鄭錦滿
閱讀設定
鄭錦滿 | |
---|---|
![]() | |
出生日 | 1988年6月23號 ![]() |
出生地 | 潮州 ![]() |
國籍 | 中華人民共和國 ![]() |
母校 | Queensland University of Technology ![]() |
職業 | 政治人 ![]() |
政黨 | 熱血公民 ![]() |
[改維基數據] | |
鄭錦滿(Alvin Cheng,1988年6月23號—),花名四眼哥哥、超音鼠,係香港社運人士,2016年加入香港修憲派政治組織熱血公民,以呢個組織身份參選立法會選舉,而家係2021年4月起開始經營嘅物流運輸行業。
簡歷
[編輯]鄭錦滿中學時期開始參與社運,包括社民連嘅活動同反高鐵運動,到2009年屋企人安排佢過澳洲留學。
2014年9月香港爆發雨遮革命,嗰時讀緊澳洲昆士蘭科技大學嘅鄭錦滿返香港聲援,11月21號佢因為唔滿意有團體企圖主導佔領運動,而帶領網民到金鐘佔領現場「拆大台」,因而開始出名。12月頭佔領運動尾聲,佢創立學運組織學生前線,但第二年3月就解散。另外佢亦參與過佔領運動後嘅「鳩嗚行動」。
2016年2月,鄭錦滿加入熱血公民,志在用呢個組織身份參選第6屆香港立法會選舉。佢喺香港島地區直選議席嘅熱血公民候選名單入面排頭位,後面係鍾琬媛。而呢張名單係香港島選區唯一自稱本土派嘅正式候選名單。不過,由於佢張名單只係攞到22,555票排第八,佢嘅第一次參選立法會之旅亦只能飲恨告終。
2017年3月30號,鄭錦滿因為喺雨傘運動期間阻住警察喺旺角佔領區嘅清場行動,被高等法院裁定藐視法庭罪名成立,被判坐花廳三個月。
2020年,佢夥拍莊芷茵參選第7屆香港立法會選舉嘅香港島選區,但佢提名無效。
睇埋
[編輯]- 香港自治運動——政治理念(城邦派)