游蕙禎
| 游蕙禎 Regine Yau Wai-ching | |
|---|---|
 游蕙禎喺2016年9月做立法會選舉宣傳 | |
 香港立法會議員 | |
| 任期 2016年10月1號－2016年11月15號[1] | |
| 選區 | 九龍西 |
| 多數票 | 2016年：20,643（7.4%） |
| 個人資料 | |
| 性別 | 女 |
| 別名 | 游蕙禎 Regine Yau Wai-ching |
| 出世 | 1991年5月6號.svg){kind=small} 英屬香港馬頭圍聖德肋撒醫院 |
| 國籍 | .svg){kind=small} 英國國民（海外） 中國（香港） |
| 政黨 | 青 青年新政（2015年－2019年） |
| 居住地 | 香港旺角鴻都大廈（2016年）[2] |
| 學歷 | 學士 |
| 母校 | 伊利沙伯中學 嶺南大學 |
| 職業 | 立法會議員 |
| 專業 | 文學、攝影 |
| 簽名 |  |
| 網站 | 青年新政 - 游蕙禎 |
| 花名 | 女神、游主任、蕙禎BB、游BB |
游蕙禎（英文：Regine Yau Wai-ching，1991年5月6號—），係香港前立法會議員，本土派政黨青年新政創始人，做立法會議員之前喺九龍城區黃埔東做社區主任，同前黨友鄺葆賢有「黃埔孖寶」之稱。皆因佢靚女，所以被網民封做「女神」，重畀咗唔少花名，譬如「游主任」、「蕙禎BB」、「游BB」[3]。
簡歷
[編輯]游蕙禎籍貫惠州省惠陽市，佢喺香港土生土長，讀過伊利沙伯中學，之後喺嶺南大學中文系畢業，大學二年級時被學校派到親中報章大公報實習兩個禮拜[4]。畢業後佢本嚟做寫字樓工，不過因為爆發雨遮革命，令佢毅然揀咗去從政，做咗青年新政嘅創始成員。
游蕙禎參選2015年香港區議會選舉，喺黃埔東選區挑戰雙料議員梁美芬，最終攞到2,041票，差約莫三百票輸咗[5]，不過佢黨友鄺葆賢就贏咗，當選黃埔西區議員。2016年佢參選立法會選舉九龍西選區，挑戰梁美芬同其他各界對手，結果以20,643票攞到嗰區最後一席，成為咗香港史上最後生嘅立法會女議員。
2016年10月12號，游蕙禎宣誓就任立法會議員嗰陣，莊嚴承諾效忠香港民族，並竭盡所能捍衛香港嘅價值，同時將「People's Republic of China」讀做「People's Refucking of 支那」，佢同黨友梁頌恆喺宣誓後畀立法會秘書長陳維安裁定宣誓無效。事後佢話，用支那嚟稱呼「當今中國執政當局」，而非全球華人。
2016年10月18號，律政司以司法覆核挑戰立法會主席畀議員重新宣誓嘅權，打緊官司期間，全國人大常委會釋法基本法第104條。2016年11月15號，高等法院法官區慶祥裁定游蕙禎同梁頌恆拒絕宣誓，剝奪佢哋嘅議員資格。
有關事件
[編輯]- 𡃁模陶枳樽喺2015年區議會選舉期間，就游蕙禎外型喺Facebook同埋Instagram發表意見，話人哋「係嚟選美既」，但係就以「本人意見不代表本人立場」（我嘅意見唔代表我嘅立場）作結，結果畀網民炮轟[6]。
- 坊間流傳游蕙禎輸選舉嘅原因係好多女性選民妒忌佢嘅靚樣，所以專登投對家梁美芬。專欄作家葉一知用呢個傳聞做基礎，寫咗個男人瞞住老婆投游蕙禎票嘅故仔，引起社會迴響，梁美芬就回應話篇文係對佢人身攻擊，又強調美色唔可以收買選民。
