行山
![](http://upload.wikimedia.org/wikipedia/commons/thumb/1/19/Karnische-Alpen-Val-Fleons.jpg/220px-Karnische-Alpen-Val-Fleons.jpg)
![](http://upload.wikimedia.org/wikipedia/commons/1/1f/Hiking_group.jpg)
![](http://upload.wikimedia.org/wikipedia/commons/thumb/5/5a/Tour_to_the_Quebrada_de_las_Conchas.jpg/220px-Tour_to_the_Quebrada_de_las_Conchas.jpg)
行山,書面語叫遠足,英文叫 hiking,係行路嘅一種,可以鍛鍊身心、旅遊享樂、欣賞風景等,行山地方一般係冇乜人住嘅郊外,郊野公園嘅行山徑。
行山嘅地方
[編輯]各地行山嘅地方受到當地嘅地形風貌、氣候所限,山多嘅香港行山徑經過山脊、山谷、河谷。挪威嘅高原、高山、冰川多,而冬天好凍,嗰道行山嘅要求有啲唔同,好多時只有夏天先行得。行山地方包括:城郊、鄉村、山地、森林、叢林、沙漠、冰川、峽谷、平原、山嶺、長城、古道、草地、環湖…
裝備
[編輯]衫
[編輯]- 長袖
鞋
[編輯]- 高筒輕身防滑行山鞋
襪
[編輯]帽
[編輯]- 寬邊帽
其它
[編輯]注意事項
[編輯]- 出發前應考慮自己同行山友體力,留意天氣預測,小心計劃好行程路綫,重要有伴一齊行。
- 去行山前同屋企人交帶一聲去邊,會同邊個去,幾時返,等萬一有意外都有人知你可能已經出咗事,自動去報警,可以去邊度救人
- 着啱衫褲鞋襪。
- 帶齊必需品,好似地圖、指南針、水、乾糧、電筒、雨褸、收音機、急救藥箱、哨子、流動電話、記事簿同埋筆等等。
- 唔好亂開新路,咁唔單止會令表土流失,重好容易蕩失路。
- 留意天氣,有冇山火、毒蛇、猛獸、逃犯、雷雨、大霧、洪水、色狼、野人嚮附近。
各地行山
[編輯]香港
[編輯]行山喺香港係幾受歡迎嘅活動,唔使好多錢就可以玩足成日,香港嘅行山徑又多,變化又大,有各種唔同類型、長度、難度可以揀。特點係同市區嘅距離近,而且配套設施(比如標距柱等等)比較完善。
澳門、中國大陸
[編輯]澳門十幾條步行徑位於氹仔、路環、黑沙,由1.6 公里到 8.1 公里長。中國大陸近年興起行山團,由熟識當地情況嘅導遊帶團。
北美
[編輯]加拿大同美國有幾多原始森林,國家公園,行山徑數目好多,管理亦好,加拿大BC省就有成百公里嘅行山徑[1]。
歐洲
[編輯]歐洲行山徑數目好多,不過各國情況唔同。
澳洲
[編輯]澳洲地方大,人口少,好多屬無人之地,離開市區可以好多日見唔到人,響嗰道行山要格外小心,出發之前要通知其他人,參加熟識當地嘅導遊帶嘅本地團亦唔錯。
對環境嘅影響
[編輯]行山友通常唔靚景都唔去行。不過呢啲靚景地方通常都好脆弱。行山友有時會唔小心整壞個環境。一個人通常都無乜大影響,但係一大班人就唔可以睇小。響山道執柴,無山火嘅話,一次兩次就無乜影響。但係人人長年累月咁執,會拎走地方嘅養份。
通常好多受保護嘅地方,好似郊野公園咁,都有法例去保護。行山友跟住來做,影響就會細好多。通常例包括,唔畀生火,只可以響營地紮營,處理好大小二便,同每日限制人數。
行山友有自己一套規矩,就係不留痕蹟。行山友行到好似無人行過咁,第日嘅人一啲都睇唔出。好多行山友就算無例都跟呢套做。
註
[編輯]參考
[編輯]- 《香港遠足郊遊指南》,李日陽,萬里機構 ISBN 962-14-2425-9
- The West Coast Trail, Tim Leadem, GreyStone Books ISBN 1-55054-614-7