20 Oktober
datum
<< | Oktober 2024 | >> | ||||
So | Ma | Di | Wo | Do | Vr | Sa |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | ||
Al die dae |
20 Oktober is die 293ste dag van die jaar in die Gregoriaanse kalender (294ste in skrikkeljare). Daar volg nog 72 dae in die res van die jaar.
Gebeure
- 1604 – Maffeo Barberini (later Pous Urbanus VIII) word aartsbiskop van Nasaret.
- 1740 – Maria Theresa volg die troon op in Oostenryk ná die Pragmatiese Sanksie van 1713.
- 1800 – Pous Pius VII stel Luis María de Borbón y Vallábriga, aartsbiskop van Seville, Spanje, aan as kardinaal.
- 1827 – 'n Geallieerde Britse, Franse, en Russiese vlootmag vernietig 'n gekombineerde Turkse en Egiptiese vloot by die Slag van Navarino, 'n bepalende oomblik in die Griekse Onafhanklikheidsoorlog.
- 1883 – Peru en Chili teken die Verdrag van Ancón, wat Peru se rol in die Stille Oseaan-oorlog beëindig.
- 1885 – Die Boererepubliek Upingtonia kom tot stand.
- 1899 – Tweede Vryheidsoorlog: Die Slag van Talana tussen Boere en Britte vind plaas.
- 1968 – Die voormalige VSA Presidentsvrou Jacqueline Kennedy trou met die Griekse skeepvaartmagnaat Aristotle Onassis.
- 1973 – Die Sydney Operahuis word amptelik deur Koningin Elizabeth II geopen.
- 2000 – Die Britse aktivis James Mawdsley word in Burma vrygelaat ná sy arrestasie weens deelname in protes teen die slagting van etniese minderhede in die land.
- 2007 – Suid-Afrika wen die Wêreldbeker-rugbytoernooi in Frankryk toe hulle Engeland 15-6 klop; daarmee stel hulle 'n rekord op deur wêreldkampioene te word sonder 'n enkele nederlaag in die hele toernooi.
Geboortes
- 1632 – Sir Christopher Wren, Engelse argitek, astronoom, en wiskundige († 1723).
- 1677 – Stanislas Leszczynski, 'n koning van Pole († 1766).
- 1723 – Martin Melck, stamvader van die Melck-familie in Suid-Afrika († 1781).
- 1920 – P.H. Nortjé, Afrikaanse storieverteller en skrywer († 2012).
- 1930 – Prof. Louis Eksteen, Afrikaanse leksikograaf († 2001).
- 1938 – Jan Scholtz, Suid-Afrikaanse draaiboekskrywer, regisseur, en vervaardiger van rolprente († 2015).
- 1966 – Allan Donald, Suid-Afrikaanse krieketspeler.
- 1969 – Helman Mkalele, Suid-Afrikaanse sokkerspeler.
Sterftes
- 1032 – Pous Johannes XIX, 144ste pous van die Rooms-Katolieke Kerk (* onbekend).
- 1864 – Andrew Geddes Bain, Suid-Afrikaanse geoloog, ingenieur, en baanbreker-pasbouer (* 1796).
- 1898 – Henry Barkly, goewerneur van verskeie Britse kolonies, waaronder die Kaapkolonie (* 1815).
- 1964 – Herbert Hoover, 31ste President van die Verenigde State (* 1874).
- 1994 – Burt Lancaster, Amerikaanse akteur (* 1913).
- 2011 – Moeammar al-Ghaddafi, de facto leier van Libië van 1969 tot 2011 (* 1942).
- 2016 - Mieke Telkamp, Nederlandse sangeres (* 1934).
Vakansies, vierings, en waarnemingsdae
Wikimedia Commons bevat media in verband met 20 October. |