走马塘

走马塘又名钱溪、钱家浜，是中华人民共和国上海市嘉定区、宝山区搭虹口区个一条河流。该河西起嘉定区封浜，东到虹口区搭沙泾港相连，全长约20.8公里。走马塘迭一名称最早拉明朝万历年间修撰个《嘉定县志》看到。走马塘为五代十国时期个吴越国君主钱镠开通个，钱溪、钱家浜个名字从箇埭来。南宋将领韩世忠也曾拉江湾、大场一带驻扎，经常性领勒帮士兵勒钱溪附近走马练兵，故咾又叫走马塘。