestuur.[9] Van 10-jarige ouderdom af was sy 'n leerder by die Queen's Gate School naby die gesin se Londense huis. Een van haar onderwysers, die skrywer Penelope Fitzgerald, wat Frans onderrig het, onthou haar as "slim en lewendig". Van 16-jarige ouderdom af het sy die afrondingskool Mon Fertile in Tolochenaz, Switserland, bygewoon.[11] Daarna het sy ses maande lank Frans en Franse letterkunde in Parys studeer.[12][13][14]

Nadat Shand die huis verlaat het, het sy in Kensington en Belgravia 'n blyplek met ander vroue gedeel.[15] Sy het as 'n sekretaresse en ontvangsdame gewerk.[16] Shand het aanhou perdry[17] en het ook geskilder,[18] gehengel en tuinbou beoefen.[19][20]

Huwelike en kinders

Eerste huwelik

In die laat 1960's het Shand vir Andrew Parker Bowles (toe 'n luitenant in die weermag)[21] ontmoet deur haar jonger broer, Simon, wat vir haar vader se wynmaatskappy in Mayfair gewerk het.[22] Ná 'n aan-en-af-verhouding van 'n paar jaar is hulle verlowing in 1973 in The Times aangekondig.[23] Sally Bedell Smith beweer die aankondiging is sonder die paartjie se medewete deur hulle ouers gedoen, wat Parker Bowles gedwing het om Shand om haar hand te vra.[24] Hulle is op 4 Julie 1973 in Londen getroud.[25] Shand was 25 jaar oud en Parker Bowles 33. Dit is beskou as die "hoëklastroue van die jaar",[26] met 800 gaste.[25] Gaste teenwoordig sluit in prinses Anne, prinses Margaret en die koninginmoeder.[26]

Bolehyde Manor in Allington, Wiltshire.

Die paartjie het Bolehyde Manor in Allington gekoop en later Middlewick House in Corsham.[27][28] Hulle het twee kinders gehad: Tom (gebore 18 Desember 1974), wat 'n peetkind van koning Charles III is,[29] en Laura (gebore 1 Januarie 1978).[30] Albei kinders is in hulle pa se Katolieke geloof grootgemaak; Camilla het Anglikaans gebly.[31]

In Desember 1994, ná 'n huwelik van 21 jaar, het die Parker Bowleses 'n skeisaak aanhangig gemaak op grond daarvan dat hulle al jare lank apart woon. In Julie dié jaar is Camilla se moeder aan osteoporose oorlede, en haar vader het dit later as 'n "moeilike tyd vir haar" beskryf.[32] Die skeisaak is op 3 Maart 1995 afgehandel.[33] Andrew is 'n jaar later getroud met Rosemary Pitman (wat in 2010 oorlede is).[34][35]

Verhouding met Charles

Camilla Shand het prins Charles na berig word in die middel van 1971 ontmoet.[36] Andrew Parker Bowles het sy verhouding met Shand in 1970 beëindig en het gevry na prinses Anne, Charles se suster.[37] Hoewel Shand en Charles tot dieselfde sosiale kring behoort en soms dieselfde geleenthede bygewoon het, het hulle mekaar nie amptelik ontmoet nie. Hulle biograaf Brandreth beweer hulle het mekaar nie die eerste keer by 'n polowedstryd ontmoet, soos algemeen geglo word, nie.[38][39] Hulle het mekaar glo die eerste keer ontmoet in die huis van haar vriendin Lucía Santa Cruz, wat hulle amptelik aan mekaar voorgestel het.[17][40] Hulle het goeie vriende geword en eindelik 'n romantiese verhouding aangeknoop wat algemeen bekend was in hulle sosiale kring.[41] Namate die verhouding ernstiger geword het, het Charles Shand se familie in Plumpton ontmoet en hy het haar aan sommige lede van sy familie voorgestel.[42] Die verhouding is uitgestel nadat Charles oorsee gereis het vir militêre verpligtinge en is kort daarna beëindig.[4][43]

Daar is verskillende verduidelikings oor hoekom die verhouding doodgeloop het. Robert Lacey het in sy boek Royal: Her Majesty Queen Elizabeth II van 2008 geskryf Charles het Shand te vroeg ontmoet en het haar nie gevra om vir hom te wag toe hy oorsee is nie.[44] Sarah Bradford het in haar boek Diana van 2007 geskryf 'n lid van die nabye kring van sy grootoom lord Mountbatten het beweer Mountbatten het gereël dat Charles oorsee gaan om die verhouding met Shand te beëindig en voorsiening te maak vir 'n verlowing tussen Charles en sy kleindogter, Amanda Knatchbull.[45] Sommige bronne beweer die koninginmoeder het nie Charles se verhouding met Shand goedgekeur nie, want sy wou hê hy moes trou met 'n Spencer-familielid, een van die kleindogters van haar goeie vriendin lady Fermoy.[46] Ander bronne beweer Shand wou nie met Charles trou nie, maar met Andrew Parker Bowles, omdat hulle sedert die laat 1960's 'n verhouding gehad het,[47] of dat Charles besluit het hy wil nie trou voor hy 30 jaar oud is nie.[48]

Die meeste koninklike biograwe stem saam Charles sou nie toegelaat gewees het om met Shand te trou as hy toestemming gevra het nie. Volgens Charles se niggie en peetma Patricia Knatchbull het sommige paleisbeamptes destyds nie gedink Shand is die geskikte vrou vir Charles nie. In 2005 het sy gesê: "As 'n mens terugkyk, kan 'n mens sê Charles moes met Camilla getrou het toe hy die kans gehad het. Hulle het ideaal by mekaar gepas; ons weet dit nou. Maar dit was nie moontlik nie."[...][49] "Dit sou nie moontlik gewees het nie, nie toe nie."[...][50] Hulle het egter vriende gebly.[51][52]

In Augustus 1979 is lord Mountbatten deur die IRL vermoor. Charles was bedroef en het sterk op Camilla Parker Bowles gesteun vir troos. In dié tyd het gerugte begin, onder goeie vriende en in pologemeenskappe, dat Charles en Camilla hulle intieme verhouding hervat het.[53] 'n Bron na aan Parker Bowles het bevestig dat hulle teen 1980 weer minnaars was.[54] Daar is ook bewerings deur koninklike personeel dat dit vroeër begin het.[55] Parker Bowles se man, Andrew, het na berig word die verhouding goedgekeur,[56] terwyl hy verskeie liefdesverhoudings deur hulle huwelik gehad het.[57] Charles het desnieteenstaande gou daarna 'n verhouding met lady Diana Spencer begin. Hulle is in 1981 getroud.[58]

