黃琛喻
閱讀設定
黃琛喻(粵拼:wong4 sam1 jyu4;英文:Kacee Wong;1988年—),筆名心魚,係香港一位本土作家,2016年參選立法會選舉新界東直選。
簡歷
[編輯]黃琛喻喺香港中文大學新聞與傳播學院畢業,之後加入無線電視做節目助理,參與過古裝劇《九江十二坊》同埋時裝劇《潛行狙擊》嘅製作[1]。跟住佢劈炮去澳洲工作假期,重喺當地修讀會計碩士課程。2016年,佢寫嘅香港時事書《本是老土》喺香港發行。
2016年,黃琛喻參選立法會選舉新界東直選,立場自稱係撐本土理念,重話撐法理港獨[2],與此同時,佢亦反對梁振英連任特首,並以「港獨之父」嚟貶稱梁振英[3]。參選期間,佢都着住紅白藍膠袋條紋嘅裇衫,以示撐本土文化。雖然隨住出席唔同嘅選舉論壇開始畀唔少人留意到佢,不過因為佢知名度始終唔及政治明星,民意調查亦顯示佢嘅支持度一路都遠遠落後,最終喺投票日之前一日宣佈停止拉票活動。
參考
[編輯]- ↑ 「我對香港有虧欠。」——超級老土黃琛喻
- ↑ 〈黃琛喻撐港獨唔怕被DQ 李偲嫣話梁頌恆係傻人〉. 原著喺2016年11月2號歸檔. 喺2017年8月6號搵到.
- ↑ 〈候選人簡介:黃琛喻〉. 原著喺2016年11月13號歸檔. 喺2017年8月6號搵到.