鄧小平
鄧小平 | |
---|---|
![]() | |
姓名原文 | 邓小平 |
出生日 | 1904年8月22號 ![]() |
出生地 | Guanganzhou ![]() |
死亡日 | 1997年2月19號 ![]() |
死亡地 | 北京 ![]() |
死因 | 柏金遜症 ![]() |
國籍 | 大清、中華民國、中華人民共和國 ![]() |
母語 | 中文 ![]() |
識嘅語言 | 中文 ![]() |
信奉 | 無神論 ![]() |
母校 | Moscow Sun Yat-sen University、Communist University of the Toilers of the East ![]() |
職業 | 政治人、新聞從業員、外交官 ![]() |
政黨 | 中國共產黨、中國國民黨 ![]() |
配偶 | Zhang Xiyuan、Jin Weiying、Zhuo Lin ![]() |
仔女 | Deng Pufang、Deng Nan、Deng Rong、Deng Zhifang ![]() |
[改維基數據] | |
鄧小平(1904年8月22日 — 1997年2月19日),原名先聖,學名希賢,1927年正式改名為小平,四川廣安人,中華人民共和國政治家、外交家,係中華人民共和國同中國共產黨喺1978年至1989年間嘅實際最高領導人。中國共產黨第二代中央領導集體嘅核心,被中華人民共和國官方譽為「改革開放嘅總設計師」。
1904年8月22日,鄧小平出生於中國四川省廣安州協興鄉牌坊村,祖籍江西吉水。其政治生涯經歷咗「三落三起」。 1933年曾經因為支持毛澤東而喺中共內部遭到批評,遵義會議後重新出任要職。中華人民共和國成立後,1952年出任中央人民政府政務院副總理,1954年出任國務院副總理,同年起兼任中共中央秘書長直至1956年,中共八大後改任中共中央政治局常委、中央書記處總書記,期間曾經參與高崗饒漱石事件,1957年仲參與咗反右運動並扮演重要角色。文化大革命期間遭受迫害,1969年被下放江西;林彪死後,鄧於1973年第二次復出政壇,再次出任國務院副總理,協助總理周恩來主持國務院工作。但因為主導1975年整頓而引發毛澤東同「四人幫」嘅不滿,喺1976年四五事件後再次被撤銷所有職務,保留黨籍;毛澤東逝世後喺1977年中共十屆三中全會中第三次復出政壇,復任中共中央副主席、國務院副總理、中央軍委副主席同解放軍總參謀長等黨政軍職務,合稱三副一長。
1978年12月,鄧喺中共十一屆三中全會上確立咗領導核心嘅地位,取代當時中共中央主席、國務院總理華國鋒,成為實際上嘅中華人民共和國最高領導人。 1970年代末至1980年代初,主導撥亂反正、提出改革開放、領導中越戰爭、推行廢除幹部領導職務終身制、倡導計劃生育、推行義務教育,提出一國兩制,反對資產階級自由化;1982年主持重新修訂咗《中華人民共和國憲法》(簡稱《八二憲法》),即中華人民共和國嘅第四部憲法同現行嘅憲法。 1985年,主導中國人民解放軍嘅百萬大裁軍。 1986年,啟動咗中國高新技術發展嘅「863計劃」,並曾經有意推進中國政治體制改革,但係喺1989年嘅「六四事件」之後對此避而不提,鄧亦喺同年11月辭職。 1992年初,鄧小平南巡,重啟中國經濟嘅改革開放,拯救咗中國大陸新興嘅資本市場。
1997年2月19日,鄧小平逝世,享年92歲,同年3月2日其骨灰撒入大海。其一生未擔任中國國家元首、中國政府首腦或中共最高領導職務,但從1978年12月(中共十一屆三中全會)至1989年11月辭去中共中央軍委主席(中共十三屆五中全會)一職前,普遍認為佢係中國大陸實際嘅最高領導人,並被寫入《中國共產黨章程》予以確認。中國共產黨將鄧嘅主要政治理念歸結為「鄧小平理論」,作為黨同國家嘅指導思想以及中國特色社會主義理論體系嘅第一部分,具體包括「改革開放」、「四項基本原則」、「一國兩制」。等,佢推動嘅改革仲締造出中國嘅主要城市深圳。鄧喺1978年同1985年兩次被美國《時代》周刊選為「年度風雲人物」;但佢亦因為未能徹底清算文革以及六四事件而受到爭議,後者被部分人士認為係佢晚年嘅污點 。
前任: 周恩來 |
中國人民政治協商會議全國委員會主席 1978年-1983年 |
繼任: 鄧穎超 |
前任: 新設 |
中國共產黨中央顧問委員會主任 1982年-1987年 |
繼任: 陳雲 |
前任: 華國鋒 |
中國共產黨中央軍事委員會主席 1981年-1989年 |
繼任: 江澤民 |
前任: 首任 |
中華人民共和國中央軍事委員會主席 1983年-1990年 |
![]() |