Die verhouding tussen Charles en Camilla het 'n dekade later algemene kennis in die pers geword met die publikasie van Diana: Her True Story in 1992,[59] gevolg deur "Camillagate" (ook bekend as "Tampongate"),[60] die bandopnameskandaal in 1993[61] toe 'n intieme telefoongesprek tussen Parker Bowles en Charles in die geheim opgeneem en die transkripsies in die geel pers gepubliseer is.[62][63] Die boek en bandopname het dadelik Charles se openbare beeld geskaad[64] en die media het Parker Bowles swartgesmeer.[65]

In 1994 het Charles eindelik oor sy verhouding met Parker Bowles gepraat in die onderhoud Charles: The Private Man, the Public Role met Jonathan Dimbleby. Hy het in die onderhoud aan Dimbleby gesê: "Mev. Parker Bowles is 'n goeie vriendin van my... vir 'n lang tyd. Sy sal steeds vir 'n lang tyd 'n goeie vriendin bly."[66] Hy het later in die onderhoud erken hulle het hulle vriendskap hervat nadat sy huwelik in 1986 "onherstelbaar skipbreuk gely het".[67]

Beeldherstel

Nadat Charles en Camilla albei geskei is, het Charles verklaar sy verhouding met Parker Bowles is "nieonderhandelbaar".[68] Hy was bewus daarvan dat die verhouding baie negatiewe publisiteit ontlok en het Mark Bolland, wat hy in 1995 aangestel het om sy eie beeld te verbeter, aangestel om Parker Bowles se openbare profiel te poets.[69] Parker Bowles het per geleentheid Charles se nieamptelike metgesel op byeenkomste geword. In 1999 het hulle hulle eerste openbare optrede saam gemaak by die Ritz London Hotel, waar hulle die verjaardagpartytjie van Camilla se suster Annabel Elliot bygewoon het; sowat 200 fotograwe en verslaggewers van oor die wêreld was daar om hulle saam te sien.[70] In 2000 het sy Charles na Skotland vergesel op 'n paar amptelike geleenthede en in 2001 het sy die president van die Britse Osteoporosevereniging geword, wat haar aan die publiek bekend gestel het.[71]

Parker Bowles het later koningin Elizabeth II ontmoet vir die eerste keer sedert die verhouding rugbaar geword het. Dit was op die 60ste verjaardagpartytjie van die voormalige Konstantyn II van Griekeland in 2000. Dit is beskou as 'n oënskynlike stempel van goedkeuring van die koningin op Parker Bowles se verhouding met prins Charles.[72][73]

Ná 'n reeks verskynings op openbare en private geleenthede het die koningin Parker Bowles na haar gouejubileumvierings in 2002 genooi. Sy het agter die koningin in die koninklike losie gesit op een van die konserte by Buckinghampaleis.[74] Charles het na berig word betaal vir twee voltydse sekuriteitsbeamptes vir haar beskerming.[75] Hoewel Parker Bowles die huis wat sy in 1995 gekoop het bly onderhou het,[76] het sy toe in Clarence House, Charles se amptelike woning sedert 2003, ingetrek.[77] In 2004 het sy Charles op feitlik al sy openbare optredes vergesel.[78] Die media het gegis oor wanneer hulle hulle verlowing gaan aankondig, en mettertyd het meningsopnames in Brittanje gewys 'n huwelik word algemeen gesteun.[79]

Ondanks dié beeldherstelproses het Parker Bowles teenkanting gekry van ondersteuners van Diana wat aan nasioanle koerante geskryf het om hulle opinie bekend te maak, veral nadat Parker Bowles en Charles se trouplanne aangekondig is.[80] Dié menings is op Facebook en TikTok deur internettrolle herhaal op vals steunbladsye en -rekenings wat aan Diana gewy was.[81] In 2023 het The Independent Camilla die invloedrykste vrou van dié jaar genoem in sy "Invloedlys van 2023".[82]

Tweede huwelik

Camilla in 2022 op die parlementsopening.

Op 10 Februarie 2005 het Clarence House aangekondig Parker Bowles en die Prins van Wallis is verloof. As 'n verloofring het Charles haar 'n diamantring gegee wat vermoedelik aan sy ouma die koninginmoeder present gegee is nadat sy die lewe aan Charles se moeder geskenk het.[83][84] As die toekomstige hoof van die Kerk van Engeland was dit omstrede dat Charles met 'n geskeide vrou gaan trou, maar met die toestemming van die koningin,[85] die regering[86] en die Kerk van Engeland kon die twee trou.

Die koningin, premier Tony Blair en die Aartsbiskop van Kantelberg het hulle beste wense in verklarings aan die media uitgespreek.[87] In die twee maande ná die aankondiging het Clarence House 25 000 briewe ontvang, waarvan "95 of 99 persent ondersteunend was"; 908 haatbriewe is ook ontvang, waarvan die dreigendstes aan die polisie gestuur is vir 'n ondersoek.[88]

Die troue sou op 8 April 2005 plaasvind. Op 4 April is aangekondig dit is met 'n dag uitgestel sodat die Prins van Wallis en ander genooide hooggeplaastes die begrafnis van pous Johannes Paulus II kon bywoon.[89] Die seremonie is dus op 9 April 2005 gehou. Charles en Camilla se ouers het dit nie bygewoon nie;[90] in hulle plek het Camilla se seun, Tom, en Charles se oudste seun, William, as getuies geteken.[91] Die koningin en prins Philip het wel die seëndiens agterna bygewoon. Die koningin het ook 'n onthaal in Windsor-kasteel gehou.[92]

Ná die troue het die paartjie vertrek na die prins se landgoed in Skotland, Birkhall,[93] en hulle eerste openbare pligte tydens hulle wittebrood uitgevoer.[94]

Hertogin van Cornwall

In 2009 in Brasilië.

