Banffia
iBanffia | ||||||||||
---|---|---|---|---|---|---|---|---|---|---|
![]() El Banffia confusa e timakompenafs anik
| ||||||||||
Dadiläd nolavik | ||||||||||
|
Elaf Banffia binon el genus nimas pebepenöl stabü fösils se prim Kambriuma. El genus at penemon stimü Banff: zif in provin: Alberta, Kanadän, nilü tuvöp fösilas onik. Plad onik vü klads löpik nog padöbaton. Bids ela Banffia älabons koapis molik, klu fösils sevädons staböfiko se slets di Burgess in Kanadän e slets di Chengjiang in Tsyinän.
Elaf Banffia constricta sevädon stabü tumats fösilas in slets di Burgess petuvölas. Älabon lunoti zimmetas za 10, ed älabon dilis föfik e pödiki. Koap lölik päzütülon as skrubät; pemobos, das atos binon lönedükam, de stad primik gemagöfik. Diläd föfik pätegon fa koans no miniks tels, kels ävedons yumöfiks, o.b. koan bal. Binod kronafomik binü sirküls otzänodik kil äzüon mudi. Binod votik - lantenafomik - nilü mud äbinon ba sienäm semik. Diläd pödik binädon me dils 40 u 50. Ninäm äbinon stedik, e kül äbinon lä finatipot diläda pödik. Ninäm älabon jiniko mödoti „pokas“ (els „diverticulae“). Sirkülamasit mögik logädon pö fösils. El Banffia constricta äfidon luveratiko sädotis.
Elaf Banffia confusa sevädon stabü fösils se slets di Chengjiang. Koap nima at leigo labon dilädis, kelos logädon pö diläd pödik. Pemobos, das äbinon yufian pö svim, u ba pö fan e fid defälotas.
Dadiläd
[redakön • redakön fonäti]Vestigans no baicedons tefü dadiläd ela Banffia. El Banfia constricta pälelogon as limaf elafas Annelidae fa hiel Walcott ün 1911. Jü 2006, mobs difik pladonsöv eli Banfia ini grups: Urochordata, u Vetulicolia, u Arthropoda'. Do koapadisin (diläds pödik e föfik leigons e labons dilis) sümon ad ut elas Vetulicolia, ya peblöfädos, das def cielas e kom elas diverticula pö ninäms onik sinifons, das el Banfia bo no duton lü grup: Deusteromia.
Literat
[redakön • redakön fonäti]- Banffia, An Enigmatic Fossil From The Chengjiang Biota - ragiv päkonsultöl tü 2006 yunul 21.
- Banffia constricta, a putative vetulicolid from the Middle Cambrian Burgess Shale - ragiv päkonsulton tü 2006 yunul 21.
- NAPC 2001 The Limbless Animal Banffia constricta from the Burgess Shale (Middle Cambrian, Canada): A Stem-group Arthropod? - ragiv pakonsülton tü 2006 yunul 21.
- Vetulicolia - ragiv päkonsulton tü 2006 yunul 21.