קאנארסי

קאנארסי איז א געגנט אין ברוקלין, ניו יארק. די געגנט גרעניצט זיך מיט די וואסער, פלעטלענדס, ברוינזוויל און איסט ניו יארק.

אריגינעל איז די געגנט געווען א שיינע רעזארט ארט פאר רייכע. אין די 1930'ער יארן איז די רעזארט געגנט אומגעווארפן געווארן, און אויף איר ארט האט מען אויפגעבויעט הייזער, וואס איז על פי רוב באזעצט געווארן מיט אידן און איטאליענער. קאנארסי איז צווישן די 1970'ער און 1990 יאר געווען באקאנט אלס צענטער פאר מאפיא אקטיוויטעטן.

היינט צוטאגס וואוינען דארטן א גרויסע שווארצע באפעלקערונג, אבער עס וואוינען נאך דארטן א שיינע צאל אידישע משפחות, מיט עטליכע שולן און אידישע געשעפטן.

די געגנט פארמאגט אויך איר אייגענע קאנארסי חברה הצלה, און אנדערע חרדי'שע הילפס ארגאניזאציעס.