Nadat sy die Hertogin van Cornwall geword het, het Camilla outomaties die tweede belangrikste vrou in die Britse volgorde van belangrikheid geword, naas koningin Elizabeth II. Daar is onthul dat die koningin die koninklike volgorde so verander het dat Camilla vierde is op private funksies, naas die koningin, prinses Anne en die koningin se niggie, prinses Alexandra.[95] Binne twee jaar ná die troue het die koningin Camilla se sigbare tekens van lidmaatskap van die koninklike familie uitgebrei: Sy het aan haar die Greville-tiara, wat voorheen aan die koninginmoeder behoort het, geleen[96] en aan haar die wapen van die Orde van die Koninklike Familie van Elizabeth II toegeken.[97]

In 'n koets saam met die koningin en prins Charles, 2012.

Ná die troue het Clarence House, prins Charles se amptelike woning, die paartjie se amptelike tuiste geword. Hulle het vir vakansiefunksies in Birkhall gebly en vir familiebyeenkomste in Highgrove House in Gloucestershire. In 2008 het hulle Llwynywermod, Wallis, betrek wat hulle elke jaar in die somer vir besoeke aan Wallis gebruik het.[98] Om tyd saam met haar kinders en kleinkinders deur te bring, onderhou Camilla steeds haar huis Ray Mill House, waarin sy van 1995 tot 2003 gewoon het.[99]

Prins Charles en Camilla in November 2005 saam met president George W. Bush en sy vrou, Laura, in die Withuis.

Op 9 April 2012, die sewende herdenking van Camila en die Prins van Wallis se troue, het die koningin die hertogin toegelaat tot die Koninklike Victoriaanse Orde.[100] Op 9 Junie 2016 het die koningin die hertogin toegelaat tot die Privy Council.[101] Op 1 Januarie 2022 het sy Camilla 'n koninklike dame van die Orde van die Kousband gemaak.[102]

Camilla se eerste afspraak op haar eie as die Hertogin van Cornwall was 'n besoek aan die Southampton- Algemene Hospitaal;[103] sy het in Junie 2005 die eerste keer die Britse Vaandelparade (Trooping the Colour) bygewoon en daarna op die balkon van Buckingham-paleis verskyn. Haar eerste oorsese besoek was in November 2005,[104] toe sy en Charles die Verenigde State besoek[104] en president George W. Bush en sy vrou, Laura, in die Withuis ontmoet het.[105]

Sedertdien het die egpaar feitlik die hele wêreld deurreis en onder meer Suid-Afrika besoek.[106] Van die talle hooggeplaastes wat hulle ontmoet het, was pous Benedictus XVI.

Camilla ná haar kroning in 2023.

Koningin-gemalin en koningin

Camilla het op 8 September 2022 die koningin-gemalin geword toe haar man die troon as Charles III bestyg ná die dood van sy moeder, koningin Elizabeth II.[107] Op 10 September 2022 was sy op die geleentheid waar Charles amptelik tot koning verklaar is. Sy was 'n getuie saam met haar stiefseun prins William.[108]

Op 29 Maart 2023 het Camilla Charles vergesel op 'n staatsbesoek aan Duitsland, sy eerste buitelandse besoek as monarg.[109] Hulle sou aanvanklik na Frankryk reis voor hulle Duitse besoek, maar dit is uitgestel weens stakings oor Franse pensioenhervormings.[110]

Charles is op 6 Mei 2023 as koning gekroon en Camilla as koningin.[111]

Welsyn en beskerming

Beskermvrou

Camilla is die beskermvrou of president van meer as 100 welsyns- en ander organisasies.[112] Sy is onder andere die erehoofkommodoor van die Britse vloot se mediese diens,[113] kanselier van die Universiteit van Aberdeen,[114] president van die Koninklike Vrywilligersdiens[115] en beskermvrou van die Nasionale Teater.[116] In 2018 en 2020 was sy die onderbeskermvrou van die Koninklike Statebondsvereniging en die Koninklike Dansakademie, waarvan koningin Elizabeth die beskermvrou was.[117]

Osteoporose

Die direkteur van die Nasionale Gesondheidsinstitute, Elias Zerhouni, verwelkom Charles en Camilla by die institute se besprekings van osteoporose met die geneesheer-generaal, Richard Carmona, en ander gesondheidsamptenare, November 2005.

In 1994 het Camilla lid van die Nasionale Osteoporosevereniging geword nadat haar moeder daardie jaar aan die siekte gesterf het. Haar ouma aan moederskant is in 1986 aan die siekte dood. Sy het in 1997 beskermvrou van die vereniging geword en is in 2001 as president aangestel.[118]

In 2002 het sy 'n miniboek uitgereik wat vroue help om hulleself teen die siekte te beskerm: A Skeleton Guide to a Healthy You, Vitamins and Minerals.[119] In 2004 het sy 'n konferensie in Dublin bygewoon en die volgende jaar die Nasionale Gesondheidsinstitute in Maryland, VSA, besoek om met gesondheidshooggeplaaste oor osteoporose te praat.[120]

Vir haar werk met osteoporose is twee pryse aan Camilla toegeken, die Ethel LeFrak-prys in 2005[121] en die Kohnstigtingsprys in 2007.[122] In 2007 is sy 'n erefellow van die King's College London gemaak vir haar werk met osteoporose.[123]

In 2009 het die Nasionale Osteoporosevereniging die Hertogin vn Cornwall-prys geskep vir werk op die gebied van die siekte.[124] In 2016 het sy 'n eredoktorsgraad van die Universiteit van Southampton gekry uit erkenning vir haar werk om mense bewus te maak van osteoporose.[125]

Oorlewendes van verkragting en mishandeling

Nadat sy in 2009 nege verkragtingsentrums besoek en na oorlewendes se verhale geluister het, het Camilla bewustheid daarvan begin skep en maniere verkondig hoe oorlewendes van verkragting en mishandeling kan aanbeweeg ná hulle trauma.[126] Sy besoek dikwels verkragtingsentrums in Brittanje, en ook oorsee wanneer sy reis.[127][128]

In 2013 het Camilla 'n ontmoeting by Clarence House gereël tussen oorlewendes van verkragting en ondersteuningsgroepe. Sowat 750 hulpsakkies met luuksetoiletware wat deur personeel van Clarence House saamgestel is, is uitgedeel.[128][129]

