Čongrad-Čanad

Čongrad-Čanad-agjan kart

Čongrad-Čanad (mad'j.: Csongrád-Csanád megye [ˈt͡ʃoŋɡraːd ˈt͡ʃɒnaːd]) om üks' Mad'jaranman agjoišpäi. Edel 2020. vot agjan nimituz oli Čongrad muite. Sen administrativine keskuz da kaikiš suremb lidn om Seged.

Geografijan andmused

Agj levigandeb valdkundan suves, Dunain Tis-jogen molembil randpolil. Röunatab koumenke agjanke: Bač-Kiškunanke päivlaskmas, Jas-Nad'kun-Sol'nok om pohjoižes, Bekeš levigandeb päivnouzmas, mugažo Romanijanke i Serbijanke suves.

Pind om 4 262,71 km².

Administrativine jagand

Agjan rajonad vspäi 2013

Čongrad-Čanad-agj jagase seičemeks jarašaks (rajonaks). Edel vn 2013 administrativišt reformad seičeme kišteršegad (rajonad) oli niiden sijas. Severziden-se rajoniden pindad oliba vajehtadud vähän reforman aigan.

Lidnad

Neciš agjas om kümne lidnad:

• Čanadpalot (Csanadpalota)
• Čongrad (Csongrád)
• Hodmezövašarhel' (Hódmezővasarhely, agjan toine järed lidn)
• Kišber (Kisber)
• Mako (Makó)
• Mindsent (Mindszent)
• Morahalom (Mórahalom)
• Šandorfal'v (Sándorfalva)
• Seged (Szeged)
• Senteš (Szentes)

Lidnoihe ližaks, om olmas 50 žilod agjas, niišpäi seičeme oma sured žilod.

Eläjad

Vl 2011 agjan ristitišt oli 417 456 eläjad, vl 2015 — 406 205 eläjad. Kaikiš suremb ristitišt oli 456 300 eläjad vl 1980. Viž ristitud seičemespäi elädas lidnoiš.

Rahvahad (2011, kahtenvuiččidenke vastusidenke): mad'jaralaižed — 85,2 %, čiganalaižed — 1,1 %, toižed rahvahad — 1,7 % (romanijalaižed, saksalaižed i serbalaižed päpaloin), rahvahuden ozutandata — 14,1 %.

Uskondan mödhe (2011): riman katolikad — 39,3 %, kal'vinistad — 7,0 %, lüteranižusen polenpidajad — 0,8 %, grekan katolikad — 0,4 %, toižed uskojad — 2,0 %, religijatomad — 21,8 %, ateistad — 1,6 %, märhapanendata — 27,0 %.

Irdkosketused

• Agjan oficialine sait (csongrad-megye.hu). (mad'j.)