餐牌

俄羅斯莫斯科一間餐廳嘅商務套餐餐牌

餐牌，書面語叫菜單，係餐廳畀客人揀食乜嘅架生。餐牌寫嘅嘢一般分套餐同散餐兩種，然後視乎時間同埋情況再分門別類。

除咗餐牌之外，有時餐廳買到新鮮嘅食材（特別係海鮮），或者有當日特色或特價菜，餐廳會響當眼處列出，或靠侍應口耳相傳，提醒食客。

餐牌發明嘅原意唔係畀客人揀食乜，而係16世紀一個法國王家廚師為咗記住煮乜意大利菜而發明。