Geletterdheid

By Peter McLaughlin, hoof van die Doon-skool, wat sy in November 2013 besoek het op haar toer deur Indië.[130]

Camilla is 'n ywerige leser en 'n voorstander van geletterdheid. Sy is die beskermvrou van die Nasionale Geletterdheidstrust en ander geletterdheidsverenigings. Sy besoek dikwels skole, biblioteke en kinderverenigings om vir jong kinders voor te lees. Sy neem ook deel aan vierings soos Internasionale Geletterdheidsdag en Wêreldboekedag.[131]

In 2011 het sy geld geskenk om die Evening Standard se geletterdheidsveldtog te steun[132] en die Hertog van Edinburg vervang as die beskermpersoon van die BookTrust.[133] Sy het ook veldtogte van stapel gestuur en doen dit steeds om geletterdheid te bevorder.[134] In Januarie 2021 het sy die Hertogin van Cornwall se aanlyn klub Reading Room van stapel gestuur vir lesers, skrywers en geletterdheidgemeenskappe om mekaar te ontmoet en inligting oor hulle belangstellings en projekte uit te ruil.[135] In Oktober 2021 het sy die beskermvrou geword van Silver Stories, 'n welsynorganisasie wat jongmense met ouer mense in aanraking bring en hulle aanmoedig om stories oor die telefoon aan hulle voor te lees.[136]

Ander terreine

Camilla is 'n ondersteuner van dierewelsyn en die beskermvrou van baie sulke organisasies. Sy is ook president van die Brits gebaseerde Brooke-dierehospitaal vir perde, donkies en muile.[137] In 2015 het sy met die afdelingswinkel Fortnum & Mason saamgewerk om 250 bottels heuning te verkoop wat in haar privaat tuin in Wiltshire vervaardig is; dit het binne twee weke uitverkoop.[138] Die opbrengs is geskenk aan die welsynorganisasie Medical Detection Dogs, waarvan sy die beskermvrou is.[139] Sedertdien stuur sy elke jaar 'n beperkte hoeveelheid heuning aan Fortnum & Mason, en die opbrengs gaan na haar ander welsynorganisasies.[140]

Camilla steun organisasies oor die wêreld heen wat armoede en dakloosheid beveg.[13] Sy ondersteun ook gesonde eetgewoontes en kuns- en erfenisorganisasies,[141] en spreek haar uit teen vroulike genitale verminking.[142]

Titels, aanspreekvorme en wapen

Camilla se koninklike monogram as koningin (links)[143] en as Hertogin van Cornwall.

Toe Camilla met Charles trou, het sy die titel en aanspreekvorm "Haar Koninklike Hoogheid die Hertogin van Cornwall" gekry. In Skotland was sy bekend as "Haar Koninklike Hoogheid die Hertogin van Rothesay".[144] Wetlik was Camilla die Prinses van Wallis, maar sy het die vroulike vorm van haar man se volgende hoogste titel, die Hertog van Cornwall, aangeneem omdat die titel Prinses van Wallis so sterk met Charles se eerste vrou, Diana, verbind is.[145]

Koningin Camilla se wapen.

In 2021, ná die dood van prins Philip, Hertog van Edinburg, het Charles sy pa se titels geërf[146] en het Camilla amptelik die Hertogin van Edinburg geword.[147] In September 2022, toe Charles koning word, is al sy titels in die kroon opgeneem.

Clarence House het ná Charles en Camilla se troue in 2005 verklaar dat sy ná Charles se kroning die titel prinses-gemalin sal hê in plaas van koningin.[148] Daar was egter geen wetlike of historiese presedent vir so 'n titel nie.[149] In 2022 het koningin Elizabeth II gesê dit is haar wens dat Camilla as die koningin-gemalin bekend sal wees wanneer Charles die troon bestyg.[150]

Toe Charles koning word, het Camilla die titel "Haar Majesteit die koningin-gemalin" aangeneem,[151] wat haar onderskei het van koningin Elizabeth II.[152] Sedert die kroning is haar titel "Haar Majesteit die koningin", in ooreenstemming met vorige koningin-gemalinne.[153][154]

Kinders

Naam Gebore Getroud Kinders
Datum Gade
Tom Parker Bowles 18 Desember 1974 10 September 2005
Geskei 2018 		Sara Buys Lola Parker Bowles
Freddy Parker Bowles
Laura Parker Bowles 1 Januarie 1978 6 Mei 2006 Harry Lopes Eliza Lopes
Louis Lopes
Gus Lopes