- 受香港本土派其中一位出名人物梁天琦被踢爆喺中國大陸出世，有香港本土力量成員要求游蕙禎交代身世，游蕙禎大方將出世紙擺上網，透露佢係1991年5月6號喺香港私家醫院聖德肋撒醫院出世，阿爸係幫政府打工嘅技術員。
- 游蕙禎喺香港電視娛樂ViuTV電視劇《三一如三》第13集特別客串劇中候選人嘅角色（劉惠睛），而呢集安排喺立法會選舉投票日翌日播出。
- 游蕙禎嘅左手手臂內側，有一個神秘梵文紋身圖案，目的係提醒自己「性格上好啲」[7]。
- 游蕙禎就任立法會議員無耐，出席一個香港理工大學搞嘅議政論壇，畀臺下觀眾問到單程證審批權問題嗰陣，佢答答下話「就算我哋而家想去扑嘢，都搵唔到房扑呀」，引起臺下一啲觀眾嘩然，重吸引到包括《時代雜誌》在內嘅媒體廣泛報道。亦因為咁，游蕙禎就多咗一個花名，叫做「扑嘢精」[8]。
- 游蕙禎曾經喺instagram貼咗一張自己嘅純白三點式水著圖，問網民有無去泳池嘅習慣，不過有人就留言話游蕙禎唔搞政治搞睇肉，游蕙禎回應話自己只不過係影啲每個人都有既嘢然後放上網，網民自己都有，可以睇自己，再有另一網民又留言話咁游蕙禎全裸都得，游蕙禎又回應話自己鍾意放邊類相就放邊類相，呢個係自己社交平台，就係唔鍾意全裸[9]。
- 游蕙禎曾經畀人誤會過大肚，跟住游蕙禎喺instagram貼咗一張自己嘅性感比堅尼泳衣相嚟闢謠，證明自己無大肚[10]。
參考
[編輯]- ↑ 〈宣誓風波 港法院宣判2本土派議員資格被取消〉。蘋果日報。蘋果日報。2016-11-15。原先內容歸檔喺2017-01-14。喺2016-11-15搵到。
- ↑ 郭偉勳 (2016-08-05)。〈《選舉管理委員會 (選舉程序) (立法會) 規例》(第541章，附屬法例D) (第21條)--有效提名的公告--立法會換屆選舉九龍西地方選區〉 (PDF)。《憲報》。香港特別行政區政府。20 (22)。原著 (PDF)喺2016-08-22歸檔。喺2016-08-05搵到。
- ↑ 〈被捧女神BB 游蕙禎：女性從政睇樣好正常〉。原著喺2016年2月10號歸檔。喺2015年11月28號搵到。
- ↑ 〈游蕙禎指當年被動安排加入大公報實習〉。原著喺2016年3月4號歸檔。喺2015年11月28號搵到。
- ↑ 〈游蕙禎：會捲土重來〉。原著喺2015年11月26號歸檔。喺2015年11月28號搵到。
- ↑ 〈壹週刊：fb狠批游蕙禎 嫩模終極頭盔笑死網民〉。原著喺2016年11月11號歸檔。喺2018年12月16號搵到。
- ↑ 〈中環出更：游蕙禎手臂紋梵文 提自己「勇敢」〉。
- ↑ 〈內地人問中港矛盾 游蕙禎：土地問題嚴峻 想做愛也找不到房間〉。
- ↑ 〈游蕙禎出純白水著圖 留言：「呢個係我ig，就係唔鍾意全裸。」〉。2019-03-30。
- ↑ 〈[圖集]游蕙禎post比堅尼相 力證自己無大肚〉。2019-12-18。
出面網頁
[編輯]| 主席 |  | ||||||||||
|---|---|---|---|---|---|---|---|---|---|---|---|
| 地方選區 | |||||||||||
| 功能界別 |
| ||||||||||