Sopra le puttane

Sopra le puttane

Allegra la mè gent che quest l’è l’ann
che l’ha d’andà tutt coss a bullardé:
se g’hè la calastra d’i danè
el gh’è però bondanza de puttan.

Só mì dovè gh’è on para de tosann
Che l’è poch che s’hin miss a fà el mestè,
bisogna visitai denanz, dedrè
par vedei come stan, s’hin froll e sann.

Paresgié donca tugg i usadij,
ona lumm on calcon on bosch de sprella,
item la ranspirûra d’i vassij,

parchè mì cred che habben la scarsella
piena de tattaritt e fottarij
de quej de recami la tenivella.

On po’ de pevarella
só che la gh’è segur, ma in tutt i cas
se gh’ trovè nett el cù degh dent el nas.