Pous Innocentius IX
Innocentius IX was die 230ste pous van die Rooms-Katolieke Kerk vir twee maande van 29 Oktober tot 30 Desember 1591. Hy was die laaste in 'n reeks van drie pouse waarvan die pontifikate gesamentlik minder twee jaar geduur het.
| Pous Innocentius IX | |
|---|---|
_%E2%80%93_edited.jpg)
| |
| |
| Geboortenaam | Giovanni Antonio Facchinetti |
| Pontifikaat begin | 29 Oktober 1591 |
| Pontifikaat eindig | 30 Desember 1591 |
| Voorganger | Gregorius XIV |
| Opvolger | Clemens VIII |
| Gebore | 20 Julie 1519 Bologna, Italië |
| Sterf | 30 Desember 1591 Rome, Italië |
| Ander pouse genaamd Innocentius | |
Biografie
wysigPous Innocentius IX[1] is gebore as Giovanni Antonio Facchinetti (of Giovanni Antonio Nocetti) op 20 Julie 1519 in Bologna, Italië, die seun van Antonio Facchinetti en Francesca Cini. Hy was 'n regsgeleerde wat promoveer aan die Universiteit van Bologna. Op 11 Maart 1544 word hy tot priester gewy. Hy word sekretaris van kardinaal Nicolò Ardinghelli en vervolgens van kardinaal Alessandro Farnese, broer van die hertog van Parma. Farnese, wat biskop van Avignon was, het Giovanni aangestel as sy saakgelastigde en maak hom ook goewerneur van Parma van 1556 tot 1558. Op 26 Januarie 1560 word Giovanni biskop van Nicastro in Calabrië en hy neem deel aan die konsilie van Trente. Pous Pius V stuur hom as nuntius na Venesië om die alliansie met Spanje en Venesië teen die Turke te versterk. Die alliansie sorg uiteindelik vir die oorwinning van Lepanto in 1571. Op 12 November 1576 (of 1575) word hy Latyns patriarg van Jerusalem (titulêr). Pous Gregorius XIII maak hom kardiaal op 12 Desember 1583. Op 29 Oktober 1591 volg hy Pous Gregorius XIV op en word gekroon op 3 November 1591 deur kardinaal Andreas van Austria. Hy regeer tot sy dood op 30 Desember 1591 en word opgevolg deur Pous Clemens VIII. Die naam ‘Innocentius’ beteken 'Onskuldige'.
Pontifikaat
wysigGedurende die pontifikaat van die sieklike Pous Gregorius XIV, het Giovanni reeds die Kerk bestuur. Selfs voor Gregorius se dood het die Spaanse faksie en hulle opponente in die kollege van kardinale reeds begin wedywer oor die nuwe pous. Filips II van Spanje se aanmatigende bemoeienis met die vorige konklaaf toe hy sy eie sewe kandidate voorgelê hey is nie vergeet nie. Hierdie keer het die koning nie so sterk ingemeng nie, maar die Spaanse kardinale was nog steeds in die meerderheid. In 'n kort konklaaf van twee dae kies hulle Giovanni, wat die naam Pous Innocentius IX[2] kies.
Pous Innocentius gedurende sy kort bewind die Spaanse koning teen Henri IV, die koning van Frankryk in die Franse godsdiens oorlog.
Die pous voer algemene stemreg vir manne en vroue vanaf veertien jaar in. Hy skryf ook teen Machiavelli in sy geskrif "Adversus Machiavellem".
Die kollege van kardinale
wysigPous Innocentius het twee nuwe kardinale aangestel in een konsistorie.
Die konsistorie van 18 Desember 1591
wysig- Filippo Sega, biskop van Piacenza.
- Giovanni Antonio Facchinetti de Nuce, junior, kleinneef van die pous.
Bibliografie
wysig- Duff, Eamon (2001). Saints and Sinners: A History of the Popes, Yale University Press. ISBN 0300091656.
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.
Verwysings
wysig- ↑ Innocent IX. (2008). Encyclopædia Britannica. Deluxe Edition. Chicago: Encyclopædia Britannica.
- ↑ Weber, N. (1910). Pope Innocent IX. In The Catholic Encyclopedia. New York: Robert Appleton Company. Besoek April 21, 2010 by: http://www.newadvent.org/cathen/08020a.htm
Eksterne skakels
wysig
- CE Inskrywing in die Catholic Encyclopedia (Engels)
- CF Inskrywing in die Catholic Forum (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
- VH Inskrywing in die Vatican History (in Duits).
- CA Inskrywing in die "Cardinals of the Holy Roman Church".
- Inskrywing in die Catholic Hierarchy (Engels)
| Wikimedia Commons bevat media in verband met Innocentius IX. |
Nota
wysigSaamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
Opvolging
wysig| Voorafgegaan deur Gregorius XIV |
Pous (Pontifex Maximus) 1591 – 1591 |
Opgevolg deur Clemens VIII |
| Voorafgegaan deur onbekend |
Titulêr Latynse patriarg van Jerusalem) 1576 – 1585 |
Opgevolg deur Scipione Gonzaga |
| Voorafgegaan deur Giacomo Savelli |
Biskop van Lamezia Terme 1560 – 1575 |
Opgevolg deur Ferdinando Spinelli |