Te whakaweti tuihono
Kei roto i te whakaweti tuihono ko te tuku, pōhi, tuari rānei i: ngā ihirangi kino, tūkino, rūpahu, weriweri rānei mō te tangata, ā, kei roto ko ngā mōhiohio whaiaro, tūmataiti rānei ka whakamā, ka whakaiti rānei i te tangata.
He tino rerekē te whakaweti tuihono i te mea he:
- Pūmau – he 24 haora i te rā te ipurangi, ā, he uaua mō ngā tamariki te whakarere.
- Tūturu – mēnā kāore e pūrongotia, e tangohia ngā pūrongo ka whai pānga pea ki te anamata o ō tamariki.
- He uaua te kite – i te wātea mai o ngā pūhara pāpāho pāpori, he uaua pea te kite kei te aha.
Me pēhea te whakarite ka haumaru ō tamariki mai i te whakaweti tuihono
- Me whakatau ngā hiahia, ā, me mauri tau – me kōrero ki ō tamariki mō ā rātau tuihono me ō hiahia mō rātau.
- Me mārama, me tātari i te āhuatanga.
- Me mōhio e pēhea ana te whai pānga ki ō tamariki.
- Kaua e tango i ā rātau pūrere, i te mea kei te tautokohia anō pea rātau e ō rātau hoa.
- Me whakarite he mahere – Me pēhea te waihanga i tētahi mahere tuihono(external link).
Ngā waea pūkoro
Ka taea e koe te ārai ngā tau waea kei te tukutuku i ngā karere whakaweti, taunu rānei.
Kia mōhio ai me pēhea, rapu "how to block phone numbers” me te tauira o te waea a tō tamariki. Ka taea anō e koe te whakapā atu ki tō kaituku ratonga ki te ārai i ngā tau, te mono rānei i te pūkete nō reira ngā patowaea.
Whakapā atu ki te kura
Mēnā kei te pā mai te whakaweti i te kura, ka taea e koe te whakapā atu ki te kaiako o tō tamaiti. Mēnā kei te hiahia āwhina koe ki te mahi i tēnei, ka taea e koe te whakapā atu ki Netsafe (hono ā-waea)(external link).
Haere ki Netsafe mō ētahi atu:
Ngā tohutohu whakaweti mā ngā mātua(external link)
Me pēhea te aukati i te whakaweti tuihono(external link)
Te whakaweti tuihono i runga pāpāho pāpori
Ka taea e koe te whakarite te whakaweti tuihono mā te pūrongo atu ki te pūhara pāpāho pāpori. E wātea ana ngā tohutohu me pēhea te pūrongo, te maukati mata me te wetehoa i runga pāpāho pāpori i konei:
- Pukamata (external link)
- Snapchat(external link)
- Instagram(external link)
- YouTube(external link)
- Tīhau(external link)
Ki hea tiki āwhina ai
Mēnā kei te hiahia āwhina koe, tētahi atu rānei, whakapā atu ki Netsafe(external link):
[email protected] | Waea koreutu: 0508 NETSAFE
E tuwhera ana a Netsafe i te:
- Mane ki te Paraire: 8am ki te 8pm.
- Mutunga wiki: 9am ki te 5pm.
Mēnā me kōrero tō tamaiti ki tētahi tohunga wetewete, whakapā atu ki Youthline(external link):
- Patowaea: koreutu ki 234
- Kōrerorero tuihono: youthline.co.nz(external link)
- Īmēra: [email protected]
- Waea: 0800 376 633