Verwysings

  1. ↑ Kindelan, Katie. "With Queen Elizabeth II's death, Camilla becomes Queen Consort: What to know". Good Morning America. Besoek op 24 September 2022.
  2. ↑ Johnston, Morgan (19 November 2012). "Camilla: the woman behind the image". New Zealand Woman's Weekly. Geargiveer vanaf die oorspronklike op 24 September 2015. Besoek op 7 Augustus 2015.
  3. ↑ "Camilla: The relaxed and friendly face of the monarchy". Belfast Telegraph. 28 Maart 2015. Geargiveer vanaf die oorspronklike op 31 Julie 2020. Besoek op 7 Augustus 2015.
  4. ↑ 4,0 4,1 Graham 2005, p. 9.
  5. ↑ 5,0 5,1 Brandreth 2007, p. 104.
  6. ↑ 6,0 6,1 Brandreth 2007, p. 107.
  7. ↑ Powell, Kimberly. "Ancestry of Camilla Parker-Bowles". thoughtco.com. Geargiveer vanaf die oorspronklike op 5 Desember 2020. Besoek op 6 Januarie 2016.
  8. ↑ "The Duchess of Cornwall celebrates National Literacy Week". princeofwales.gov.uk. 3 Februarie 2011. Geargiveer vanaf die oorspronklike op 2 Desember 2017. Besoek op 6 Oktober 2013.
  9. ↑ 9,0 9,1 Brandreth 2007, p. 105.
  10. ↑ Junor. The Duchess. p. 32.
  11. ↑ "Childhood and Education". Geargiveer vanaf die oorspronklike op 13 Oktober 2017. Besoek op 13 Oktober 2017.
  12. ↑ Brandreth 2007, pp. 146–47.
  13. ↑ 13,0 13,1 "Camilla admits to nerves over her 'rusty' French as she embarks on first solo visit abroad". Hello!. 28 Mei 2013. Geargiveer vanaf die oorspronklike op 21 Januarie 2021. Besoek op 26 Junie 2013.
  14. ↑ "Childhood and Education". Geargiveer vanaf die oorspronklike op 13 Oktober 2017. Besoek op 13 Oktober 2017.
  15. ↑ "More help for Charles and Camilla". BBC News. 23 November 2005. Geargiveer vanaf die oorspronklike op 14 Desember 2020. Besoek op 22 Junie 2013.
  16. ↑ Brandreth 2007, p. 171.
  17. ↑ 17,0 17,1 Brandreth 2007, p. 178.
  18. ↑ Perry, Keith (18 Februarie 2014). "My paintings were so bad they went in bin, jokes Duchess of Cornwall". The Daily Telegraph. Geargiveer vanaf die oorspronklike op 10 Januarie 2022. Besoek op 7 September 2014.
  19. ↑ Smith, David (12 Februarie 2005). "The rise and rise of Queen Camilla". The Guardian. London. Geargiveer vanaf die oorspronklike op 5 November 2013. Besoek op 1 Maart 2012.
  20. ↑ Brandreth 2007, pp. 187–88.
  21. ↑ Brandreth 2007, p. 174.
  22. ↑ Brandreth 2007, p. 175.
  23. ↑ Graham 2005, p. 38.
  24. ↑ Hallemann, Caroline (13 November 2019). "Camilla Shand's Wedding to Andrew Parker Bowles Will Feature in The Crown's Third Season". Town & Country. Geargiveer vanaf die oorspronklike op 16 Desember 2021. Besoek op 16 Desember 2021.
  25. ↑ 25,0 25,1 Brandreth 2007, p. 186.
  26. ↑ 26,0 26,1 Graham 2005, p. 39.
  27. ↑ Brandreth 2007, p. 187.
  28. ↑ Armstrong, Julie (2 Junie 2013). "Pink Floyd drummer Nick Mason welcomes Camilla back to her old home ground". gazetteandherald.co.uk. Geargiveer vanaf die oorspronklike op 7 September 2014. Besoek op 7 September 2014.
  29. ↑ Graham 2005, p. 43.
  30. ↑ Graham 2005, p. 44.
  31. ↑ "Duchess of Cornwall grandchild wins Royal baptism". The Daily Telegraph. 14 Junie 2008. Geargiveer vanaf die oorspronklike op 10 Januarie 2022. Besoek op 28 November 2018.
  32. ↑ Brandreth 2007, pp. 280–81.
  33. ↑ "A Royal Romance Interactive Timeline". CBS News. 18 Maart 2005. Geargiveer vanaf die oorspronklike op 12 November 2013. Besoek op 5 Maart 2012.
  34. ↑ Walker, Tim (12 Januarie 2010). "Rosemary Parker Bowles dies after battle against cancer". The Daily Telegraph. Geargiveer vanaf die oorspronklike op 10 Januarie 2022. Besoek op 10 Julie 2014.
  35. ↑ Graham 2005, p. 284.
  36. ↑ Brandreth 2007, p. 181.
  37. ↑ Brandreth 2007, p. 177.
  38. ↑ Brandreth 2007, p. 320.
  39. ↑ Mayer, p. 98
  40. ↑ Junor. The Duchess. p. 9.; Mayer, pp. 97–98
  41. ↑ Graham 2005, p. 29.
  42. ↑ Graham 2005, pp. 32–33.
  43. ↑ Brandreth 2007, pp. 182–85.
  44. ↑ Lacey, p. 268
  45. ↑ Bradford, Sarah (2007). Diana. Penguin (Non-Classics). Footnote 10. ISBN 978-0-14-311246-4. Besoek op 6 Januarie 2016.
  46. ↑ Erickson, Carolly (2005). Lilibet: An Intimate Portrait of Elizabeth II. St Martin's Griffin. p. 350. ISBN 978-0-312-33938-8. Geargiveer vanaf die oorspronklike op 6 Februarie 2022. Besoek op 6 Januarie 2016.
  47. ↑ Brandreth 2007, p. 185.
  48. ↑ Brandreth 2007, p. 196.
  49. ↑ Brandreth 2007, p. 162.
  50. ↑ Brandreth 2007, p. 183.
  51. ↑ Brandreth 2007, p. 206.
  52. ↑ Graham 2005, p. 42.
  53. ↑ Graham 2005, pp. 47–48.
  54. ↑ Graham 2005, p. 48.
  55. ↑ Brandreth 2007, pp. 207–08.
  56. ↑ Kelley, p. 465
  57. ↑ Junor, Charles, p. 48; Junor. The Duchess. p. 68.
  58. ↑ Brandreth 2007, p. 235.
  59. ↑ Brandreth 2007, p. 269–270.
  60. ↑ Dockterman, Eliana (9 November 2022). "The True Story Behind Charles and Camilla's Phone Sex Leak on The Crown". Time. Besoek op 17 November 2022.
  61. ↑ Brandreth 2007, p. 257.
  62. ↑ Brandreth 2007, p. 258–264.
  63. ↑ "The Camillagate Tapes" Geargiveer 1 Julie 2010 op Wayback Machine, 18 Desember 1989, telefoontranskripsie
  64. ↑ Brandreth 2007, p. 275.
  65. ↑ Brandreth 2007, pp. 274–276.
  66. ↑ Brandreth 2007, p. 280.
  67. ↑ Dimbleby, p. 395; Junor. The Duchess. p. 125.
