Egeïese kat
Die Egeïese kat (Grieks: γάτα του Αιγαίου; Engels: Aegean cat) is ’n natuurlike katras wat sy oorsprong in die Kuklade-eilande van Griekeland het. Dit word beskou as die land se enigste inheemse katras.
Egeïese kat | ||||
![]() | ||||
Land | Griekeland | |||
Ontstaan | Natuurlik | |||
Pels | Halflank | |||
Patroon | Twee- of driekleurig | |||
Wetenskaplike naam | ||||
Felis catus (huiskat) | ||||
|
Geskiedenis
wysigDie Egeïese kat kom natuurlik op die Kuklade in die Egeïese See voor. Die ontwikkeling van die ras is in die vroeë 1990's in Griekeland begin. Omdat dit ’n nuwe katras is, word dikwels geglo hulle is baie skaars, hoewel hulle algemeen in Griekeland voorkom.
Beskrywing
wysigDie pels is halflank, sonder ’n onderlaag. Die kat het ’n effense kraag en ’n harige stert. Die hare het twee of drie kleure; een van die kleure is altyd wit. Ander kleure kan swart, rooi, blougrys of room wees, met of sonder strepe. Die kat is van gemiddelde grootte met ’n gespierde bou. Die lyf is lank, die pote rond en die stert lank en reguit. Die oë het ’n Oosterse vorm en kan enige skakering van groen wees.
Sien ook
wysigEksterne skakels
wysig- Kort profiel (Grieks)
- Wikimedia Commons het meer media in die kategorie Egeïese kat.
- Hierdie artikel is vertaal uit die Engelse Wikipedia