夷數佛幀

夷數佛幀
	日文: キリスト聖像
畫家	未知
時間	公元13世紀
類型	絹畫掛軸
尺吋	153.5 × 58.7 cm, 60.4 × 23.1 in
位置	甲州棲雲寺（日文：棲雲寺）

《夷數佛幀》係一幅南宋時期嘅絹畫掛軸，現藏日本甲州棲雲寺（日文：棲雲寺），畀稱做「虚空蔵菩薩画像」（虛空藏菩薩畫像）或「キリスト聖像」（基督聖像）^[1]。經匈牙利亞洲宗教藝術史學家古樂慈（中文：古樂慈）考証，認為此畫就係出自中國東南沿海摩尼教會所崇拜嘅《夷數佛幀》^[2]。作為一種綜攝宗教（英文：Syncretic religion），摩尼教吸收咗瑣羅亞斯德教、基督教、佛教、諾斯替主義（英文：Gnosticism）等嘅思想、學說、教義，並將各宗教嘅神靈都納入自己嘅「萬神殿」。「夷數」就係摩尼教對耶穌嘅音譯，佢係摩尼教五佛中嘅第四位^[3]。

概述

呢係一幅年代久遠、呈黑褐色嘅中古中國絲綢畫，上繪一尊單體神像，以耀目金色同埋其他多種顏色繪成。神像長髮披肩，身着長袍，盤腿趺坐（英文：Lotus position），右手沿其外衣嘅金邊豎起，左手橫陳胸前，托起一個鮮紅色嘅袖珍基座，上置一綠色蓮臺，一枚金色十字架安插其中。噉嘅佈局令十字架成為畫中最引人注目嘅對象^[2]。畫面下半部份係一個精美嘅多層六邊形基座，其上就係神像所坐嘅蓮花臺，茂密嘅蓮瓣疊成五層，每一瓣好似一個小型神龕。除咗圓形頭光外，神像周身還繞有一圈杏仁形嘅大型背光。背光向上延伸至絹畫頂端，嗰度繪有一頂綴滿流蘇嘅華蓋。

背景簡介

《宋會要輯稿（中文：宋會要輯稿）》記載明教（即摩尼教）之人所繪佛像，有《妙水佛幀》、《先意佛幀》、《夷數佛幀》、《善惡幀》、《太子幀》及《四天王幀》^[5]。呢幅《夷數佛幀》後來畀帶到日本棲雲寺，一直畀佛教徒當作虛空藏菩薩（中文：虛空藏菩薩）膜拜^[2]。

攷

↑ 〈天目山栖雲寺宝物風入れ展：虚空蔵菩薩画像（キリスト聖像）特別公開〉 (PDF)。tenmokusan.or.jp。喺2018年7月8號搵到。
↑ ^2.0 ^2.1 ^2.2 古樂慈 (2008)。〈一幅宋代摩尼敎《夷數佛幀》〉。academia.edu。喺2018年7月7號搵到。
↑ 張小貴 (2012)。〈霞浦抄本所見「蘇魯支」史事考釋〉。academia.edu。喺2018年7月7號搵到。｢四佛夷數和，無上明尊子，降神下拂林，作慈悲父…… 摩尼教文獻所讚頌的耶穌（漢文摩尼經作『夷數』）｣
↑ Iain Gardner; Samuel N. C. Lieu, 編 (2004-06-21). Manichaean Texts from the Roman Empire (英文). New York: Cambridge University Press. p. 219. ISBN 9780521560900.{{cite book}}: CS1 maint: multiple names: 編者名單 (link)
↑ 林悟殊。〈摩尼教華名辨異〉。cciv.cityu.edu.hk。喺2018年7月7號搵到。

睇埋

[1] 〈天目山栖雲寺宝物風入れ展：虚空蔵菩薩画像（キリスト聖像）特別公開〉 (PDF)。tenmokusan.or.jp。喺2018年7月8號搵到。

[宋代夷數佛幀-2] 2.0 ^2.1 ^2.2 古樂慈 (2008)。〈一幅宋代摩尼敎《夷數佛幀》〉。academia.edu。喺2018年7月7號搵到。

[3] 張小貴 (2012)。〈霞浦抄本所見「蘇魯支」史事考釋〉。academia.edu。喺2018年7月7號搵到。｢四佛夷數和，無上明尊子，降神下拂林，作慈悲父…… 摩尼教文獻所讚頌的耶穌（漢文摩尼經作『夷數』）｣

[4] Iain Gardner; Samuel N. C. Lieu, 編 (2004-06-21). Manichaean Texts from the Roman Empire (英文). New York: Cambridge University Press. p. 219. ISBN 9780521560900.{{cite book}}: CS1 maint: multiple names: 編者名單 (link)

[5] 林悟殊。〈摩尼教華名辨異〉。cciv.cityu.edu.hk。喺2018年7月7號搵到。

[1]

[2]

[3]

[4]

[5]