Madonina

Giuseppe Bonandrini (1867-1940)‎

Madonina

O bèla Madonina pitürada
sura la pórta de la casa mia
da picinì, 'n prensépe a la giornada
mé te disìe col cör l'Ave Maria.

E töcc i dé te sìret infiorada
e 'l lanternì denàcc sèmper lüsìa
ma anche adèss t'ó mia desmentegada
e te regórde con malinconia...

Te m'é edìt töcc vègn fò per ol batésem
t'é vést passà la fèsta e 'l föneràl
l'ha risplendìt sö 'n töcc l'amùr medésem.

Madona mé! A 'm söspira al pià e ché in val
e adèss, lontà de sira e de matina
turne a pregàt: tègnem lontà del mal.