Wikipedia

Geert Wilders

Geert Wilders (gebore 6 September 1963 in Venlo) is 'n Nederlandse politikus wat aan die Party vir die Vryheid (PVV) behoort, 'n Nederlandse populistiese politieke party wat in 2006 gestig is en waarvan hy sedertdien die partyleier is.[1][2] Sedert 1998 is hy 'n lid van die Tweede Kamer van die State-Generaal, tot 2004 vir die regs-liberale Volksparty vir Vryheid en Demokrasie (VVD) en tot 2006 vir die Groep Wilders, die voorloper van die PVV.

Geert Wilders
Geert Wilders
Wilders in 2014
Parlementêre leier van die PVV in die Tweede Kamer
Ampsbekleër
Termynaanvang
23 November 2006
Lid van die Tweede Kamer vir die PVV
Ampsbekleër
Termynaanvang
30 November 2006
Lid van die Tweede Kamer vir die Groep Wilders
Ampstermyn
2 September 2004 – 30 November 2006
Lid van die Tweede Kamer vir die VVD
Ampstermyn
26 Julie 2002 – 2 September 2004
Ampstermyn
25 Augustus 1998 – 23 Mei 2002
Persoonlike besonderhede
Gebore 6 September 1963 (1963-09-06) (61 jaar oud)
Venlo, Nederland
Politieke party PVV (2006–hede)
Onafhanklik (2004-2006)
VVD (1989–2004)
Eggenoot/-note Krisztina Wilders (1992-hede)
Alma mater Open Universiteit Nederland

Wilders is gekant teen die immigrasie van (veral Moslemse) buitelanders, 'n felle teenstander van die Islamitiese godsdiens asook 'n groot voorstander van die vryheid van meningsuiting, asook vir swaarder strawwe. Ook staan hy bekend as pro-Israel en as 'n teenstander van 'n Palestynse staat.

Vroeë lewe en loopbaan

wysig
 
Wilders het sy politieke ontwikkeling onder sy mentor, Frits Bolkestein, begin.

Wilders is op 6 September 1963 in die stad Venlo in die provinsie Limburg gebore. Hy is die seun van Johannes Henricus Andreas Wilders en Anne Maria (Ording) Wilders.[3][4] Hy is die jongste van vier kinders[5] en is katoliek grootgemaak. Sy vader was Nederlands; sy moeder, Maria Anne Ourding, is in Sukabumi in die Nederlandse Oos-Indië (nou Indonesië)[6][7][8] met 'n gemengde Nederlandse en Indonesiese agtergrond gebore.[9][10] Sy vader het as 'n bestuurder vir die druk- en kopie-maatskappy Océ gewerk,[11] en het tydens die Tweede Wêreldoorlog van die Duitsers geskuil, 'n ervaring wat so traumaties was dat hy selfs veertig jaar later nog weier om fisies Duitsland binne te gaan.[12]

Wilders het sy sekondêre onderwys aan die Mavo- en Havo- middelbare skool in Venlo ontvang. Hy het 'n kursus in gesondheidsversekering by die Stichting Opleiding Sociale Verzekeringen in Amsterdam gedoen en verskeie regssertifikate aan die Nederlandse Open Universiteit behaal.[verwysing benodig]

Wilders se doel nadat hy van die sekondêre skool afgestudeer het, was om die wêreld te sien. Omdat hy nie genoeg geld gehad het om na Australië, sy voorkeursbestemming, te reis nie, het hy eerder na Israel gegaan[12] en vir 'n jaar as vrywilliger in 'n mosjav, Tomer, in die Wes-Bank gewerk.[13] Met die geld wat hy gespaar het, het hy na die aangrensende Arabiese lande gereis en was deur die gebrek aan demokrasie in die streek geroer. Toe hy na Nederland terugkeer, het hy Israeliese idees oor teen-terrorisme behou en 'n "spesiale gevoel van solidariteit" vir die land gehad.[14]

Terwyl hy in Utrecht gewoon het, het Wilders aanvanklik in die gesondheidsversekeringsbedryf gewerk. Sy belangstelling in die onderwerp het hom na politiek as 'n toespraakskrywer vir die Nederlandse Volksparty vir Vryheid en Demokrasie gelei.[12][15] Hy het sy formele politieke loopbaan as 'n parlementêre assistent vir die party-leier Frits Bolkestein, wat hom op buitelandse beleid toegespits het, begin. Hy het hierdie werk van 1990 tot 1998 gehad. Gedurende hierdie tyd het Wilders wyd gereis,[16] en lande regoor die Midde-Ooste, insluitende Iran, Sirië, Jordanië, Egipte en Israel, besoek. Bolkestein was die eerste Nederlandse politikus wat die gevolge van massaimmigrasie vir die Nederlandse samelewing aangespreek het, met skerp kritiek op Moslem-immigrante. Hy het 'n voorbeeld vir Wilders gestel, nie net met sy idees nie, maar ook met sy konfronterende sprekersstyl.[12][16] Politieke analis Anno Bunnik het later Wilders as 'n "towenaarsleerling" van Bolkestein beskryf.[17]

Rutte-kabinet

wysig

Wilders en sy party het in die parlement sedert 14 Oktober 2010 die Rutte I-kabinet gesteun. Hierdie minderheidskabinet, bestaande uit die Volksparty vir Vryheid en Demokrasie (VVD) en die Christen-Demokratiese Appèl (CDA), wou tot 2014 agtien miljard Euro bespaar op die begroting, immigrasie beperk en veiligheid verbeter.

