Sabett
Valdkund | Venäma |
![]() | |
Telefonkod | +7−34 996-xx-xxx |
Aigvö | UTC+5 (MSK+2) |
Sabett (ven.: Сабе́тта) om aterjžilo Venäman Tümenin agjas, sen Jamalan Nenciden avtonomižen ümbrikon lodehes. Sijadase Jamalan rajonan territorijal.
Istorii
[vajehta | vajehtada lähtetekst]Ende pen' Sabett-külä oli žilon sijas (19 eläjad vl 2002), om tühjitadud vl 2006. Külän aluz oli pandud geologoil 1980-nzil vozil i sai nimitust jogen mödhe (ven.: Сабетта-яха).
Vspäi 2011 saudihe žilonno Venäman kaikiš surembad tegint nozoltamha sijališt sadud londuselišt gazad Suvitambein gazkondensatižes löudmižsijaspäi. Vl 2017 oli sätud enamba 30 tuhad radinsijid sauvomižes. Tegimen ezmäine jono om töhöpästtud vn 2017 lopus, toižed kaks' vn 2018 lopus, nellänz' jono om vaumitud vl 2021. Sauvond tarbhaiči 27 mlrd $ rahapanendoid, mail'man nozoltadud gazan viž procentad (2019) pästase tegimel. Gaz vedase ujuden tankeril Pohjoižedme meritedme vodes läbi i lähteb verhiže maihe, jänmurendajad ratas 7..9 kuhusai vodes.
Geografijan andmused
[vajehta | vajehtada lähtetekst]Žilo sijadase Jamal-pol'saren päivnouzmaižen mererandan pohjoižpalas, 2 m ü.m.t. keskmäižel korktusel. Matkad Salehardhasai om 570 km suvhe orhal.
Ei ole registriruidud kaikenaigaižid eläjid dai kaikenaigašt eländpunktad. Ümbärdai tahond om nencalaižiden eländsija.
Transport
[vajehta | vajehtada lähtetekst]Vspäi 2015 rahvahidenkeskeine lendimport radab. Vlpäi 2016 žilo om znamasižeks portaks Jävaldmeren randal, portan ezmäine jono om saudud vll 2012−2013. Vspäi 2019 Sabettan port om Venäman Arktikan kahtenz' vedadud jüguiden mödhe (27..28 mln tonnoid vodes) Murmanskan portan jäl'ghe.
Planiruihe sauda raudted Bovanenkovo-aterjžilospäi läz 170 km pitte vodele 2019, no sen sauvomine ei olend augotadud (vn 2021 heinkun andmused). Projekt om kal'hed i jüged elohopanendale igähižed rougun da soiden arvoimižiš.
Irdkosketused
[vajehta | vajehtada lähtetekst]![]() |
Sabett Vikiaitas |