薩彿托雷費拉格慕

  提示：呢篇文講嘅唔係薩彿托雷費拉格慕 (公司)。

香港中環嘅薩彿托雷費拉格慕專門店

薩彿托雷費拉格慕（1898年6月5號—1960年8月7號）係意大利嘅時裝設計師。同時Salvatore Ferragamo亦係一個時裝牌子，就咁叫費拉格慕，開玩笑咁叫飛甩雞毛。

費拉格慕係喺意大利南部拿玻里出世。1914年移咗民到美國加州。喺嗰度佢開設咗一間補鞋舖，又幫電影人設計皮鞋，所以電影界嘅人有唔少都識佢，好似瑪麗蓮夢露就係費拉格慕嘅支持者。

1927年費拉格慕返番到意大利，喺佛羅倫斯開設佢自己嘅專門店；1951年完成咗佢第一個時裝騷。九年之後，費拉格慕過身，由佢啲仔女接掌佢嘅生意，最後重將專門店由造鞋，擴展到連時裝、手袋、銀包、香水都賣。