Eksterne skakels

wysig

Verwysings

wysig
  1. ↑ Castle, Stephen (5 Augustus 2010). "Dutch Opponent of Muslims Gains Ground". The New York Times. Netherlands. Besoek op 31 Mei 2011.
  2. ↑ Mock, Vanessa (11 Junie 2010). "Wilders makes shock gains in Dutch elections". The Independent. London. Geargiveer vanaf die oorspronklike op 7 Januarie 2019. Besoek op 18 Junie 2010.
  3. ↑ "De Indische roots van Geert Wilders – SIGE" (in Nederlands). Geargiveer vanaf die oorspronklike op 5 Februarie 2023. Besoek op 23 November 2023.
  4. ↑ Vossen, Koen (12 Augustus 2016). The Power of Populism: Geert Wilders and the Party for Freedom in the Netherlands (in Engels). Taylor & Francis. p. 1. ISBN 978-1-317-29290-6. Geargiveer vanaf die oorspronklike op 25 November 2023. Besoek op 1 September 2019.
  5. ↑ Tyler, John (24 Januarie 2008). "Geert Wilders: Pushing the envelope". Radio Netherlands Worldwide. Geargiveer vanaf die oorspronklike op 14 Junie 2007. Besoek op 15 Maart 2008.
  6. ↑ "Geert Wilder, Politisi Belanda Anti-Islam Keturunan Sukabumi". cnbcindonesia.com. Geargiveer vanaf die oorspronklike op 3 Desember 2023. Besoek op 3 Desember 2023.
  7. ↑ Lizzy van Leeuwen (2 September 2009). "Wreker van zijn Indische grootouders" (in Nederlands). De Groene Amsterdammer. Geargiveer vanaf die oorspronklike op 7 Januarie 2019. Besoek op 26 Desember 2013.
  8. ↑ Bert Bukman (6 Januarie 2012). "Waarom is het haar van Geert Wilders blond?". De Volkskrant (in Nederlands). Geargiveer vanaf die oorspronklike op 7 Januarie 2019. Besoek op 26 Desember 2013.
  9. ↑ "Geert Wilders' Indonesian roots define his politics, says anthropologist". Vorige.nrc.nl. 4 September 2009. Geargiveer vanaf die oorspronklike op 20 Julie 2011. Besoek op 31 Mei 2011.
  10. ↑ "Iran Warns Netherlands Not to Air Controversial 'Anti-Muslim' Film". Fox News Channel. 21 Januarie 2008. Geargiveer vanaf die oorspronklike op 12 Junie 2009. Besoek op 15 Maart 2009.
  11. ↑ "G. Wilders – Parlement & Politiek" (in Nederlands). Parlement.com. Geargiveer vanaf die oorspronklike op 7 Januarie 2019. Besoek op 24 Maart 2008.
  12. ↑ 12,0 12,1 12,2 12,3 Traufetter, Gerald (27 Maart 2008). "A Missionary with Dark Visions". Der Spiegel. Geargiveer vanaf die oorspronklike op 7 Januarie 2019. Besoek op 15 Maart 2009.
  13. ↑ Liphshiz, Cnaan (29 April 2014). "Geert Wilders and Dutch Jews – end of the affair?". Jewish Telegraphic Agency. Geargiveer vanaf die oorspronklike op 7 Januarie 2019. Besoek op 12 Maart 2017.
  14. ↑ "Verliefd op Israël". De Volkskrant (in Nederlands). 10 April 2007. Geargiveer vanaf die oorspronklike op 3 Julie 2015. Besoek op 21 Junie 2009.
  15. ↑ Kirby, Paul (27 Maart 2008). "Profile: Geert Wilders". BBC News. Geargiveer vanaf die oorspronklike op 7 Januarie 2019. Besoek op 13 Maart 2009.
  16. ↑ 16,0 16,1 Stokmans, Derk (28 Maart 2008). "Who is Geert Wilders?". NRC Handelsblad. Geargiveer vanaf die oorspronklike op 5 Maart 2009. Besoek op 13 Maart 2009.
  17. ↑ "The rise and fall of Geert Wilders?". Al Jazeera. Geargiveer vanaf die oorspronklike op 7 Augustus 2020. Besoek op 13 September 2012.
Ontsluit van "https://af.wikipedia.org/w/index.php?title=Geert_Wilders&oldid=2638048"