Pekkeln
| West-Vlamsche streekvariantn | |
|---|---|
| Nederlands woord | |
| Bikkelen | |
| |
| Streekvariant | |
| Uutsproake | Toale |
| Pekkeln Pekkeln Pekkeln Pekkeln Pekkeln Pekkeln |
Blanknbergs Brugs Kortriks Ostends Poperiengs Roeseloars Tielts Werviks Woaregems Ypers |
Pekkeln is een spel da wer gespeeld me klêne klompkes materioal (vroeger stukskes bêen, nu mêestal metoal lik schoakels van een ketting). De klompkes wirn pekkels genoemd. Pekkeln wird nu veel minder gespeeld dan vroegere deur oundermêer den ipkomst van dingn lik computers, gameboys en wii.
Geschienisse
[bewerkn | brontekst bewerken]
Pekkels zyn a peu près tegelykertyd met teirlienks upekommn en ze kommn zeker van Azië. Deur de Griekn, die 't spel lêerdn kenn in wuk da nu Turkeye is, is 't bekend erocht in Europa. De Griekn noemdn pekkels astragaloi.
Maniere van speeln
[bewerkn | brontekst bewerken]Vo't spel is surtout handvoardigheid nôdig. Der zyn vrêe veel verschillige maniern voun et spel te speeln, moar deze wird mêest gespeeld in Vloandern:
Eerst pakt je oal je pekkels (5 tot 7) in jen hand en smyt je ze in de lucht en probeer je der ip te vangn met de buutnkant van joun hand. A da nie lukt, pakt je geweun êen van de ground en smyt je die op en probeerd je em ip te vangn met de buutnkant van joun hand. Die meugd je toun in joun hand pakkn (binnenkant) en ipsmytn en beisn dan die pekkel(s) in de lucht zyn, moej d'andere van de ground roapn en iedere kêe ipvangn met de buutnkant van joun hand.
Aj uteindlijk oal jun pekkels ip joun hand it, meugd je beginn an de twidde rounde, van nu vôors moej de pekkels nie mir ipvangn met de buutnkant van joun hand, moa je moet ze ipvangn in een specifieke beweginge (richtinge).
De twidde ronde moe je joun pekkels weer ipvangn, moar nu in horizontoale richtinge, da is oal wa moeilikker.
In de derde rounde moe je joun pekkels ipvangn in verticoale richtinge, dit is 't moeilikst van al.
Ênigte noamn van spelletjes woarn: Zoaiers, Moaiers en Snakkers.