26 Januarie

26 Januarie is die 26ste dag van die jaar in die Gregoriaanse kalender. Daar volg nog 339 dae in die res van die jaar (340 in skrikkeljare).

Gebeure

• 1560 – Giovanni Antonio Facchinetti (later Pous Innocentius IX) word biskop van Nicastro in Calabrië.
• 1564 – Pous Pius IV bevestig die besluite van die konsilie van Trente in sy bul Benedictus Deus.
• 1653 – Switserse Boereoorlog: Die begin van die Switserse Boereoorlog. Die boere van die Entlebuch-vallei kom in opstand teen verhoogde belastings van die stad Bern.
• 1700 – ’n Aardbewing van 9 op die Richterskaal vind langs die Amerikaanse Stille Oseaankus plaas soos getuig uit Japannese tsoenamirekords.
• 1788 – Die Britse Eerste Vloot, gelei deur Kaptein Arthur Phillip, land by Sydney Cove net buite die hedendaagse Sydney om die eerste permanente Europese vesting in Australië te vestig.
• 1837 – Michigan word die 26ste deelstaat van die Verenigde State.
• 1862 – Tydens die Amerikaanse Burgeroorlog skei Louisiana van die Unie af. Federale troepe verower die stad New Orleans op 25 April.
• 1905 – Die ontdekking van die Cullinan-diamant naby Pretoria in die Premiermyn.
• 1950 – President Rajendra Prasad volg Rajaji die laaste Goewerneur-Generaal van Indië op as staatshoof en Opperbevelvoerder van die Indiese gewapende magte.
• 1962 – Bouwerk begin aan die Pretoriase Kunsmuseum in Arcadia, Pretoria.
• 1983 – Lotus 1-2-3, ’n gewilde sigbladprogram word vir die eerste keer vrygestel.

Geboortes

• 1863 – Samuel Cronwright, boer, politikus, eggenoot van die skrywer Olive Schreiner († 1936).
• 1867 – Ds. Paul Nel, leraar van die Nederduitse Gereformeerde Kerk en moderator van die Transvaalse Kerk († 1943).
• 1880 – Douglas MacArthur, 'n generaal in die Amerikaanse Weermag († 1964)
• 1925 – Paul Newman, Amerikaanse akteur († 2008).
• 1942 – De Villiers Lamprecht, 'n Suid-Afrikaanse atleet en die eerste Suid-Afrikaner wat daarin kon slaag om 'n droommyl af te lê.

Sterftes

• 1823 – Edward Jenner, 'n Britse dokter wat 'n entstof teen pokke ontwikkel het (* 1749).
• 1990 – Johannes du Plessis Scholtz, 'n Suid-Afrikaanse skrywer, taalhistorikus en kunsversamelaar (* 1900).
• 2007 – David Rattray, Suid-Afrikaanse historikus (* 1958).

Vakansie-, vierings- en waarnemingsdae

• Australië – Nasionale Australië-dag: ter herdenking aan Europese vestiging in Australië.
• Indië – Herdenk die dag waarop die land ´n republiek geword het.

---