ალექსანდრე სევერუსი

	ალექსანდრე სევერუსი; ლათ. Alexander Severus
	; ალექსანდრე სევერუსიშ ბიუსტი კაპიტოლიუმიშ მუზეუმს
რომიშ იმპერატორი
პოსტის გერინაშ ბორჯი
	13 მელახი, 222 – მელახი, 235
წიმოხონი	ჰელიოგაბალუსი
მონძე	მაქსიმინუსი
ნაღურა	მელახი, 235 (26 წანერი); მოგუნტიაკუმი, ჟიმოლენი გერმანია
ნთხორუ აბანი	მონტე დელ გრანო
მუმა	უჩინებუე, შილებე რდუკო მარკუს იულიუს გესიუს მარციანუსი;; ჰელიოგაბალუსი (მუმაჩაფირი)
ნანა	იულია მამეია
ალმასქუ	სალუსტია ორბიანა; სულპიცია მემია
რელიგია	რომაული რელიგია

მარკუს ავრელიუს სევერუს ალექსანდრე ავგუსტუსი (ლათ. Marcus Aurelius Severus Alexander Augustus; დ. 1 გჷმათუთა, 208 — ღ. მელახი, 235), დაბადებაშ ჯოხო ბასიანუს ალექსიანუსი — რომიშ იმპერატორი 222-235 წანეფს, სევერუსეფიშ დინასტიაშ ეკონია წჷმმარინაფალი.

218 წანას, რომიშ ლეგიონეფქ სირიას, იმპერატორო გეგმაცხადეს ალექსანდრე სევერუსიშ ბიძისქუა, 14 წანერი ჰელიოგაბალუსი. 221 წანას ჰელიოგაბალუსიქ ქისქუალუ დო მონძეთ ქიდეკინჷ ალექსანდრე. 222 წანაშ მელახის, საეგებიოთ, ალექსანდრეშ დო ჰელიოგაბალუსიშ ბებიშ იულია მაესაშ დო ალექსანდრეშ დიდაშ იულია მამეიაშ ათოსისინაფათ, პრეტორიანალეფიშ გვარდიაქ დოჸვილჷ ჰელიოგაბალუსი. გეჸვენჯი იმპერატორო ალექსანდრე სევერუსიქ გინირთჷ. თიში მართუალაშ ბორჯის რეალური ხეშულობა უკინებუდეს ალექსანდრეშ ბების დო დიდას.

ალექსანდრე სევერუსიქ ვეჸუ ნძალიერი დო ეფექტური მამართალქ. 230-231 წანეფს სასანიანეფიშ იმპერიაშ მაფაქ, არდაშირ I-ქ რომიშ პროვინცია მესოპოტამიაშა გემშეჭკირჷ. ალექსანდრექ სპარსალეფიშ მეხჷ წიმიჭყჷ ოურდუმე კამპანია, ნამუქჷთ წჷმოძინელქ ვეჸუ. მარა ლჷმეფიშ შედეგო სპარსალეფქ ხოლო დედეღარეს დო თინეფს სერიოზული გავალი უღუდეს. ჸათეშ გეშათ, სპარსალეფიშ აკოანჯარაფილი ნძალეფქ მესოპოტამია ქიდიტეს. უკულიანი პერიოდის, ალექსანდრე გერმანული ტომეფს, ალემანეფს ოლიმუდჷ. დიამუშიშ ელაჩამათ, ალექსანდრექ გერმანალეფიწკჷმა თინჩალას ქიმიოჭირინუ. ჸათე შედეგით უკმაყოფილე რდჷ რომიშ არმია. 235 წანას, რომალი ჯარიშკოჩეფქ დოჸვილეს ალექსანდრე დო თიში დიდა იულია მამეია. არმიაქ ახალი იმპერატორო გეგმაცხადჷ მაქსიმინუსი. ალექსანდრეშ ღურათ, რომიშ იმპერიას ქიდიჭყჷ დოხოლაფირო 50 წანიანი კრიზისიქ, ნამუთ იხასიათებუდჷ ომენოღალე ლჷმეფით, ანარქიათ, ურცხოული ნძალეფიშ მიშაჭკირუეფით დო ეკონომიკური კოლაფსით.

ლიტერატურა

ენციკლოპედია ბრიტანიკა

თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.