London

	London
Eläjiden lugu	7 556 900 (2007)
Pind	1706,8 km²

London (anglijan kelel: London [ˈlʌndən], latinan kelel: Londinium) om Suren Britanijan da Pohjoižen Irlandijan Ühtenzoittud kunigahusen da Anglijan pälidn, kaikiš järedamb lidn Britanijan saril. Megapolisan pind om 1706,8 км². Eläjiden lugu om enamb 7 millionad ristituid (aglomeracijas om enamb 12 millionad). Se om toine lidn Evropas ristituiden lugun mödhe Moskvan jäl'ghe, kaikiš järedamb lidn Evropan Ühtištuses da Sures Britanijas. Riman imperator Klavdii pani Londonan lidnan alusen vodel 43.

Londonan sijaduz om Suren Brinanijan saren suvipoles, Temzanjogen randal, Noližel Grinvičan meridianal.

London om Ühtenzoittud kunigahusen znamasine politine, ekonomine da kul'turine keskuz. Lidnas om rahvahankeskeine aeroport Hitrou, üks' järedambišpäi mail'mas, jogiport Temzanjogel. 1863 vodespäi lidnas radab ezmäine Mas metropoliten. Londonas om äjad mail'man tetabad mel'heižtahod: Vestminsteran abbatuz, Vestminsteran pert'kulun kompleks časčuhundusenke (Parlament da Big Ben), Pühän Pavlan päjumalanpert', Taueran lidnuz i m. e.

London om 1908, 1948 da 2012 voziden Kezaližiden Olimpižiden vändoiden lidn.