  68. ↑ McLaren, Leah (11 Mei 2002). "An honest woman at last?". Geargiveer vanaf die oorspronklike op 23 Junie 2012. Besoek op 6 Maart 2012.; McAllister, J.F.O. (13 Februarie 2005). "The 34-Year Courtship". Time. Geargiveer vanaf die oorspronklike op 30 September 2007. Besoek op 18 Augustus 2012.
  69. ↑ "Mark Bolland: Marital aide". The Independent. 30 Maart 2005. Geargiveer vanaf die oorspronklike op 11 Mei 2015. Besoek op 9 Mei 2012.
  70. ↑ "Charles and Camilla go public". BBC News. 29 Januarie 1999. Geargiveer vanaf die oorspronklike op 5 Mei 2014. Besoek op 5 Mei 2014.
  71. ↑ Tweedie, Neil (11 Februarie 2005). "Charles and Camilla, after Diana". The Daily Telegraph. Geargiveer vanaf die oorspronklike op 10 Januarie 2022. Besoek op 16 Mei 2012.
  72. ↑ "Queen meets Camilla as relationship thaws". The Free Library. Sunday Mercury (Birmingham, Engeland). 4 Junie 2000. Geargiveer vanaf die oorspronklike op 10 November 2013. Besoek op 28 Maart 2012.
  73. ↑ Brandreth 2007, p. 295.
  74. ↑ "Prince pleased with Queen's Camilla invite". The Birmingham Post. 13 Mei 2002. Geargiveer vanaf die oorspronklike op 5 Maart 2016. Besoek op 7 Mei 2012 – via The Free Library.; Summerskill, Ben (13 Julie 2002). "The Observer Profile: Camilla Parker Bowles". The Observer. Geargiveer vanaf die oorspronklike op 31 Desember 2013. Besoek op 26 Oktober 2012.
  75. ↑ Bates, Stephen (10 Mei 2002). "Charles pays for extra Camilla security guards". The Guardian. Besoek op 7 Julie 2022.
  76. ↑ Brandreth 2007, p. 284.
  77. ↑ Brandreth 2007, p. 296–297.
  78. ↑ "In Pictures: Charles and Camilla". The Guardian. Geargiveer vanaf die oorspronklike op 7 Oktober 2013. Besoek op 5 Oktober 2013.
  79. ↑ Brandreth 2007, pp. 8–15.
  80. ↑ Honigsbaum, Mark (7 Maart 2005). "Meet the Diana Circle: the band of fans trying to stop the royal wedding". The Guardian. Besoek op 5 Oktober 2022.
  81. ↑ Cohen, Danielle (13 Julie 2022). "What on Earth Is Going On in This Princess Diana Facebook Group?". The Cut. Besoek op 22 September 2022.; Das, Shanti (17 September 2022). "Trial by TikTok: Camilla and Meghan targeted with abuse after Queen's death". The Guardian. Besoek op 22 September 2022.
  82. ↑ "Independent Women 2023 - The Influence List". The Independent. 8 Maart 2023. Besoek op 8 Maart 2023.
  83. ↑ Graham 2005, p. 7.
  84. ↑ "Crown jewels: The fabulous rings which sealed the love of Europe's royal couples". Hello!. VK. Geargiveer vanaf die oorspronklike op 27 November 2015. Besoek op 6 Januarie 2016.
  85. ↑ "Royal Marriage". Parliament of the United Kingdom. 17 Maart 2005. Geargiveer vanaf die oorspronklike op 2 April 2015. Besoek op 19 Maart 2015.
  86. ↑ "Royal Marriage". Parliament of the United Kingdom. 24 Februarie 2005. Geargiveer vanaf die oorspronklike op 2 April 2015. Besoek op 17 Maart 2015.
  87. ↑ "Prince Charles to marry longtime lover Camilla". NBC News. 11 Februarie 2005. Geargiveer vanaf die oorspronklike op 25 Desember 2013. Besoek op 6 Maart 2012.
  88. ↑ "Camilla hate mail is passed on to police". Gazette and Herald. 29 April 2005. Geargiveer vanaf die oorspronklike op 16 Desember 2021. Besoek op 16 Desember 2021.
  89. ↑ Dear, Paula (5 April 2005). "Fans 'panic buy' 8 April mementos". BBC News. Geargiveer vanaf die oorspronklike op 25 Augustus 2007. Besoek op 27 Junie 2010.; "Prince Charles Postpones Wedding to Attend Funeral". The New York Times. 4 April 2005. Geargiveer vanaf die oorspronklike op 6 Februarie 2022. Besoek op 16 Junie 2013.
  90. ↑ "Q&A: Queen's wedding decision". BBC News. 23 Februarie 2005. Geargiveer vanaf die oorspronklike op 11 Januarie 2009. Besoek op 27 Junie 2010.
  91. ↑ "Wedding role for William and Tom". BBC News. 23 Maart 2005. Geargiveer vanaf die oorspronklike op 14 Junie 2012. Besoek op 1 Mei 2012.
  92. ↑ Crean, Ellen (9 April 2005). "CBS News "Charles and Camilla Finally Wed"". CBS News. Geargiveer vanaf die oorspronklike op 12 November 2010. Besoek op 27 Junie 2010.
  93. ↑ "Royal newlyweds begin honeymoon". BBC News. 9 April 2005. Geargiveer vanaf die oorspronklike op 16 November 2013. Besoek op 3 Mei 2012.
  94. ↑ "Royal newlyweds break off honeymoon to meet pupils". The Birmingham Post. 15 April 2005. Geargiveer vanaf die oorspronklike op 11 Augustus 2016. Besoek op 3 Mei 2012 – via The Free Library.
  95. ↑ Davies, Caroline (24 Desember 2005). "First royal Sandringham Christmas for Camilla". The Daily Telegraph. UK. Geargiveer vanaf die oorspronklike op 10 Januarie 2022. Besoek op 14 Januarie 2009.; Eden, Richard (24 Junie 2012). "The Queen tells the Duchess of Cambridge to curtsy to the 'blood princesses'". The Daily Telegraph. UK. Geargiveer vanaf die oorspronklike op 10 Januarie 2022. Besoek op 26 Julie 2012.
  96. ↑ "Duchess of Cornwall wears Queen Mother's Tiara". Femalefirst.co.uk. Geargiveer vanaf die oorspronklike op 2 Maart 2012. Besoek op 27 Junie 2010.
  97. ↑ Brandreth 2007, p. 316.
  98. ↑ "Residences". Prince of Wales official website. Geargiveer vanaf die oorspronklike op 24 Augustus 2015. Besoek op 21 Augustus 2015.
