Ancyins Bedjes (atuze escolresse e l' Beldjike e 20inme sieke)
![](http://upload.wikimedia.org/wikipedia/commons/thumb/7/7f/Celes_muzeye_fou.jpg/220px-Celes_muzeye_fou.jpg)
Dins les lives d' istwere del Beldjike e 20inme sieke, les Ancyins Bedjes, c' est les djins ki dmorént el Beldjike d' asteure djusse divant l' abrocaedje des Romins, dj' ô bén: do 5inme sieke å 1î sieke divant Djezus-Cri.
Ciste atuze la d' «Ancyin Bedje», c' est ene idêye nåcionalisse bedje ki n' respond nén a l' Istwere ey al djeyografeye.[1]
Ancyins Bedjes et Sarazins
[candjî | candjî l’ côde wiki]Po les crustins k' endè djåzît après côp, il estént des payins. Did la, l' aloumåcion did dinltins: les Sarazins.
Li mot ni s' divreut nén apliker ås omes des trôs d' rotche, li peupe preyistorike ki vikéve divant zels dins l' minme aroyaedje, 2500 ans divant Djezus-Cri.
Les tribus d' l' Ancyinne Beldjike
[candjî | candjî l’ côde wiki]Gn aveut la ene grosse dozinne di peupes, mins so çou ki va divni l' Walonreye, c' esteut:
- Les Eburons: edjîstrés do costé d' Lidje et l' Limbork.[2]
- Les Condruzes: ki dmorént sol Condroz et l' Hôte-Årdene.
- Les Trevires, ki viként sol Basse-Årdene (et l' Lussimbork).
- Les Nervyins, do costé do Roman Payis.
- Les Adouwatikes, metous paddé Nameur.
- Les Atrebates, k' ocupént l' Hinnot.[3]
- Les Segnes, do costé del Viye Såm et d' Gouvi.[4]
Dins çou ki va divni l' Flande, gn aveut les Morins et les Menapyins.
Tchîfs istorikes des Ancyins Bedjes
[candjî | candjî l’ côde wiki]- Bodouwogna : tchîf des Nervyins, batou pås Romins, mins nén a Préle, come li vout on floriconte.
- Ambiyorisse : tchîf des Eburons ki va ataker les Romins, mins va piede, et s' aler catchî dins les bwès d' Årdene.
Hårdêye difoûtrinne
[candjî | candjî l’ côde wiki]Sourdant
[candjî | candjî l’ côde wiki]- ↑ Yannick Bauthière et Arnaud Pirotte, Istwere del Waloneye, come veyou pås Walons, 2inme edicion p. 28-29
- ↑ nén rprins dins Live Pirotte Bauthière, e l' mape p. 35
- ↑ Nén rprins dins l' live cité cial ådzeu
- ↑ mape do live cité cial ådzeu