შონეფი

შონეფი — ქორთუეფიშ ეთნოგრაფიული ბუნა. ჯინჯიერო ოხორანა შონეს, მესტია დო ლენტეხიშ რაიონეფს, თაშნეშე აფხაზეთიშ ავტონომიური რესპუბლიკაშ გულრიფშიშ მუნიციპალიტეტიშ ოორუე ნორთის (დალიშ ლეხერი, ისტორიული მისიმიანეთი, კინე აფხაზეთიშ შონე). შონი ეკომიგრანტეფი ამდღა საქორთუოშ მიარე რეგიონს რე დინოხორაფილი: იმერეთი, თუდოლენი ქართლი, კახეთი. შონური ტომეფს კჷნოხ ქვერსემი ტერიტორია უკებდეს დიდი კავკაციონიშ მუჭოთ ობჟათე კართეს, თაშნე ოორუეს (წყარმალუ ყუბანიშ ჟინი წელს). შონური ტომეფი ართ-ართი თარი კომპონენტი რდჷ, ნამუშ ოსხირს მოხვადჷ ალმახანური ქორთუ კათაშ ფორმირაფაქჷნ. კჷნოხ შონეფს ახასიათენდეს კულტურაშ დო ჸოფაშ ლოკალური მუშობურობეფი, მუნერეფით რდჷ ჸორშური არქიტექტურაშ ორიგინალური ფორმეფი, ალპური მეურნობაშ გოვითარაფა, ოურდუმე დემოკრატიაშ გჷმნასქილედეფი დო შხვა. შონეფიშ დიდი ნორთი ჟირნინამი რე: თინეფი რაგადანა ქორთული ნინაშა დო ირდღური ჸოფას ირინუანა შონურს, ნამუთ ქართველური ნინეფს ორხველჷ. თეხანო საქორთუოს მახორუ დოხოლაფირო 3 600 000 ქორთუშე დოხოლაფირო 80 000 ქორთუ, შონური ეთნოგრაფიული ბუნაშ წჷმმარინაფალი რე.

რესურსეფი ინტერნეტის

ვიკიოწკარუეს^? რე ხასჷლა თემაშენ:

შონეფი

• http://www.svaneti.ru/
• http://centerarch.tripod.com/
• http://www.svanetitrekking.ge/
• http://www.trekearth.com/gallery/Asia/Georgia/West/Samegrelo_and_Zemo_Svaneti/
• http://www.youtube.com/watch?v=LVtxMB3zGF4&feature=relate