  99. ↑ "Prince Charles and Camilla celebrate their 10th wedding anniversary". Hello!. 3 Junie 2015. Geargiveer vanaf die oorspronklike op 6 September 2015. Besoek op 21 Augustus 2015.; "BREAKING: King Charles drives through Wiltshire after helicopter drops Camilla home". Wiltshire 999s. 14 September 2022. Besoek op 15 September 2022.
  100. ↑ "The Queen makes Camilla a Dame Grand Cross". BBC News. 8 April 2012. Geargiveer vanaf die oorspronklike op 20 Junie 2012. Besoek op 9 Junie 2013.
  101. ↑ "Orders for 9 June 2016" (PDF). Privy Council Office. Geargiveer (PDF) vanaf die oorspronklike op 9 Augustus 2016. Besoek op 11 Junie 2016.
  102. ↑ "New appointments to the Order of the Garter announced". The Royal Family. 31 Desember 2021. Geargiveer vanaf die oorspronklike op 31 Desember 2021. Besoek op 1 Januarie 2022. The appointments are effective from 1st January, 2022.
  103. ↑ Brandreth 2007, p. 321.
  104. ↑ 104,0 104,1 "Charles and Camilla begin US tour". BBC News. 1 November 2005. Geargiveer vanaf die oorspronklike op 16 September 2013. Besoek op 15 September 2012.
  105. ↑ "Charles, Camilla dine at White House". USA Today. 2 November 2005. Geargiveer vanaf die oorspronklike op 12 Mei 2014. Besoek op 10 Mei 2014.
  106. ↑ "The Prince of Wales and The Duchess of Cornwall to tour Commonwealth and Gulf Countries". 12 Oktober 2011. Geargiveer vanaf die oorspronklike op 15 Februarie 2012. Besoek op 7 Maart 2012.
  107. ↑ Saunt, Raven (11 September 2022). "Camilla, Queen Consort: The duties that come with her new royal title". The Telegraph.
  108. ↑ Ward, Victoria (10 September 2022). "What happens at the Accession Council? The meeting where Charles will be proclaimed King". The Telegraph.
  109. ↑ "King Charles III arrives in Germany for first overseas visit as monarch". CNN. 23 Maart 2023. Besoek op 23 Maart 2023.
  110. ↑ "King Charles's France visit postponed after pension protests". BBC News (in Engels (VK)). 24 Maart 2023. Geargiveer vanaf die oorspronklike op 24 Maart 2023. Besoek op 24 Maart 2023.
  111. ↑ "King Charles and Camilla to be crowned on 6 May". BBC News. 11 Oktober 2022. Besoek op 13 Oktober 2022.
  112. ↑ "100 Coronation Facts". The Royal Family. Besoek op 1 Mei 2023.
  113. ↑ "Duchess of Cornwall presents medals to navy medics". BBC News. 27 Januarie 2012. Geargiveer vanaf die oorspronklike op 20 Augustus 2018. Besoek op 20 Junie 2018.
  114. ↑ "The Duchess of Rothesay becomes Chancellor of Aberdeen University". princeofwales.gov.uk. 10 Junie 2013. Geargiveer vanaf die oorspronklike op 10 November 2013. Besoek op 10 November 2013.
  115. ↑ Furness, Hannah (9 Maart 2022). "Queen's Platinum Champions Awards for volunteers launched by Duchess of Cornwall". The Telegraph. Besoek op 15 Maart 2022.
  116. ↑ "Camilla replaces Meghan as royal patron of National Theatre". Sky News. 18 Maart 2022. Besoek op 18 Maart 2022.
  117. ↑ "Our History". The Royal Commonwealth Society. Geargiveer vanaf die oorspronklike op 13 April 2021. Besoek op 7 Maart 2021.; Kolirin, Lianne (29 April 2020). "Camilla, Duchess of Cornwall is ballet-dancing her way through lockdown". CNN. Geargiveer vanaf die oorspronklike op 29 April 2020. Besoek op 29 April 2020.
  118. ↑ Soames, Emma (20 November 2006). "Camilla's dearest cause". The Daily Telegraph. Geargiveer vanaf die oorspronklike op 17 Desember 2013. Besoek op 14 September 2013.
  119. ↑ "Camilla Book". Getty Images. Geargiveer vanaf die oorspronklike op 24 September 2015. Besoek op 4 September 2015.; Celia Hall (1 Maart 2002). "Camilla launches guide to preventing osteoporosis". The Daily Telegraph. Geargiveer vanaf die oorspronklike op 10 Januarie 2022. Besoek op 4 September 2015.
  120. ↑ "Duchess speaks on osteoporosis during the royal couple's visit to NIH's Clinical Center". clinicalcenter.nih.gov. 5 Desember 2005. Geargiveer vanaf die oorspronklike op 4 April 2015. Besoek op 23 Julie 2015.
  121. ↑ "Camilla given osteoporosis award". BBC News. 17 Mei 2005. Geargiveer vanaf die oorspronklike op 19 Oktober 2013. Besoek op 27 Augustus 2013.
  122. ↑ "The Duchess receives the Kohn Award for raising awareness of osteoporosis". princeofwales.gov.uk. 31 Oktober 2007. Geargiveer vanaf die oorspronklike op 19 Oktober 2013. Besoek op 27 Augustus 2013.; Campbell, Denis (27 Oktober 2007). "Camilla wins award for osteoporosis campaign". The Observer. Geargiveer vanaf die oorspronklike op 19 Oktober 2013. Besoek op 27 Augustus 2013.
  123. ↑ "Honorary Fellowship for Duchess of Cornwall". kcl.ac.uk. 13 September 2007. Geargiveer vanaf die oorspronklike op 15 Oktober 2013. Besoek op 27 Augustus 2013.
  124. ↑ "Susan Hampshire receives second Duchess of Cornwall Award". 8 Julie 2011. Geargiveer vanaf die oorspronklike op 25 Maart 2014. Besoek op 27 Augustus 2013.
  125. ↑ "University awards honorary degree to Royal". southampton.ac.uk. 10 Februarie 2016. Geargiveer vanaf die oorspronklike op 8 Maart 2016. Besoek op 2 Maart 2016.
  126. ↑ Low, Valentine (2 Februarie 2013). "Camilla takes leading role in fight to help rape victims". Times. Geargiveer vanaf die oorspronklike op 3 Februarie 2013. Besoek op 7 Augustus 2013.
