Maitinada

Galeazz di Orz (1492-XVI sec.)

Maitinada

MAITINADA - idest stramboğ che fa el Gian alla Togna

EL PRIM
Madonna, Amór sì m'ha condùt chilò
sbreiét ad olta vos, cantà stramboğ
chiluga stravacàt al vet la noğ
per daf plasì, madonna, quat am pò,
vo sté ind'ol leğ al colt, mi 'm sta de fò,
perchè l'amór sì m'ha brusèğ e coğ
am fa di maitinadi per plasì
co la gringa, el subiùl, el tamburì.

EL SEGONT
Quant af sguaiti, madonna, quel bel mus
cha ghi cazàt ol co fò dol balchó,
l'è xì lusét, codsela, ch'al sberlùs,
da la zelosìa fina sul cantó,
al vé tamàgn splendór fò per quei bus,
che manda quel vos pet cum quei tetó,
cha i m'ha piasàt ol cur co li raìs
cha'l par cha seghi in glora in paradis.

EL TERZ
Oh, quant senti d'amór quel veretó,
ch'am vegn cum tat forór ind'ol stomèc,
e fos bé a' quel, madonna, la casó
che m'ha fat stà tağ noğ zelà de fret,
al'hora quant am desef quel sguaitó
cum quel suspìr d'amór ch'af del baghèt
am senti al cur tağ rasp, piche, rastèi
ch'ag l'ho lassàt la miola di budèi.