E guurol
RFI e guurol
Heɗagol e yeeɓugol adunaaru ndun. Heɗagol RFI e ordinateer e nder webre rewrude RFI.fr
Heɗagol guurol ngol
Kumpite ɗen e nder podkastiiji
-
On Tottaama KonngolTaariindi: ko honɗum haani wonugol darnde rewɓe ko yowitii e reenugol taariindi e haɓugol mbayligu weeyo?
Hannde e aljuma, ñannde 26 lewru 7ɓuru ka Taskaram On Tottaama Konngol en yewti ko yowitii e darnde rewɓe ngam haɓude mbayligu weeyo e nder leyɗeele ɗen. Darnde rewɓe e nder reenugol taariindi ndin hannde. Nde tawi mbayliigu weeyo ko e rewɓe ɓen ɓurata battinnde, hiɓe haani kamɓe rewɓe ɓen daraade darnde timmude e nder haɓugol oo alhaali. E nder adunaaru nduu fof rewɓe ɓen no jogii lowre janɗunde ko faatii e reenugol taariindi ndin. Kono darnde maɓɓe ndee timmii woo si tawii ɓe tawnoraama e nder haɓugol oo boneKo holno rewɓe ɓen haani darorde ngam haɓude mbayliigu weeyo e nder leyɗeele maɓɓe?26/07/2024 20:00 -
Laawol ganndal e neediNeedi: yalli kaa haala muumɗuɓe no haanaa janngineede e janngirɗe ɗen fow?
Tedduuɓe heɗiiɓe RFI Fulfulde on calminama. Bisimilla mon e kaa taskaram Laawol Ganndal e Needi. Hannde hiɗen e nder duɗal janngirgal ngonungal Sikap Mbawo. Toɓɓere men ndee no yowitii e alhaali haala muumɗuɓe ( haala juuɗe/ muggoore). Yalli kaa haala no haanaa janngineede sukaaɓe ɓee ngam ɓe ɓurta paamondirde e ɓee muumɗuɓe (mbobooɓe)? So tawii ɗum gasan ko holno ndii njuɓɓudi haanaa tawnireede e jannde lekkolɓe ɓen? Koɗoɗen Jeynaba JAH jannginoowo muumɗuuɓe motawɗen e nokku ɗo o jannginnta.26/07/2024 10:00 -
Koɗo men hanndeNiijeer: lebbi 12 caggal ngal liɓal laamu nguu, mbele oo alhaali leydi ndii waylike e baŋŋe kisal e faggudu?
Niijeer, hannde heɓii hitaande gila konunkooɓe leydi ndii ciwlii laamu. Jeneral Abdurahamaan Ciyani ardiiɗo nguu konu waɗii ndee ñalaande juldeere ngenndi . E bi’ol ɓee konunkooɓe, ko saabii yo ɓe liɓu laamu Mohammed Bazum ko ŋakkere deenaagu e anngal laamu lobbu e baŋŋe faggudu e renndo. Lebbi 12 caggal ngal liɓal laamu, mbele oo alhaali waylike ? Holko saabii lette ɗe CEDEAO fawi e Niijeer nattiraali nguu konu caggal ? Ko holno gollidal kesal hakkunde Niijeer e Ruusiya wonndude e Iraan e Turkiya saatii laatorde ? Eɗen njeewta e dow hannde enen e Doktoor Abdu Bah hertorɗo CEDEAO. Ko kanko woni koɗomen hannde. Omo jaaboo lamnde Ibrahiima Timmbi Bah.26/07/2024 05:06 -
On Tottaama Konngol
Niijeer: timmii hitaande gila Jeneral Ciyani ciwlii laamu Mohammed Bazum, ko holno ñaawirɗon ndee hitaande nde konunkooɓe ardii leydi ndii?
