Richard Acke

Richard Acke (Kortryk, 5 januoari 1873 - 17 januoari 1934) wos ne West-Vlamschn architect en kunstamateur.

Ie weunde in Kortryk an de Groeningestroate en ie wos den architect van o.a. 't Vlams huus (1913) in de Groeningestroate en de cinema De Gouden Lanteern (1921) in de Jan Persijnstroate in Kortryk. Ie experimenteerde begun joarn 1920 mè nieuwe bouwtechniekn en ie liet hem inspireern deur d' Iengelsche Arts-and-craftsbewegienge en 't rationalisme van Hendrik Petrus Berlage.

Round 1924 kocht ie d'hofstee Steenlandt an de Minister Liebaertboane en ie installeerde e drukkery in e bygebouwtje met e klêne drukperse. Ie droomde dervan vo jounge dichters en schryvers e kanse te geevn mè schône, artistieke uutgoavn. Vanof 1929 groeide 't amateuristisch drukkerytje uut toet een echt bedryf, Drukkery-Uutgevery Steenlandt.

Acke wos bevriend mè Stijn Streuvels en ie ountwierp de bandversierienge vo den achtstn druk van 't boek De vlaschaard en d' êeste uutgoave van den bundel Werkmenschen (1926). In 1929 gaf Drukkery-Uutgevery Steenlandt Jasmijnen uut, den êestn dichtbundel van André Demedts.

Toet an Richard Ackes dôod in 1934 ist er nog vele poëzie, tonêel, jeugdliterateure, literair- en g'illustreerd werk gedrukt en uutgegeevn.