補服
補服（英文Mandarin square、rank badge、badge of rank）又叫胸背、花樣或者補，係官服裝飾，見於中國嘅大元、大明、大清、以及大朝鮮國、以及安南黎朝到阮朝、琉球國。
補服係方形，有唔同圖案，釘喺官服之上，喺胸前、背後各有一塊。初頭只係裝飾，後尾官階高低，就有唔同圖案，文官武將又各有不同。大清官服，文官用飛禽，武將用猛獸。
史
[編輯]《舊唐書》下《輿服志》有講武曌官服繡禽獸，不過未必與後來胸背補服有關。
大元時，官服有胸背，方形。出土文物所示，佢嘅圖案係花卉，唔似同官階有關。
大明
[編輯]大明正式將胸背定制，唔同品位唔同禽獸。《明會典》所載，開國皇帝朱元章在位期間，洪武廿四年，即係1391年，除皇親有龍袍之外，就定明公候用麒麟、白澤，而文官用禽，武官用獸。當時除咗叫胸背，亦都叫花樣。當時胸背有四十厘米，方中帶梯，上窄下闊。
明景泰五年，1454年，屬國朝鮮嘅端宗二年，都跟用胸背。
大清
[編輯]
大清將胸背釘喺外掛，因爲前面對開，咁胸一塊就要對開，背就一塊過，亦改成方補，所以叫補服。大清補服細啲，約莫只有三十厘米，成方形，細過大明胸背。
大清補服圖案，同大明有啲唔同。而且，跟時代咁變。
圖案
[編輯]
明清兩代官品圖案如下：
| 一三九一年起 （明） |
一五二七年起 （明清） |
一六六二年起 （清） |
一六六四年起 （清） |
一七五九年到 一九一一年 （清） |
||
|---|---|---|---|---|---|---|
| 品 | 文官 | 註 | ||||
| 武官 | ||||||
| 一 | 仙鶴或錦鷄 | 仙鶴 | ||||
| 獅子 | 麒麟 | |||||
| 二 | 仙鶴或錦鷄 | 錦雞 | ||||
| 獅子 | ||||||
| 三 | 孔雀或雲雁 | 孔雀 | ||||
| 虎或豹 | 虎 | 豹 | ||||
| 四 | 孔雀或雲雁 | 雲雁 | ||||
| 虎或豹 | 豹 | 虎 | ||||
| 五 | 白鷳 | |||||
| 熊羆 | ||||||
| 六 | 鷺鷥或鸂鶒 | 鷺鷥 | ||||
| 彪 | ||||||
| 七 | 鷺鷥或鸂鶒 | 鸂鶒 | 鸂鶒係種鴛鴦 | |||
| 彪 | 犀牛 | 個圖唔係犀牛，而係水牛 | ||||
| 八 | 黃鸝、鵪鶉或藍雀 | 黃鸝 | 鵪鶉 | |||
| 犀牛 | 個圖唔係犀牛，而係水牛 | |||||
| 九 | 黃鸝、鵪鶉或藍雀 | 鵪鶉 | 藍雀 | |||
| 犀牛 | 海馬 | 個圖唔係海馬，而係海中馬 | ||||
| 其他 | 都御史用獬豸 樂官用黃鸝 雜職用練鵲；風憲官用獬豸 |
|||||
-
三品文官補服（19世紀末20世紀初） -
五品武將緙絲，約1860年 -
明代服飾
