ვენა (გერმ. Wien [ˈviːn], ბავარ. Wean, ლათ. Vindobona) — ავსტრიაშ ფედერალური ნანანოღა დო ართობურო ავსტრიაშ ართ-ართი ფედერალური დიხა, ნოღა იდვალუაფუ მაჟირა დიხაშ - გიმენი ავსტრიაშ დინოხოლე. ნოღა ქიანაშ ბჟაეიოლშე იდვალუაფუ. ნოღაშ მახორობაშ მუდანობა 1,73 მილიონი ადამიერი რე (2012); ნოღაშ გოხოლუაშამო — დოხოლაფირო 2,3 მილიონი (ავსტრიაშ მახორობაშ 25%-შე უმოსი); თეშნერო, ვენა ავსტრიაშ არძაშე შხუ ნოღა რე მახორობაშ მეჯინათ დო მავითაართა აბანს იკენს ევრორსხუშ არძაშე შხუ ნოღეფს შქას. ნოღა, ავსრიაშ კულტურული, ეკონომიკური დო პოლიტიკური ცენტრი რე.