  127. ↑ "Supporting victims of rape and sexual abuse". princeofwales.com. Geargiveer vanaf die oorspronklike op 15 Maart 2015. Besoek op 14 Maart 2015.
  128. ↑ 128,0 128,1 "Duchess of Cornwall hosts a reception supporting survivors of rape and sexual abuse". Marie Claire. 5 Februarie 2013. Geargiveer vanaf die oorspronklike op 29 Oktober 2013. Besoek op 22 Junie 2013.
  129. ↑ Skyes, Tom (6 Februarie 2013). "Camilla's Compassion For Rape Victims". Daily Beast. Geargiveer vanaf die oorspronklike op 29 Oktober 2013. Besoek op 7 Augustus 2013.
  130. ↑ "Day 2: The Prince and The Duchess visit India". Geargiveer vanaf die oorspronklike op 9 November 2013.
  131. ↑ "The Duchess of Cornwall celebrates International Literacy Day". princeofwales.gov.uk. 8 September 2010. Geargiveer vanaf die oorspronklike op 4 Desember 2017. Besoek op 20 Mei 2014.
  132. ↑ "Camilla joins our literacy campaign". Evening Standard. 7 Junie 2011. Geargiveer vanaf die oorspronklike op 16 Desember 2013. Besoek op 10 Mei 2014.
  133. ↑ "Our Patron". BookTrust. Besoek op 2 Maart 2023.
  134. ↑ "HRH the Duchess of Cornwall launches our search for Literacy Heroes". literacytrust.org.uk. 4 Oktober 2013. Geargiveer vanaf die oorspronklike op 18 Maart 2016. Besoek op 9 Oktober 2013.; "Theo Walcott joins Her Royal Highness The Duchess of Cornwall to launch Premier League Reading Stars". literacytrust.org.uk. 26 Januarie 2012. Geargiveer vanaf die oorspronklike op 20 Maart 2016. Besoek op 9 Oktober 2013.
  135. ↑ "Duchess of Cornwall launches new Reading Room club for book lovers". ITV News. 1 Januarie 2021. Geargiveer vanaf die oorspronklike op 8 Januarie 2021. Besoek op 9 Januarie 2021.
  136. ↑ Stacey, Danielle (3 Oktober 2021). "The Duchess of Cornwall reveals her favourite book to read to her grandchildren". Hello!. Geargiveer vanaf die oorspronklike op 3 Oktober 2021. Besoek op 3 Oktober 2021.
  137. ↑ "Our President: HRH The Duchess of Cornwall". Geargiveer vanaf die oorspronklike op 3 Oktober 2013. Besoek op 9 Oktober 2013.
  138. ↑ "Fortnum & Mason to stock royal honey from the Duchess of Cornwall's bees". Evening Standard. 1 April 2015. Geargiveer vanaf die oorspronklike op 19 April 2020. Besoek op 19 Januarie 2020.; "The Duchess of Cornwall's honey is a huge success in Fortnum & Mason". Hello!. 24 April 2015. Geargiveer vanaf die oorspronklike op 27 April 2015. Besoek op 25 April 2015.
  139. ↑ "Duchess takes on the Duchy in the battle of the royal honeycombs". The Daily Telegraph. 1 April 2015. Geargiveer vanaf die oorspronklike op 10 Januarie 2022. Besoek op 3 April 2015.
  140. ↑ "Five products raising funds for charities around the UK". fundraising.co.uk. 12 Januarie 2018. Geargiveer vanaf die oorspronklike op 28 Januarie 2020. Besoek op 28 Januarie 2020.
  141. ↑ "Charities and Patronages". princeofwales.gov.uk. Geargiveer vanaf die oorspronklike op 17 Oktober 2012. Besoek op 24 September 2012.
  142. ↑ "Duchess of Cornwall praised for backing anti-FGM campaign". figo.org. Geargiveer vanaf die oorspronklike op 25 Desember 2016. Besoek op 26 Januarie 2017.
  143. ↑ Mackintosh, Thomas (8 November 2022). "Camilla: New monogram for Queen Consort unveiled". BBC. Besoek op 9 November 2022.
  144. ↑ "HRH The Duchess of Cornwall". The Prince of Wales and The Duchess of Cornwall. Besoek op 24 April 2022.
  145. ↑ "The Royal Title that Camilla and Princess Diana Shared". Harper's Bazaar. 13 November 2018. Geargiveer vanaf die oorspronklike op 3 Januarie 2019. Besoek op 2 Januarie 2019.
  146. ↑ "HRH The Duke of Edinburgh". College of Arms. 9 April 2021. Geargiveer vanaf die oorspronklike op 11 April 2021. Besoek op 7 Mei 2021.
  147. ↑ "Prince Philip's Duke of Edinburgh title will pass to another royal when Charles is king". 9Honey. 12 April 2021. Geargiveer vanaf die oorspronklike op 24 Junie 2021. Besoek op 20 Junie 2021.
  148. ↑ "Clarence House press release". Clarence House. 10 Februarie 2005. Geargiveer vanaf die oorspronklike op 24 Junie 2014. Besoek op 6 April 2018.
  149. ↑ "'London Bridge is down': the secret plan for the days after the Queen's death". The Guardian. 17 Maart 2017. Geargiveer vanaf die oorspronklike op 27 Mei 2019. Besoek op 2 Januarie 2019.
  150. ↑ Coughlan, Sean (5 Februarie 2022). "Queen wants Camilla to be known as Queen Consort". BBC. Geargiveer vanaf die oorspronklike op 5 Februarie 2022. Besoek op 5 Februarie 2022.
  151. ↑ "The Queen Consort". The Royal Family. 8 September 2022. Geargiveer vanaf die oorspronklike op 8 September 2022. Besoek op 8 September 2022.
  152. ↑ "Coronation frequently asked questions". Australian Government. Besoek op 1 Mei 2023.
  153. ↑ Davies, Caroline (4 April 2023). "King Charles' coronation invite confirms use of title of 'Queen Camilla'". The Guardian. Besoek op 5 April 2023.
  154. ↑ "The Authorised Liturgy for the Coronation Rite of His Majesty King Charles III" (PDF). Church of England. Besoek op 29 April 2023.

Aangehaalde bronne

Nog leesstof

  • Tyrrel, Rebecca (2003). Camilla: An Intimate Portrait. Short Books. ISBN 1-904095-53-4.

Skakels

Ontsluit van "https://af.wikipedia.org/w/index.php?title=Koningin_Camilla_van_die_Verenigde_Koninkryk&oldid=2638635"