San Diego
Lidnanznam![]() |
Flag![]() |
Valdkund | Amerikan Ühtenzoittud Valdkundad |
Eläjiden lugu (2020) | 1,386,932 ristitud |
Pind | 964,56 km² |
![]() | |
Pämez' | Todd Gloria (tal'vku 2020—, Todd Gloria) |
Telefonkod | +1 619, +1 858 |
Aigvö | tal'vel UTC−8, kezal UTC−7 |
![](http://upload.wikimedia.org/wikipedia/commons/thumb/1/11/Location_map_San_Diego%E2%80%93Tijuana.png/250px-Location_map_San_Diego%E2%80%93Tijuana.png)
San Diego (mugažo anglijan i ispanijan kelil, angl. virkand [ˌsæn diˈeɪɡoʊ], isp. [san ˈdjeɣo]) om AÜV:oiden kahesanz' surtte lidn, seižub Tünen valdmeren randal. Se sijadase Kalifornii-štatan suves, Meksikan valdkundröunanno, štatan kahtenz' lidn eläjiden lugun mödhe, om San Diego-ümbrikon administrativižeks keskuseks.
Istorii
[vajehta | vajehtada lähtetekst]Eländpunktan aluz om pandud vn 1769 16. päiväl heinkud. Se sai lidnan oficiališt statusad vn 1850 keväz'kul.
San Diego om AÜV:oiden sodamerilaivišton päbazaks Tünen valdmeren randištol, laivankohendusen keskuz. Qualcomm-korporacijan päfater, Nokia-, Kyocera- i LG Electronics-kompanijoiden ezitaikundad sijadasoiš San Diegos.
Geografijan andmused
[vajehta | vajehtada lähtetekst]Lidn sijadase ühtennimižen süvän merilahten randal (nimitadud vl 1602), 0..485 m korktusil, 19 m ü.m.t. keskmäižel korktusel. Lidnan ühthine pind om 964,56 nellikkilometrad, sidä kesken vezi otab kahesandest (120,54 km²). Om konurbacijas Tihuan-lidnanke (läz kaht millionad eläjid, Meksik).
Klimat om subtropine kuiv. Voden keskmäine lämuz om +18,2 C°, kezakun-redukun +19,6..+22,4 C°, tal'vkun-uhokun +14,4..+15 C°. Ekstremumad oma −3,9 C° (viluku) i +43,9 C° (sügüz'ku). Kezaaigan minimum om +10 C° (kezaku, sügüz'ku), tal'vaigan maksimum om +33 C° (uhoku). Paneb sadegid 249 mm vodes, enamba vilukus-uhokus (50..56 mm kus), kuiv sezon oleskeleb semendkus-sügüz'kus (11 mm pordos). Voib olda haloid vilukus vaiše. Keskmäine relätivine nepsuz vajehtase 63..64 procentaspäi tal'vel 74..75 procenthasai kezal.
Eläjad
[vajehta | vajehtada lähtetekst]Vn 2010 AÜV:oiden rahvahanlugemižen mödhe lidnan eläjiden lugu oli 1 307 402 ristitud. Kaikiš suremb lidnan ristitišt om nügüd'. Läz 3,1 millionad ristituid elädas San Diegon lidnaglomeracijas (2020, 15nz' surtte valdkundas).
Kalifornijan universitetan aluzkund radab lidnas.
Edeline lidnan pämez' om Kevin Folkoner (keväz'ku 2014 — tal'vku 2020, Kevin Faulconer).
![](http://upload.wikimedia.org/wikipedia/commons/thumb/b/ba/Coronado_Bridge_Aerial_Panorama.jpg/750px-Coronado_Bridge_Aerial_Panorama.jpg)
Transport
[vajehta | vajehtada lähtetekst]Avtobusad, kiruhtramvai, taksid i velosipedad oma kundaližeks transportaks.
Rahvahidenkeskeine soda- da civiline San Diegon lendimport[1] (angl.: San Diego International Airport, SAN / KSAN, 22 mln passažiroid vl 2022) radab vides kilometras lodeheze lidnan bizneskeskusespäi. Tehtas reisid AÜV:oiden äjihe lidnoihe, Kanadan i Meksikan järedoihe lidnoihe, Londonha, Münhenha, Tokioho.
Sebruzlidnad
[vajehta | vajehtada lähtetekst]Edinburg, Šotlandii, Sur' Britanii (vspäi 1977)
Jan'tai, Šan'dun, Kitai (1985)
Jokoham, Japonii (1957)
Leon, Meksik
Pert, Päivlaskmaine Avstralii, Avstralii
Taičžun, Taivan', Kitai (1983)
Tihuan, Alakalifornii, Meksik (1993)
Vladivostok, Merenrandaline rand, Venäma
Homaičendad
[vajehta | vajehtada lähtetekst]Irdkosketused
[vajehta | vajehtada lähtetekst]- Lidnan tobmuden aluzkundoiden oficialine sait (sandiego.gov). (angl.)
- Lidnan turizman oficialine äikel'ne sait (sandiego.org).
![]() |
San Diego Vikiaitas |
AÜV:oiden järedad lidnad | |||
Enamba 3 mln. eläjid | Los Andželes | Nju Jork | ||
1—3 mln. eläjid | Čikago | Dallas | Filadel'fii | Finiks | Hjuston | San Antonio | San Diego | San Hose | ||
750 tuh. eläjid — 1 mln. | Džeksonvill | Fort Uert | Indianapolis | Kolumbus | Ostin | San Francisko | Šarlott | ||
Enamba 500 tuh. eläjid | Al'bukerke | Baltimor | Boston | Denver | Detroit | El' Paso | Fresno | Las Vegas | Luisvill | Memfis | Miluoki | Našvill | Oklahoma Siti | Portlend | Sakramento | Sietl | Tuson | Vašington | ||