Messina
![](http://upload.wikimedia.org/wikipedia/commons/thumb/a/a5/Foto_Duomo_Messina_september_09.jpg/110px-Foto_Duomo_Messina_september_09.jpg)
An Messina (Initalyano: [mesˈsiːna] ( listen); Sicilian: Missina [mɪsˈsiːna]; Linatin: Messana; Kahadto nga Griniyego: Μεσσήνη, ginromanisar: Messḗnē) amo an pamunuan han Italyano nga Metropolitano nga Syudad han Messina. Amo iní an ikatuló nga gidako-i nga syudad ha purô han Sicilia, ngan an ika-13 nga gidako-i nga syudad ha Italya, nga mayda kamolupyohan nga labaw hin 231,000[1] nga mga molupyo ha sawang ngan mga 650,000 ha Metropolitano nga Syudad. Nahamutáng iní harani han dumagsaan nga pag-ultan han Sicilia, ha Suláng han Messina, tabok han Villa San Giovanni didto han kontinente, ngan mayda iní hagrani nga mga pagdugtong han Reggio Calabria. Sumalá han Eurostat[2] an FUA han metropolitano nga langyab han Messina mayda, dida han 2014, 277,584 nga mga molupyo.
An mga nangunguna nga katigayunan han syudad amo an mga daungan hiní (komersyal ngan militar nga daungan hin barko), turismo hin cruise nga barko, negosyo, ngan agrikultura (paghimo hin vino ngan pananom hin limon, narangha, mandarin nga narangha, ngan olivo). An syudad usá nga lingkoranan hin Katoliko Romano nga Arkidiosesis ngan Arkimandrita tikang han 1548 ngan balayan iní hin usá nga lokal nga importante nga internasyonal nga perya. Dinhi nga syudad an Unibersidad han Messina, gintukod han 1548 ni Ignacio han Loyola.
An Messina mayda sistema hin tranvia, an Tranvia di Messina, nga nagbuklad han 3 Abril 2003. Iní nga linea 7.7 ka kilometro (4.8 ka milyas) ngan nasumpay han sentral nga estasyon hin tren han syudad ngadto han sawang ngan daungan han syudad.
Mga pinambasaran
[igliwat | Igliwat an wikitext]- ↑ Population of Messina, Italy Ginhipos 2014-05-13 han Wayback Machine Geonames Geographical database
- ↑ "Population on 1 January by age groups and sex - functional urban areas [urb_lpop1]". Eurostat. Ginkuhà 12 Hulyo 2019.
![]() |
An Wikimedia Commons mayda media nga nahahanungod han: Messina |
- Webarchive nga batakan nga wayback nga mga sumpay
- Mga barasahon nga mayda Sicilian-nga pinulongan nga sinurat
- Pages with plain IPA
- Mga barasahon nga mayda Linatin-nga pinulongan nga sinurat
- Mga barasahon nga mayda Kahadto nga Griniyego-nga pinulongan nga sinurat
- Mga syudad ngan bungto ha Sicilia
- Mga comune ha Lalawigan han Messina
- Mga turók
- Messina
- Mga syudad ha Italya