調節器
閱讀設定
![](http://upload.wikimedia.org/wikipedia/commons/thumb/4/48/Blockschaltbild_erweiterter_regelkreis.png/500px-Blockschaltbild_erweiterter_regelkreis.png)
調節器(德文:Stellglied)或者調節裝置(德文:Stelleinrichtung)、執行器,係喺技術系統用來影響個系統輸出值嘅機構,設置喺調校環節(Steuerstrecke)或者控制環節(Regelstrecke)度。通過設置或者調整調節器可以調校一個工作過程(德文:Prozess)。
純調校嘅情況下,調節器通常係手動調嘅,例如車軚盤。喺調校過程當中,輸入同輸出變量好多時唔係唔斷變化嘅,而係只有二進制值(開關或者高低)。相應嘅調節器只係得開關值。
喺控制過程當中,調節器同控制系統係閉合迴路(控制迴路)嘅一部分。對操作器嘅調整來自控制器,而調節器本身喺控制系統中作爲嗰個直接控制啲物質、能量或者信息流動嘅嘢而發揮到作用。特別係喺調整物質流量變化嗰陣需要到能量,有時可以透過簡單嘅控制手段、從伴隨嘅能量流當中撈取能量。喺大多數情況,仲係需要用到外部能源嚟調節啲調節器(輔助能源),包括電動、氣動或者液壓驅動嘅調節執行器。
例:喉嘴同恆溫喉
[編輯]用於空間供暖嘅散熱器曾經配備有簡單嘅喉嘴,藉此可以攞人手多多少少噉限制啲熱水嘅流動。啲喉嘴即係簡單嘅調節器,係手動調整嘅。如果做調整嘅人唔係跟返個差異係期望溫度同實際室溫之間嘅嚟做調整,個室溫就係要調校到理應有嘅溫度;唔係嘅話就係「手動」噉控制(manuelle Regelung)。
今時今日啲常見嘅恆溫喉識自動噉調節室溫。個留喺上便嘅把手係攞來設置溫度嘅目標值嘅。喉嘴調節器由膨脹元件驅動,種嘢測量個室溫(受控變數實際值)嘅同時又做埋控制器。驅動佢嘅能量係從啲熱水度提取返。