Glazov
Lidnanznam![]() |
Flag![]() |
Valdkund | Venäma |
Eläjiden lugu (2021) | 91,921 ristitud |
Pind | 68,27 km² |
![]() | |
Pämez' | Sergei Konovalov (viluku 2019—) |
Telefonkod | +7−34 141-xx-xxx |
Avtokod | 18 |
Aigvö | UTC+4 (MSK+1) |
![](http://upload.wikimedia.org/wikipedia/commons/thumb/c/c2/Glazov_Limite_de_la_ville.png/250px-Glazov_Limite_de_la_ville.png)
Glazov (ven.: Глазов, udm.: Глаз, Глазкар) om Venäman lidn da lidnümbrik Udmurtijan Tazovaldkundan pohjoižes. Se om tazovaldkundan nellänz' lidn eläjiden lugun mödhe, mugažo Glazovan rajonan administrativine keskuz, ei ole sen palaks.
Istorii
[vajehta | vajehtada lähtetekst]Eländpunkt mainitase ezmäižen kerdan vl 1678 kuti Glazovo-külä. Se sai makundan lidnan statusad vl 1780. Vl 1921 (viluku — kezaku) Glazov oli Votin avtonomižen agjan ezmäižeks pälidnaks, sid' Iževsk. Toižen mail'man sodan aigan severz'-se sodategint personalanke oliba sirtud lidnha NSTÜ:n päivlaskmaspäi, niiden potencial radoi valdkundan sodategimišton kompleksan hüvüdele sodan jäl'ghe-ki.
Glazovan ižandusen päsarakod oma südäitukuižen poltusen tehmine, harvoiden mametalloiden da niiden suladusiden sand, ahtištimiden da ventiläcijan mašiništon tehmine, sauvondmaterialiden pästand, sömtegimišt, mecan ümbriradmine.
Geografijan andmused
[vajehta | vajehtada lähtetekst]Lidn sijadase Čepcanjogen hural randal (udm.: Чупчи́, Vätkan hurapol'ne bassein), 135..235 m korktusil, 150 m ü.m.t. keskmäižel korktusel. Matkad Iževskhasai om 180 km suvhe.
Glazov om lidnümbrikon üks'jäine eländpunkt.
Eläjad
[vajehta | vajehtada lähtetekst]Vn 2010 kaiken Venäman rahvahanlugemižen mödhe eläjiden lugu oli 95 854 ristitud. Kaikiš suremb ristitišt oli 106..107 tuhad eläjid vozil 1991−2001.
Ortodoksižen hristanuskondan kuz' pühäpertid[1] oma avaitud lidnas: Sündun Toižetamižen kafedraline päjumalanpert', nell' jumalanpertid, ph. Aleksandr Nevalaižen časoun'. Islaman pühäpert' om saudud vll 2010−2019.
Professionaližen opendusen aluzkundad: Glazovan valdkundaline pedagogine institut[2], Glazovan tehnine kolledž, Tazovaldkundaližen medicinižen kolledžan Glazovan filial[3], Glazovan agragiž-tegimištoline tehnikum, üläopendusen aluzkundoiden koume filialad.
Edeline lidnan pämez' om Oleg Bekmemet'jev (2015−2018).
Transport
[vajehta | vajehtada lähtetekst]Avtobusad (15 maršrutad) da taksid oma kundaližeks transportaks lidnas. Vspäi 1899 Glazov-raudtestancii radab «Kirov — Perm'»-raudtekeskustal.
Galerei
[vajehta | vajehtada lähtetekst]-
«Parafraz»-teatr (2015)
-
Bankan palakund (huralpäi) i lidnan kodirandantedištandmuzei (oiktalpäi) ühtes pertiš (2019)
-
Sündun Toižetamižen kafedraline päjumalanpert', vn 2019 nägu
-
Čepeckii mehanine tegim vl 2011
-
Glazovan likörvintegim vl 2009
-
Glazovan valdkundaližen pedagogižen institutan päsauvuz (2019)
-
«Rossija»-kul'turkeskuz (2019, Venäma)
-
«Progress»-jäpert'kulu (2011)
-
Avtotesild Čepcas päliči vl 2012
-
Glazov-päraudtestancijan sauvuz vl 2019
Homaičendad
[vajehta | vajehtada lähtetekst]- ↑ Glazovan pühäpertid sobory.ru-saital. (ven.)
- ↑ Glazovan valdkundaližen pedagogižen institutan sait (ggpi.org). (ven.)
- ↑ Tazovaldkundan medkolledžan Glazovan filialan sait (glazov.rmkur.ru). (ven.)
Irdkosketused
[vajehta | vajehtada lähtetekst]- Municipaližen «Glazov-lidn»-ühtnikan tobmuden aluzkundoiden oficialine sait (glazov-gov.ru). (ven.) (+ äikel'ne känduz)
![]() |
Glazov Vikiaitas |
Udmurtijan Tazovaldkundan lidnad | ||
Glazov | Iževsk | Kambark | Možg | Sarapul | Votkinsk | ||