Hannde e alkamisa 25, 7ɓuru taskaram men on Tottaama Konngol no nawra en Niijeer. Ko janngo 26 7ɓuru timmata hitaande gila konunkooɓe ɓen ciwlii laamu Mohammed Bazum. E nder hitaande nden, Jeneral Abduramaan Ciyani hooreejo laamu faddewu Niijeer sosii kawtital leyɗe Sahel wonndude e konunkooɓe ardiiɓe Mali e Burkina Faso. Ɗum ko ngam haɓude kuliyanku e nder leyɗeele ɗee tati. Ngal pellital makko sellinii yaltugol Niijeer e nder Dental Leyɗe Hirnaange Afrik CEDEAO. Caggal mum o dartini kadi huuwondiral walla gollidal to baŋŋe konunkaangal hakkunde leydi makko e Faransi e Amerik. Mohammed Bazum, hooreejo kiɗɗo leydi ndii hinoo jaggaa haa jooni to huɓeere laamu. Ko holno ñaawirɗon laamu ɓee konunkooɓe Niijeer?Ko honno taskorɗon pellite ɗe Jeneral Abduramaan Ciyani ƴetti gila o ardii Niijeer?Ko holno yiiruɗon alhaali Niijeer oo, hitaande caggal nde laamu Mohammed Baɗum liɓaa?25/07/2024 19:00 -
Faggudu e ɓamtaare AfrikAlhaali rewɓe gollanooɓe hoore maɓɓe joɗɗinɓe faggorɗe jawdi battinɗe e baŋŋe ɓamtaare [taskaram fillitaaɗo]
Hannde, yewtere nde yo heertinanaade rewɓe. Rewɓe gollooɓe, naa (walla) joƴƴinɓe gollirɗe baawuɗe wallude e baŋŋe ɓamtaare. Tafon en njaɓɓoto Kadiija Ardiiɗo, jeyaaɗo Kaduna, Nijeriya. Ko o jannginoowo rewɓe golle. Kanko e hoore makko du omo jogii gollirde daraniinde waylude polle (follere). Timminiren yewtere nde Madam Lam Aysata SI, debbo pullo jeyaaɗo Senegaal, bayloowo ndemaandi.25/07/2024 10:00 -
Koɗo men hannde
Tuugaade e bi'ol ONUSIDA salndu dental adunaaru nguu ñawu wonii sabu maayde ujune 630 kono ɗoo e hitaande 2030 bone nawnaare nden ustoto
VIH SIDA no jokki warde yimɓe e nder adunaaru nduu. Nde saabike mayde yimɓe 630 000 e ndee hitaande yawtunde, tuugaade e ciimtol sakkitiingol ONUSIDA. Kono ndee limoore hino ustii. Ko ɗum holli salndu ONU ɗaminiindu wonnde no hasii nde SIDA woppi wonnde bone mawɗo faade e cellal renndo ngoo ɗoo e hitaande 2030. Ngam laatingol ɗum, ko maa nawnuɓe SIDA heɓa lekkeele ñawndorɗe, coggu kii lekki ustee kadi. Ko ɗum Kajjatu Booje Balde, hooreejo kawtital pelle yimɓe ñawɓe e wallooɓe ñawɓe e nder Gine. Ko kanko woni koɗo men hannde. Himo jaaboo lamnde Ibrahiima Timmbi Bah.25/07/2024 04:57 -
On Tottaama Konngol
Gine: e miijo mon ko woni sabu ngol cukkagol ɓee hooreeɓe FNDC?
Hannde e talaata, ñannde 24, 7ɓuru, yewtere men no nawri en Gine, kaalen ko faati e cukkagol hooreeɓe FNDC, fedde renndo daraniinde demokarasi e nder Gine. Timmii jonnte ɗiɗi gila Umaar Silla, lollirɗo Foninke Mennge e Mammadu Billo Bah, nannga kadi . Ngal nanngal ɓee katanteeɓe ginenaaɓe ɗiɗo no aanini sanne sabu haa nii ko laaɓi heɓaaki tawo e nanguɗo ɓe, ko woni sabu ɓe nanngaa e nokku ka ɓe jaggaa.Ko holno ñaawirɗon ngol mutugol ɓee lumndiyankooɓe ɗiɗo gila ñannde 9 nduu lewru?E miijo mon ko honɗun saabii ɓee hooreeɓe FNDC hino cukkaa?24/07/2024 20:00 -
Kiwal taariindiSenegaal, park colli wonɗo Juuj, diiwal Senluwi no wertii e hektaarji ujune 16, no jaɓɓii colli miliyon gooto e feccere [fillitaaɗo]
Park colli wonɗo Juuj, e nder diiwal Senluwi rewo Senegaal, ko nokku hecciɗiɗo, ɓuuɓuɗo e dow wertaango ngo hektaarji 16.000. Ko ɓuri colli miliyon gooto e feccere ina tawee e makko. Oo nokku ko kaanɗo toppiteede sabu oo park Juuj ina jogii nafoore mawnde wonande gure jeeɗiɗi taariiɗe mo ɗee. Umaar Mammadu SOW waɗii ton oo taskaram Kiwal Tariindi e ley ballal Komandan Sheyk Jaañ, gardiiɗo park oo.24/07/2024 10:00
