Langemark
Langemark | |
---|---|
![]() Liggienge in de gemêente Langemark-Poelkapelle | |
Geografie | |
Provinsje | ![]() |
Gemêente | Langemark-Poelkapelle |
Coördinoatn | 50°54′NB 2°55′OL |
Oogteliggienge | {{{hoogte}}} m |
Ippervlakte | 31,67 km² |
Inweuners – Bevolkiengsdichtheid |
5.144 (31/12/2006) 162/km² |
Vintn Vrown |
{{{mannen}}}% {{{vrouwen}}}% |
Andre info | |
Postcode | 8920 |
Zonenummer | {{{netn}}} |
![]() De Sint-Pauluskerke |
Langemark is e prochie in West-Vloandern. 't Bestoat ol siens oungeveer 450 n.C. 't Is altyd e klêen centrum in de Westoek gebleevn. In de dorpskerne weunn der oungeveer 3 500 inweuners. Binn Langemark liggn der nog twêe parochies: de Madône en Sint-Juliens. In 1971 fusioneerde Langemark met Bikschôte en in 1977 met Poekapelle, en achter veel protest van de Poekapellenoars en ze de nieuwe gemeente uuteindelik Langemark-Poelkapelle genoemd.
Algemêen
[bewerkn | brontekst bewerken]De 65 meiters oge torre van de Sint-Pauluskerke komt goed uut up 't marktplingsje met oge platoaneboomn, waarround de stroatn nog ossa met kasitsesteen zijn angeleid. Idre woensdagvornoene is 't er ier nog markt.
Vroeger ad Langemark een buurtspoorweg verbindienge met Roeseloare en lag het op de spoorverbindinge tussen Ostende en Armentières, op spoorlijne 63 tussen Yper en Toeroet. De statie is tot op heden gebrukt als kazerne van de pompiers, mo achter de bouw van een nieuwe kazerne in 2006 kommet het waarschienlyk leeg te stoan.
Langemark is ook de Baeckelandt-prochie. Iddere drie joar viert men ier de Baeckelandtfjeesten. Historisch was Lodewijk Baekelandt bist de Fransche bezettienge de leider van een beruchte bandietebende, die loater geromantiseerd werd. Ne werd ountoofd up de markt van Brugge.
Langemark et ook een bekend jeugduus: De Flodder.
Oorlogsgeschiedenisse
[bewerkn | brontekst bewerken]![](http://upload.wikimedia.org/wikipedia/commons/thumb/3/3d/LJB9_-_Langemarck_B.jpg/220px-LJB9_-_Langemarck_B.jpg)
![](http://upload.wikimedia.org/wikipedia/commons/thumb/b/bd/Soldatenfriedhoflangemark.jpg/220px-Soldatenfriedhoflangemark.jpg)
By de meeste menschn stoat Langemark meest bekend voe zy Duutsche Militaire Begroafplekke, 't Studentekerkof ut 'n Êeste Weireldoorloge. Ip 't soldatenfriedhof liggn der mêer of 44 000 Duutsche soldoatn.
In dien oorloge ad Langemark zwoar te lydn, 't lag noamelik juuste op de frountlyne. 't Bleeft der nietn overynd stoan.
Ounder de schryfwyze Langemarck is 't dorp voorol gekend in de Fransche, Iengelsche e Duutsche krygsgeschiedenisse deur de veldsloagn in november 1914. In Duutsland ountstound e woare mythe round 't woord Langemark achter volsche zegebulletins van het leger over heldhaftige gevichten van jounge Duutsche soldoatn. De gevichten addn idder plekke gevoundn tussen Nôordschote en Bikschôte mo Langemark was gekoozn omdat et zo Duuts klounk. In de Duutsche schooln werdn d'eldn van Langemark vereird, en er werdn gedinkdagen geoeden en monumentn opgericht. Hitler, die nog by Yper gestationeerd gewist wos, nam deze heldenvereringe over en noemde zyzelvn ook een Langemarck-stridder. Loater werd het Vlamsch Legioen als stormdevisie Langemarck an 't oostfrount ingezet.
Op 22 april 2005 wos 't juuste 90 joar geleedn dat in die gemeente, en da voe d'iste kêe in de weereldgeschiednisse, op grote schale een chemikn aanvol wos uitgevoerd. De Duutschers gebruktn chloorgoaze dat met de wind mee gink in de richtinge van de geallieerde troepn. Verrast deur 't succes greepn de Duutschers echter nie de kanse voun deure te stoten en zo Yper in te neemn.
Beziensweirdigheedn
[bewerkn | brontekst bewerken]Kykt noa Bouwkundig erfgoed in Langemark
Bekende Langemarknoars
[bewerkn | brontekst bewerken]- Johan Vermeersch: vôorzitter van FC Brussels
![]() |
Ofbeeldiengn die ier by passn ku je vien in de categorie Langemark van Wikimedia Commons. |