Lavrenti Beria
Lavrenti Beria, c' esteut èn ome d' Estat sovietike k' a nexhou li 29 di måss 1899, dins l' Djeyordjeye d' asteure. Il a morou li 23 d' decimbe 1953, a Moscou. Mins nerén, on n' est nén podbon seur pol date d' ès moirt.[1]
![](http://upload.wikimedia.org/wikipedia/commons/thumb/0/0a/Lavrentiy_Beria_portrait_2.jpg/200px-Lavrentiy_Beria_portrait_2.jpg)
Skepiaedje | 17 di måss 1899, Merkheoul |
---|---|
Moirt | 23 di decimbe 1953, Moscou |
Nåcionålité | Empire russe, République démocratique d'Azerbaïdjan, République socialiste soviétique de Géorgie, URSS |
Activités | Politikî |
Cårire
[candjî | candjî l’ côde wiki]A l' atake, Lavrenti Beria s' a fwait mimbe do Pårti Comunisse e 1917. Il a prindou pårt dins l' revolucion rûsse el Djeyordjeye, mins eto e-n Azerbayidjan d' asteure.[2]
Cist ome d' Estat ci est eto cnoxhou po-z awè stî l' manaedjeu do N.K.V.D. C' est eto lu k' a manaedjî li programe nawearin di l' U.R.S.S. Tins del deujhinme guere daegnrece, c' est lu k' a prevnou Staline di l' atacaedje di l' U.R.S.S. på Nazis.[1]
Rilomêye
[candjî | candjî l’ côde wiki]Lavrenti Beria a ene mwaijhe rilomêye. Come di djusse, on-z el rwaite tot-z estant li « Himmler sovietike », plamour k' il a macsådé des djins timpesse po des råjhons, afeye, nén veritåves.[3] C' est a cåze di cist ome ci k' on-z aveut axhoré 25.000 Polonès, cabén k' c' esteut aprume èn atåvlaedje a Staline, k' aveut accepté.[4]
Houte di çoula, Lavrenti Beria esteut cnoxhou po esse on rilêye-moudreu. Come d' efet, i violéve voltî les comeres, minme si mwintès d' inte di yeusses estént des crapådes.[4]
Referinces eyet sourdants
[candjî | candjî l’ côde wiki]- ↑ 1,0 et 1,1 https://www.youtube.com/watch?v=3E-eMM_UcNw
- ↑ https://www.britannica.com/biography/Lavrenty-Beria
- ↑ https://www.history.co.uk/article/historys-forgotten-people-lavrentiy-beria
- ↑ 4,0 et 4,1 https://www.dannydutch.com/post/lavrentiy-beria-stalin-s-right-hand-man-serial-murderer-prolific-rapist-absolute-monster